یعقُوب 1:4 - پنجابی نواں عہد نامہ نظرثانی شدہ چھپائی

⁴ تے صبر نُوں اپنا پُورا اثر کرن دیو۔ تاں جو تُسی پُورے تے کامِل ہو جاؤ۔ تے تُہاڈے وِچ کِسے گلّ دا گھاٹا نا رہے۔

یعقُوب 1:4 ပူးပေါင်းရင်းမြစ်များ

متّی 10:22

تے میرے ناں کر کے سبھ لوک تُہاڈے نال وَیر رکھن گے۔ پر جو کوئی اخِیر توڑی قیم رہے گا سو ای بچایا جائے گا۔

متّی 19:20

اوہ جوان اوہنوں آکھن لگّا مَیں ایہناں سارِیاں گلّاں نُوں مَندا آیا آں۔ اجے ہور کاہدے وِچ مَیں گھٹ آں۔

متّی 5:48

سو تُسی کامِل ہوؤو جیویں تُہاڈا اسمانی باپ کامِل اے۔

مرقس 10:21

یِسُوع اوہدے ولّ ویکھ کے اوہنوں پیار کِیتا۔ تے اوہنوں آکھیا تیرے وِچ اِک گلّ دا گھاٹا اے۔ جا۔ تے جو کُجھ تیرا اے۔ ویچ تے غرِیباں نُوں دے۔ تے تینُوں اسمان وِچ خزانہ مِلے گا۔ تے آ۔ میرے پِچّھے ٹُر پَو۔

لُوقا 18:22

یِسُوع سُن کے اوہنوں آکھیا۔ تے وی اجے تیرے وِچ اِک گلّ دی کسر اے۔ اپنا سبھ کُجھ ویچ تے غرِیباں نُوں دے دے تے تینُوں اسمان وِچ خزانہ مِلے گا۔ تے آ کے میرے مگر ٹُر پَو۔

لُوقا 21:19

تے اپنے صبر وِچ ای تُسی اپنیاں جاناں نُوں بچاؤ گے۔

لُوقا 8:15

پر چنگی زمین والے اوہ نیں جیہڑے چنگے تے کھرے دِل نال جد سُن لَیندے نیں تے کلام نُوں سانبھی رکھ دے۔ تے صبر نال پَھل لاؤندے نیں۔

یُوحنّا 17:23

مَیں اوہناں وِچ تے تُوں میرے وِچ تاں جو کامِل ہو کے اِک ہو جان۔ تے دُنیا جانے پئی تُوں مَینُوں گھلّیا۔ تے جِس طرح تُوں مَینُوں پیار کِیتا اوسے طرح تُوں اوہناں نُوں وی پیار کِیتا۔

۱-کُرِنتھِیوں 2:6

فیر وی سیانیاں وِچ اسی حِکمت دِیاں گلّاں کرنے آں۔ پر ایس دُنیا دی تے ایس جہان دے ناس ہون والیاں سرداراں دی حِکمت نئیں۔

گلتِیوں 6:9

نیک کمّ کرن وِچ ہِمّت نئیں ہارنی چاہیدی۔ کیوں جو جے اسی نا گھابرِئیے تے ٹھیک ویلے سِر وَڈّھاں گے۔

کُلُسِّیوں 4:12

اِپَفراس جیہڑا تُہاڈے وِچوں اے تے مسِیح یِسُوع دا خادم اے تُہانوں سلام آکھدا اے۔ اوہ تُہاڈے لئی دُعا وِچ سدا دَوڑ بھج کر دا رہندا اے۔ تاں جو تُسی خُدا دی پُوری مرضی وِچ کامِل تے پکّے یقِین والے رہو۔

۱-تھِسّلُنِیکوں 5:23

خُدا جیہڑا تسلّی دا چشمہ اے آپ تُہانوں بالکل پاک کرے تے تُہاڈی رُوح تے جان تے بدن ساڈے خُداوند یِسُوع مسِیح دے آؤن تِیکر ثابت ثبُوت تے بے عیب بچے رہن۔

۲-تِیمُتِھیُس 3:17

تاں جو خُداوند دا بندہ کامِل بنے تے ہر اِک نیک کمّ دے واسطے بالکل تیار ہوئے۔

عِبرانیوں 13:21

تُہانوں ساریاں نیک کمّاں وِچ پُوریاں کرے تاں جو اوہدی مرضی پُوری کرو۔ تاں جو کُجھ اوہنوں پسند آؤندا اے۔ یِسُوع مسِیح دی راہِیں ساڈے سبھناں وِچ پَیدا کرے۔ جِہدی وڈیائی سدا تِیکر ہوئے۔ آمِین۔

یعقُوب 1:5

پر جے تُہاڈے وِچ کِسے نُوں دانائی دا گھاٹا ہوئے تے اوہ خُدا کولوں منگے جیہڑا ساریاں نُوں بِناں جِھڑکیاں کُھلے دِل نال دیندا اے تے اوہنوں مِل جائے گی۔

یعقُوب 3:2

ایس واسطے پئی اسی سارے دے سارے قصور کرنے آں۔ کامِل بندہ اوہ اے جیہڑا گلّاں وِچ قصور نا کرے اوہ سارے بدن نُوں وی قابُو وِچ رکھ سکدا اے۔

۱-پطرس 5:10

ہُن تُہاڈے تھوڑے چِر تِیکر تکلیف سہن دے پِچّھوں جیہڑا سارے فضل دا خُدا اے جِس تُہانوں مسِیح وِچ اپنے سدا دے جلال واسطے سدّیا اے۔ آپ ای تُہانوں کامِل تے قیم تے مضبُوط کرے گا۔

۲-پطرس 1:9

تے جِہدے وِچ ایہہ گلّاں نا ہون اوہ اَنھا تے مَٹّھی نظر والا اے تے اپنے پرانے گُناہ توں پاک ہونا بُھل گیا۔