یعقُوب 2:12 - پنجابی نواں عہد نامہ نظرثانی شدہ چھپائی

¹² تُسی اوہناں لوکاں وانگر کلام وی کرو تے کمّ وی کرو۔ جِنہاں دی اَزادی دی شریعت دے سببّوں عدالت ہوئے گی۔

یعقُوب 2:12 ပူးပေါင်းရင်းမြစ်များ

لُوقا 4:18

خُداوند دا رُوح میرے اُتّے اے اوس ایس کر کے مَینُوں مسَح کِیتا پئی غرِیباں نُوں خُوشخبری دیاں اوس مَینُوں گھلّیا پئی قیدِیاں نُوں چُھٹکارے دی تے اَنھیاں نُوں سُجاکھا ہون دی خبر سُناواں۔ تے مارِیاں کُٹّیاں نُوں خلاصی دیاں۔

یُوحنّا 8:32

تے تُسی سچیائی نُوں جانو گے تے سچیائی تُہانوں اَزاد کرے گی۔

گلتِیوں 6:2

تُسی اِک دُوجے دے بھار وَنڈو تے ایس طرح مسِیح دی شریعت نُوں پُوریاں کرو۔

فِلِپّیوں 4:8

بھراؤ! ہور ایہہ گلّ اے جیہڑیاں گلّاں سَچیاں نیں جیہڑیاں عِزّت جوگیاں نیں جیہڑیاں نیک نیں۔ جیہڑیاں سُدّھ نیں۔ جیہڑیاں پیاریاں نیں۔ جیہڑیاں بھلیاں نیں۔ جیہڑیاں گُن دِیاں نیں تے جیہڑیاں تعرِیف دِیاں نیں اوہناں اُتّے دھیان رکھو۔

کُلُسِّیوں 3:17

تے کلام یا کمّ جو کُجھ کر دے ہو اوہ سبھ خُداوند یِسُوع دے ناں اُتّے کرو۔ تے اوسے دی راہِیں خُدا باپ دا شُکر کرو۔

یعقُوب 1:25

پر جیہڑا بندہ اَزادی دی پُوری شریعت اُتّے دِل نال سوچدا رہندا اے۔ اوہ اپنے کمّ وِچ برکت پائے گا۔ ایس لئی پئی اوہ سُن کے بُھلدا نئیں سگوں عمل کر دا اے۔

یعقُوب 2:8

تَد وی جے پاک کتاب دی گلّ دے سببّوں بادشاہی شریعت نُوں پُوریاں کر دے ہو پئی اپنے گواہنڈی نُوں اپنے وانگر پیار کر تے چَنگا کر دے ہو۔