عِبرانیوں 7:9 - پنجابی نواں عہد نامہ نظرثانی شدہ چھپائی

⁹ اسی آکھ سکنے آں۔ پئی لاوی وی جیہڑا دسوواں حِصّہ لَیندا اے اوس ابرہام دی ہتّھِیں دسوواں حِصّہ دِتّا۔

عِبرانیوں 7:9 ပူးပေါင်းရင်းမြစ်များ

متّی 7:8

کیوں جو ہر اِک منگن والا پا لَیندا اے تے لَبّھن والے نُوں لَبّھ پَیندا اے۔ تے کھڑکان والے لئی کھولیا جائے گا۔

رُومِیوں 5:12

ایس کر کے جیویں اِک بندے توں گُناہ دُنیا وِچ آ وڑیا تے گُناہ توں مَوت۔ تے ایویں مَوت ساریاں بندیاں اُتّے آئی ایس لئی پئی سبھناں گُناہ کِیتا۔

عِبرانیوں 7:10

ایس لئی پئی جِس ویلے مَلکِ صدق اوہنوں اگّوں والی مِلیا اوہ اپنے پئیو دی پِٹھ وِچ سی۔

عِبرانیوں 7:4

سوچ لوؤ پئی ایہہ کیڈا بزُرگ سی جِہنُوں قوم دے بزُرگ ابرہام لُٹ وِچوں چنگے توں چنگے مال دا دسواں حِصّہ دِتّا۔

عِبرانیوں 7:8

تے ایتھے تے مرن والے بندے دسواں حِصّہ لَیندے نیں۔ پر اوتھے اوہ ای لَیندا اے جِہدی بابت ایہہ گواہی دِتّی جاندی اے۔ پئی جِیوندا اے۔