یعقُوب 3:1 - پنجابی نواں عہد نامہ نظرثانی شدہ چھپائی

¹ میرے بھراؤ! تُہاڈے وِچوں بتھیرے اُستاد نا بنن کیوں جو اسی جاننے آں۔ پئی اسی جیہڑے اُستاد آں وَدّھ سزا پاں گے۔

یعقُوب 3:1 ပူးပေါင်းရင်းမြစ်များ

متّی 10:24

شاگِرد اپنے اُستاد نالوں وَڈا نئیں تے نا نوکر اپنے مالک نالوں۔

متّی 23:13

پر ہائے افسوس تُہاڈے اُتّے فقِیہو تے فرِیسیو مکّارو۔ ایس لئی پئی تُسی اسمان دی بادشاہی نُوں لوکاں اُتّے بند کر دے اوہ۔ تُسی تے نا آپ وِچ وڑدے تے نا وڑن والیاں نُوں وڑن دیندے اوہ۔

متّی 23:14

[ہائے افسوس تُہاڈے اُتّے فقِیہو تے فرِیسیو مکّارو ایس لئی پئی تُسی بیوہ عَورتاں دے گھراں نُوں نِگل جاندے اوہ تے وکھالن لئی لمبی چَوڑی نماز پڑھدے اوہ۔ تُہانوں بُہتی سزا مِلے گی۔]

متّی 9:11

تے فرِیسیاں ویکھ کے اوہدے شاگِرداں نُوں آکھیا تُہاڈا اُستاد محصُولِیاں تے گُناہِیاں دے نال کیوں کھاندا اے؟

لُوقا 16:2

تَد اوس اوہنوں سَدّ کے آکھیا۔ ایہہ کِیہ اے۔ جو مَیں تیرے حق وِچ سُننا آں؟ اپنی مُختیاری دا حِساب دے۔ کیوں جو تُوں اگّے نُوں مُختِیار نئیں رہ سکدا۔

لُوقا 6:37

تے عیب نا لاؤ تاں جو تُہاڈے اُتّے وی عیب نا لایا جائے۔ تے مُجرم نا ٹھہراؤ۔ تاں جو تُسی وی مُجرم نا ٹھہرائے جاؤ۔ رہا کرو۔ تے تُسی وی رہا ہوؤگے۔

یُوحنّا 3:10

یِسُوع اوہنوں جواب دِتّا تُوں اِسرائیلیاں دا اُستاد ہو کے ایہہ گلّاں نئیں جان دا؟

اعمال 13:1

تے انطاکیہ دی کلِیسیا وِچ کئی نبی تے اُستاد سن یعنی برنباس تے شمعُون جیہڑا کالا اکھواؤندا اے۔ تے لُوکِیُس کُرینی تے مناہیم جیہڑا چوتھائی مُلک دے حاکم ہیرودیس دے نال پلیا سی۔ تے ساؤُل۔

۱-کُرِنتھِیوں 12:28

تے خُدا نے کلِیسیا وِچ وَکھو وَکھ بندے مُقرّر کِیتے۔ پہلے رسُول دُوجے نبی ترِیجے اُستاد فیر کراماتاں وکھان والے۔ فیر بیماریاں ولّ کرن والے۔ مدد کرن والے۔ انتظام کرن والے۔ وَن سَووَنِیاں زباناں بولن والے۔

۲-کُرِنتھِیوں 5:10

کیوں جو ضرُوری گلّ اے پئی مسِیح دے عدالت دے تخت دے اگّے جا کے ساڈے سبھناں دا حال کُھل جاوے۔ تاں جو ہر کِسے نُوں اوہدیاں اوہناں کمّاں دا بدلہ مِلے۔ جیہڑے اوس بدن دی راہِیں کِیتے ہون۔ بھانویں بھلے تے بھانویں بُرے۔

اِفسِیوں 4:11

تے اوسے ای بعضیاں نُوں رسُول تے بعضیاں نُوں نبی تے بعضیاں نُوں اِنجِیل سُنان والے تے بعضیاں نُوں آجڑی تے اُستاد بنا کے دے دِتّا۔

۱-تِیمُتِھیُس 1:7

تے شریعت دے اُستاد بننا چاہندے نیں بھانویں جیہڑیاں گلّاں آکھدے نیں تے جِنہاں دا پَکّ کر دے نیں اوہ اوہناں نُوں سمجھدے وی نئیں۔

۱-تِیمُتِھیُس 2:7

مَیں سَچ آکھناں آں تے جُھوٹھ نئیں آکھدا۔ پئی مَیں ایسے مطلب نال منادی کرن والا تے رسُول تے غیر قوماں نُوں اِیمان تے سچیائی دِیاں گلّاں سکھان والا لگّا آں۔

۲-تِیمُتِھیُس 1:11

جِہدے لئی مَیں مَنّاد تے رسُول تے اُستاد بنیا آں۔

عِبرانیوں 13:17

اپنے راہبراں دے آکھے لگو تے تابعیاں رہو کیوں جو اوہ تُہاڈیاں جاناں دے فائدے لئی اوہناں وانگر جاگدے رہندے نیں۔ جِنہاں نُوں حِساب دینا پَوے گا تاں جو اوہ خُوشی نال ایہہ کمّ کرن نا دُکھ نال کیوں جو ایس گلّ توں تُہانوں کُجھ فائدہ نئیں۔

یعقُوب 1:16

میرے پیارے بھراؤ! دھوکھا نا کھاؤ۔

یعقُوب 1:19

میرے پیارے بھراؤ! ایہہ گلّ تُسی جان دے ہو سو سارے سُنن وِچ تیز تے بولن وِچ مِٹّھے تے غُصّے وِچ صبر کرن والے ہو۔

یعقُوب 3:10

اِکّی مُنھ توں نیک دُعا تے بد دُعا نِکلدی اے۔ میرے بھراؤ! ایہہ نئیں ہونا چاہیدا۔

۱-پطرس 5:3

تے جیہڑے لوک تُہاڈے سپُرد نیں اوہناں اُتّے دابا نا پاؤ سگوں اِجّڑ لئی نمونہ بنو۔