یعقُوب 4:12 - پنجابی نواں عہد نامہ نظرثانی شدہ چھپائی

¹² شریعت دا دین والا تے حاکم اِکّو اے جیہڑا بچا سکدا اے۔ تے مار وی سکدا اے۔ تُوں کون ایں جیہڑا اپنے گواہنڈی اُتّے الزام لانا ایں؟

یعقُوب 4:12 ပူးပေါင်းရင်းမြစ်များ

متّی 10:28

تے اوہناں توں نا ڈرو جیہڑے بدن نُوں مار سُٹّدے تے رُوح نُوں نئیں مار سکدے۔ سگوں اوہدے توں ڈرو جیہڑا بدن تے رُوح دوہاں دا جہنّم وِچ ناس کر سکدا اے۔

لُوقا 12:5

پر مَیں تُہانوں دسنا آں پئی تُہانوں کِدے کولوں ڈرنا چاہیدا اے اوسے کولوں ڈرو جیہڑا اختیار رکھدا اے پئی مارن دے مگروں جہنّم وِچ سُٹ دیوے ہاں مَیں تُہانوں آکھنا آں۔ اوسے کولوں ڈرو۔

رُومِیوں 14:13

ایس لئی اسی اگّے نُوں اِک دُوجے اُتّے عیب نا لایئے۔ سگوں تُسی اپنے مَن وِچ ایہہ ٹھہراؤ۔ پئی اسی اپنے بھرا دے اگّے کوئی ٹھوکر نا رکھیے۔

رُومِیوں 14:4

تُوں کون ہوناں ایں۔ پئی پرائے ٹہلئے اُتّے عیب لاویں؟ اوہدا اُٹھنا ڈِگّنا اوہدا اپنا ای مالک سگوں اوہ اُٹھا لیا جائے گا۔ کیوں جو خُدا اوہنوں کھلھارن اُتّے قادر اے۔

رُومِیوں 2:1

سو اَے عیب لان والیا۔ بھانویں کون ہوویں تُوں جو عیب لانا ایں تیرا کُجھ عُذر نئیں۔ کیوں جو جیہڑی گلّ دا تُوں دُوجے اُتّے عیب لانا ایں اوسے دا تُوں اپنے آپ نُوں وَدّھ عَیبی بنانا ایں۔ تُوں جیہڑا عیب لانا ایں آپے ای اوہو کمّ کرنا ایں۔

رُومِیوں 9:20

اوہ بندیا۔ تُوں کون ایں۔ جیہڑا خُدا نال مُڑ مُڑ جواب کرنا ایں؟ کاریگری کاریگر نُوں آکھے گی پئی تُوں مَینُوں اجیہا کیوں بنایا؟

عِبرانیوں 7:25

ایس واسطے جیہڑے اوہدے راہِیں خُدا کول آوندے نیں اوہ اوہناں نُوں پُوری نجات دے سکدا اے۔ کیوں جو اوہ اوہناں دی سفارِش لئی ہمیشہ جِیوندا اے۔

یعقُوب 5:9

بھراؤ! اِک دُوجے دی چُغلی نا کرو۔ تاں جو سزا نا پاؤ۔ ویکھو مُنصف بُوہے اُتّے کھلوتا اے۔