یعقُوب 2:8 - پنجابی نواں عہد نامہ نظرثانی شدہ چھپائی

⁸ تَد وی جے پاک کتاب دی گلّ دے سببّوں بادشاہی شریعت نُوں پُوریاں کر دے ہو پئی اپنے گواہنڈی نُوں اپنے وانگر پیار کر تے چَنگا کر دے ہو۔

یعقُوب 2:8 ပူးပေါင်းရင်းမြစ်များ

متّی 22:39

تے دُوجا جیہڑا اوہدے وانگُوں ایہہ اے پئی تُوں اپنے گوانڈھی نُوں اپنے جِہیا پیار کر۔

متّی 25:21

اوہدے مالک نے اوہنوں آکھیا شاواشے چنگیا تے وفادار نوکرا۔ تُوں تے تھوڑے وِچ وفادار نِکلیا۔ مَیں تینُوں بتھیرے اُتّے اختیار دیاں گا۔ تُوں اپنے مالک دی خُوشی وِچ داخل ہو۔

متّی 25:23

اوہدے مالک اوہنوں آکھیا شاواشے چنگیا تے وفادار نوکرا۔ تُوں تے تھوڑے وِچ وفادار نِکلیوں۔ مَیں تینُوں بتھیرے اُتّے اختیار دیاں گا۔ تُوں اپنے مالک دی خُوشی وِچ داخل ہو۔

متّی 7:12

ایس کر کے سبھو کُجھ جو تُسی چاہندے ہو پئی لوک تُہاڈے نال کرن اوہ ای اوہناں نال تُسی وی کرو کیوں جو توریت تے نبیاں دی تعلِیم ایہو ای اے۔

رُومِیوں 13:10

مُحبّت گواہنڈی دا بُرا نئیں کر دی۔ ایس کر کے مُحبّت رکھنا شریعت دا پُورا کرنا اے۔

گلتِیوں 5:14

کیوں جو ساری شریعت اِکّی گلّ وِچ پُوری ہوندی اے۔ پئی تُوں اپنے گواہنڈی نال اپنے جِہیا پیار رکھ۔

گلتِیوں 6:2

تُسی اِک دُوجے دے بھار وَنڈو تے ایس طرح مسِیح دی شریعت نُوں پُوریاں کرو۔

فِلِپّیوں 4:14

فیر وی تُساں چَنگا کِیتا۔ پئی میری تنگی وِچ تُساں میرا ساتھ دِتّا۔

۱-تھِسّلُنِیکوں 4:9

پر بھراواں دی مُحبّت ولّوں تُہانوں کُجھ لِکھن دی لوڑ نئیں۔ کیوں جو تُساں آپو وِچ مُحبّت رکھنا خُدا کولوں سِکھیا اے۔

یعقُوب 1:25

پر جیہڑا بندہ اَزادی دی پُوری شریعت اُتّے دِل نال سوچدا رہندا اے۔ اوہ اپنے کمّ وِچ برکت پائے گا۔ ایس لئی پئی اوہ سُن کے بُھلدا نئیں سگوں عمل کر دا اے۔

یعقُوب 2:12

تُسی اوہناں لوکاں وانگر کلام وی کرو تے کمّ وی کرو۔ جِنہاں دی اَزادی دی شریعت دے سببّوں عدالت ہوئے گی۔

یعقُوب 2:19

تُوں ایس گلّ اُتّے اِیمان رکھنا ایں پئی خُدا اِکّو اے۔ خَیر چَنگا کرنا ایں۔ شیطان وی اِیمان رکھدے۔ تے کمبدے نیں۔

یعقُوب 4:11

بھراؤ! اِک دُوجے دی بدگوئی نا کرو۔ جیہڑا اپنے بھرا دی بدگوئی کر دا اے یا الزام لاندا اے اوہ شریعت دی بدگوئی کر دا اے تے شریعت اُتّے الزام لاندا اے۔ جے تُوں شریعت اُتّے الزام لانا ایں تے تُوں شریعت اُتّے عمل نئیں کِیتا۔ سگوں اوہدے اُتّے حاکم بنیا۔

۱-پطرس 2:9

پر تُسی اِک چُنی ہوئی نسل تے بادشاہی کاہِناں دا فِرقہ پاک قوم تے اجیہی اُمّت ہو جیہڑی خُدا دی خاص ملکیّت اے۔ تاں جو اوہدیاں خُوبِیاں ظاہر کرو۔ جِس تُہانوں ہنیرے وِچوں اپنے عجب چانن وِچ سدّیا اے۔