یعقُوب 4:6 - پنجابی نواں عہد نامہ نظرثانی شدہ چھپائی

⁶ اوہ تے بُہتا فضل دیندا اے۔ ایس لئی ایہہ لِکھیا ہویا اے۔ پئی خُدا مغرُوراں دا سامنا کر دا اے۔ تے حلِیماں نُوں فضل دیندا اے۔

یعقُوب 4:6 ပူးပေါင်းရင်းမြစ်များ

متّی 13:12

ایس لئی جِہدے کول اے اوہنوں دِتّا جائے گا۔ تے اوہدا بڑا وادھا ہو جائے گا۔ پر جِہدے کول نئیں اے اوہدے کولوں اوہ وی جو کُجھ اوہدے کول اے لے لیا جائے گا۔

متّی 23:12

تے جیہڑا کوئی اپنے آپ نُوں اُچیاں کرے گا سو نِیواں کِیتا جائے گا تے جیہڑا کوئی اپنے آپ نُوں نِیویاں کرے گا۔ سو اُچّا کِیتا جائے گا۔

لُوقا 1:52

اوس زور والیاں نُوں تختوں لاہ دِتّا تے نِیویاں نُوں اُچیاں کِیتا۔

لُوقا 14:11

کیوں جو ہر اِک جیہڑا اپنے آپ نُوں اُچیاں کر دا اے۔ سو نِیواں کِیتا جائے گا۔ تے جیہڑا اپنے آپ نُوں نِیواں کر دا اے۔ اوہ اُچّا کِیتا جائے گا۔

لُوقا 18:14

مَیں تُہانوں آکھنا آں۔ پئی ایہہ بندے دُوجے نالوں ودِھیک نیک ہو کے اپنے گھر گیا۔ کیوں جو جیہڑا کوئی اپنے آپ نُوں اُچیاں کر دا اے۔ نِیواں کِیتا جائے گا۔ پر جیہڑا اپنے آپ نُوں نِیواں کر دا اے اوہ اُچّا کِیتا جائے گا۔

یعقُوب 4:10

خُدا اگّے نِیویں ہوؤ۔ تے اوہ تُہانوں اُچّا کرے گا۔

۱-پطرس 5:5

جوانو! تُسی وی بزُرگاں دی تابعیاں وِچ رہو اِک دُوجے دی سیوا واسطے عاجزی نال لکّ بنھیں رکھو۔ ایس لئی پئی خُدا مغرُوراں دا سامنا کر دا اے پر عاجزاں نُوں فضل دیندا اے۔