یُوحنّا 1:13 - پنجابی نواں عہد نامہ نظرثانی شدہ چھپائی

¹³ اوہ نا لہو توں نا بدن دی چاہ توں نا اِنسان دی چاہ توں پر خُدا توں پَیدا ہوئے سن۔

یُوحنّا 1:13 ပူးပေါင်းရင်းမြစ်များ

متّی 3:9

تے اپنے دِلاں وِچ ایس گلّ دا خیال نا کرو پئی ابرہام ساڈا پئیو اے کیوں جو مَیں تُہانوں آکھنا آں پئی خُدا ایہناں پتّھراں وِچوں ابرہام دے لئی اولاد پَیدا کر سکدا اے۔

یُوحنّا 3:3

یِسُوع اوہنوں جواب دِتّا مَیں تینُوں سَچ سَچ آکھنا آں کوئی بندہ جے نَوِیں سِریوں نا جمّے اوہ خُدا دی بادشاہی نُوں ویکھ نئیں سکدا۔

۱-کُرِنتھِیوں 3:6

مَیں بُوٹا لا یا تے اُپلّوس پیایا پر وَدھایا خُدا نے۔

فِلِپّیوں 2:13

کیوں جو جیہڑا تُہاڈے وِچ نِیّت تے عمل دوہاں نُوں اپنا نیک اِرادہ پُورا کرن لئی پَیدا کر دا اے سو خُدا ای اے۔

طِطُس 3:5

تے اوس سانُوں چھڈایا۔ پر راستبازی دے کمّاں دے سببّوں نئیں جیہڑے اساں کِیتے پر اپنی رحمت نال نَوِیں پَیدایش تے نہاؤن تے پاک رُوح دے سانُوں نَوِیاں بناؤن دے وسیلے نال۔

یعقُوب 1:18

اوس اپنی مرضی نال سَچّے کلام دی راہِیں سانُوں پَیدا کِیتا تاں جو اوہدی خلقت وِچوں اِک طرح دے پہلے پَھل ہوئیے۔

۱-پطرس 1:23

کیوں جو تُسی جِسمانی تُخم توں نئیں۔ سگوں رُوحانی توں۔ خُدا دے کلام دی راہِیں جیہڑا جِیوندا تے قیم اے نَوِیں سِریوں جمّے ہو۔

۱-پطرس 1:3

ساڈے خُداوند یِسُوع مسِیح دے خُدا تے باپ دی وڈیائی ہوئے۔ جِس یِسُوع مسِیح دے مُردیاں وِچوں جی اُٹھن دا سبّب اپنی بڑی رحمت نال سانُوں زِندہ آس دین لئی نَوِیں سِریوں پَیدا کِیتا۔

۱-پطرس 2:2

نَوِیں جمّیاں ہویاں بچّیاں وانگر کلام دے نَروَیر رُوحانی دُدّھ دی چاہ رکھو۔ پئی اوہدی راہِیں نجات پان لئی وَدھدے جاؤ۔

۱-یُوحنّا 3:9

جیہڑا خُدا توں جمّیا اے۔ اوہ گُناہ نئیں کر دا۔ کیوں جو اوہدا بی اوہدے وِچ رہندا اے سگوں اوہ گُناہ کر ای نئیں سکدا کیوں جو اوہ خُدا توں جمّیا ہویا اے۔

۱-یُوحنّا 4:7

پیاریو! اسی اِک دُوجے نُوں مُحبّت کریئے۔ کیوں جو مُحبّت خُدا ولّوں اے تے جیہڑا مُحبّت کر دا اے اوہ خُدا توں جمّیا اے تے خُدا نُوں جان دا اے۔

۱-یُوحنّا 5:1

جِہدا اِیمان اے۔ پئی یِسُوع ای مسِیح اے۔ اوہ خُدا توں جمّیا اے۔ تے جیہڑا کوئی جمان والے نال مُحبّت کر دا اے۔ اوہ اوہدے جمّیاں نال وی مُحبّت کر دا اے۔

۱-یُوحنّا 5:18

اسی جاننے آں پئی جیہڑا خُدا توں جمّیا اے اوہ گُناہ نئیں کر دا سگوں اوہدی راکھی اوہ کر دا اے۔ جیہڑا خُدا توں جمّیا اے۔ تے اوہ شریر اوہنوں نئیں چھوندا۔

۱-یُوحنّا 5:4

جیہڑا خُدا توں جمّیا ہویا اے اوہ دُنیا نُوں جِت لَیندا اے۔ تے اوہ فتح جِہدے نال دُنیا جِتّی گئی اے ساڈا اِیمان اے۔