یعقُوب 4:11 - پنجابی نواں عہد نامہ نظرثانی شدہ چھپائی

¹¹ بھراؤ! اِک دُوجے دی بدگوئی نا کرو۔ جیہڑا اپنے بھرا دی بدگوئی کر دا اے یا الزام لاندا اے اوہ شریعت دی بدگوئی کر دا اے تے شریعت اُتّے الزام لاندا اے۔ جے تُوں شریعت اُتّے الزام لانا ایں تے تُوں شریعت اُتّے عمل نئیں کِیتا۔ سگوں اوہدے اُتّے حاکم بنیا۔

یعقُوب 4:11 ပူးပေါင်းရင်းမြစ်များ

لُوقا 6:37

تے عیب نا لاؤ تاں جو تُہاڈے اُتّے وی عیب نا لایا جائے۔ تے مُجرم نا ٹھہراؤ۔ تاں جو تُسی وی مُجرم نا ٹھہرائے جاؤ۔ رہا کرو۔ تے تُسی وی رہا ہوؤگے۔

رُومِیوں 2:1

سو اَے عیب لان والیا۔ بھانویں کون ہوویں تُوں جو عیب لانا ایں تیرا کُجھ عُذر نئیں۔ کیوں جو جیہڑی گلّ دا تُوں دُوجے اُتّے عیب لانا ایں اوسے دا تُوں اپنے آپ نُوں وَدّھ عَیبی بنانا ایں۔ تُوں جیہڑا عیب لانا ایں آپے ای اوہو کمّ کرنا ایں۔

رُومِیوں 2:13

کیوں جو شریعت مَنّن والے وی خُدا دے اگّے راستباز نئیں ٹَھیرن گے۔ سگوں شریعت اُتّے چلّن والے۔

رُومِیوں 7:7

فیر اسی کِیہ آکھیئے؟ شریعت گُناہ اے؟ خُدا نا کرے سگوں بِناں شریعت دے مَیں گُناہ نُوں نئیں پچھاندا۔ کیوں مَیں لالچ نا جان دا جے شریعت نا آکھدی پئی تُوں لالچ نا کر۔

۱-کُرِنتھِیوں 4:5

سو جد تِیکر خُداوند نا آوے۔ ویلے توں پہلاں کِسے کمّ دا فیصلہ نا کرو اوہو ہنیرے دِیاں چُھپیاں ہویاں گلّاں نُوں روشن کر دے گا۔ تے دِلاں دے منصُوبے ظاہر کر دے گا۔ اوس ویلے ہر اِک دی وڈیائی خُدا ولّوں ہوئے گی۔

۲-کُرِنتھِیوں 12:20

کیوں جو مَیں ڈرنا آں۔ کِتے اجیہا نا ہوئے۔ پئی مَیں آ کے جیویں تُہانوں چاہناں آں ایہو جِہیا نا ویکھیاں۔ تے مَینُوں جیہا تُسی نئیں چاہندے اوہو جِہیا ای ویکھو۔ پئی تُہاڈے وِچ جھگڑا۔ ساڑا۔ غُصّہ۔ جُدائِیاں۔ بدگوئِیاں۔ چُغلیاں۔ شیخیاں تے فساد ہون۔

اِفسِیوں 4:31

ہر اِک طرح دی کَوڑ تے کرودھ تے دھُروہ تے رَولا تے بھنڈی ساری کِڑ سَنے دُراڈے کرو۔

۱-تِیمُتِھیُس 3:11

ایسے طرح زنانِیاں وی سنجیدہ ہونیاں چاہیدیاں نیں۔ اُوج لان والِیاں نا ہون سگوں پرہیزگار تے سارِیاں گلّاں وِچ اِیمان دار ہون۔

۲-تِیمُتِھیُس 3:3

اصلی پیار توں خالی پتّھر دِل تُہمت لان والے تے بے مُہّار بَھیڑی طبیعت والے نیکی دے وَیری۔

طِطُس 2:3

ایسے طرح بُڈِّھیاں زنانِیاں دی چال ڈھال ادب والی ہوئے۔ چُغلی کرن والِیاں تے شرابی نا ہون پر ٹھیک گلّاں دسن والِیاں ہون۔

یعقُوب 1:16

میرے پیارے بھراؤ! دھوکھا نا کھاؤ۔

یعقُوب 1:19

میرے پیارے بھراؤ! ایہہ گلّ تُسی جان دے ہو سو سارے سُنن وِچ تیز تے بولن وِچ مِٹّھے تے غُصّے وِچ صبر کرن والے ہو۔

یعقُوب 1:25

پر جیہڑا بندہ اَزادی دی پُوری شریعت اُتّے دِل نال سوچدا رہندا اے۔ اوہ اپنے کمّ وِچ برکت پائے گا۔ ایس لئی پئی اوہ سُن کے بُھلدا نئیں سگوں عمل کر دا اے۔

یعقُوب 2:8

تَد وی جے پاک کتاب دی گلّ دے سببّوں بادشاہی شریعت نُوں پُوریاں کر دے ہو پئی اپنے گواہنڈی نُوں اپنے وانگر پیار کر تے چَنگا کر دے ہو۔

یعقُوب 5:10

بھراؤ جِنہاں نبیاں خُداوند دے ناں اُتّے کلام کِیتا اے اوہناں نُوں دُکھ سہن تے صبر کرن دا نمونہ سمجھو۔

یعقُوب 5:7

سو بھراؤ! خُداوند دے آؤن تِیکر صبر کرو۔ ویکھو زمیندار زمین دی قِیمتی پَیداوار نُوں اوڈِیکدا اے۔ تے پہلے تے پِچّھلے مینہ دے وَسّن تِیکر صبر کر دا رہندا اے۔

یعقُوب 5:9

بھراؤ! اِک دُوجے دی چُغلی نا کرو۔ تاں جو سزا نا پاؤ۔ ویکھو مُنصف بُوہے اُتّے کھلوتا اے۔

۱-پطرس 2:1

فیر ساری بدی تے سارے فریب تے مکّاری تے ساڑا تے بُرا آکھنا چھڈ کے۔