یعقُوب 4:1 - پنجابی نواں عہد نامہ نظرثانی شدہ چھپائی

¹ تُہاڈے وِچ لڑائِیاں تے جھگڑے کِتّھوں آ گئے نیں ایہہ اوہناں خواہشاں توں نئیں جیہڑیاں تُہاڈے انگاں وِچ فساد کر دِیاں نیں؟

یعقُوب 4:1 ပူးပေါင်းရင်းမြစ်များ

متّی 15:19

کیوں جو بُرے خیال۔ خُون۔ زناکارِیاں۔ حرامکاریاں۔ چوریاں۔ جُھوٹھی گواہِیاں۔ کُفر۔ دِلوں ای نِکل دے نیں۔

یُوحنّا 8:44

تُسی اپنے پئیو ابلیس توں ہو تے اپنے پئیو دِیاں خواہشاں نُوں پُورا کرنا چاہندے اوہ۔ اوہ مُڈھوں ای خُونی سی تے سچیائی اُتّے کھلوتا نا رہیا کیوں جو اوہدے وِچ سچیائی اے نئیں۔ جدوں اوہ جُھوٹھ بولدا اے اوہ اپنے ای ولّوں بولدا اے کیوں جو اوہ جُھوٹھا اے تے جُھوٹھ دا پئیو اے۔

رُومِیوں 7:23

پر دُوجی شریعت مَیں اپنے انگاں وِچ ویکھنا آں۔ جیہڑی میری عقل دی شریعت نال لڑائی کر کے مَینُوں گُناہ دی اوس شریعت دے ہتّھ جیہڑی میرے انگاں وِچ اے قید کر کے پھڑاؤندی اے۔

رُومِیوں 7:5

کیوں جو جد اسی جِسمانی ساں تَد گُناہ دِیاں خواہشاں جیہڑیاں شریعت دے سببّوں سن۔ ساڈے انگاں وِچ مَوت دے لئی پَھل لیاؤن نُوں زور کر دِیاں سن۔

رُومِیوں 8:7

ایس لئی پئی جِسمانی نِیّت خُدا دے برخلاف اے۔ کیوں جو اوہ خُدا دی شریعت دی تابعدار نئیں اے۔ تے نا ہو سکدی اے۔

گلتِیوں 5:17

کیوں جو جِسم دی خواہش رُوح دے اُلٹ اے۔ تے رُوح جِسم دے اُلٹ۔ تے ایہہ اِک دُوجے دے دُشمن نیں۔ ایس کر کے پئی جو کُجھ تُسی چاہندے ہو نا کرو۔

کُلُسِّیوں 3:5

سو اپنے اوہناں انگاں نُوں مار چھڈو۔ جیہڑے زمین اُتّے نیں۔ یعنی زنا تے پلِیتی۔ شہوت تے بُری خواہش تے لالچ نُوں جیہڑا بُت پرستی دے برابر اے۔

۲-تِیمُتِھیُس 2:23

پر بےکل تے نادانی دے مخولاں توں ایہہ جان کے وکھرا رہ۔ پئی اوہ جھگڑا پَیدا کر دے نیں۔

طِطُس 3:3

کیوں جو اسی وی پہلاں نادان۔ نافرمان۔ دھوکھا کھان والے تے بُریاں خواہشاں تے خُوشیاں دے غلام ساں۔ تے دُکھ۔ تے ساڑا کر دے ساں۔ نفرت دے لائق ساں تے آپو وِچ وَیر رکھدے ساں۔

طِطُس 3:9

پر بیواقوفی دِیاں حُجتّاں تے شجریاں تے جھگڑیاں تے شریعت دِیاں لڑائِیاں توں پرہیز کر۔ ایس لئی پئی ایہہ بے فائدہ تے تھوتھیاں نیں۔

یعقُوب 1:14

ہاں بندہ اپنیاں ای خواہشاں دی کھِچّ نال پَھس کے ازمایا جاندا اے۔

یعقُوب 4:3

تُسی منگدے ہو پر نئیں مِلدا۔ ایس لئی پئی بُری نِیّت نال منگدے ہو تاں جو اپنی خُوشی وِچ خرچ کرو۔

۱-پطرس 1:14

تے تابعدار بچّیاں وانگر اپنے آپ نُوں اپنی بیواقوفی دِیاں پرانیاں خواہشاں اُتّے نا ڈولو۔

۱-پطرس 2:11

پیاریو مَیں تُہاڈی مِنّت کرنا آں۔ پئی تُسی اپنے آپ نُوں پردیسی تے مُسافر جان کے اوہناں جِسم دِیاں خواہشاں توں بچے رہو جیہڑیاں رُوح نال لڑائی رکھدیاں نیں۔

۲-پطرس 2:18

اوہ مغرُوری دِیاں واہیات گلّاں بَک بَک کے لُچ پُنے دی راہِیں اوہناں لوکاں نُوں جِسمانی خواہشاں وِچ پھساندے نیں جیہڑے بدراہاں وِچوں مَساں مَساں پئے نِکلدے نیں۔

۲-پطرس 3:3

تے ایہہ پہلاں جان لوؤ پئی اخِیری دِناں وِچ اجیہے مخَولئے آؤن گے۔ جیہڑے اپنیاں خواہشاں دے سببّوں ٹُرن گے۔