عِبرانیوں 5:9 - پنجابی نواں عہد نامہ نظرثانی شدہ چھپائی

⁹ تے کامِل بن کے اوہناں لئی جیہڑے اوہدے آکھے لگدے نیں سدا دی نجات دا سبّب ہویا۔

عِبرانیوں 5:9 ပူးပေါင်းရင်းမြစ်များ

متّی 17:5

اوہ تے اجے پیا بول دا ای سی تے ویکھو اِک نُورانی بدّل اوہناں اُتّے چھاں کِیتی۔ تے بدّل وِچوں اِک اواز ایہہ آکھدی آئی پئی ”ایہہ میرا پیارا پُتر اے جِس توں مَیں خُوش آں۔ اوہدی سُنو۔“

لُوقا 13:32

اوس اوہناں نُوں آکھیا جا کے اوس لُومبڑ نُوں آکھو پئی ویکھ مَیں بدرُوحاں نُوں کڈھناں آں تے اَج تے بھلکے چَنگا پیا کرنا آں۔ تے ترِیجے دِن نُوں پُورا ہو جاواں گا۔

یُوحنّا 19:30

جد یِسُوع سِرکہ چَکھّیا تے آکھیا پُورا ہویا۔ تے سِر جُھکا کے جان دے دِتّی۔

اعمال 3:15

پر تُساں زِندگی دے مالک نُوں قتل کِیتا۔ جِہنُوں خُدا مُردیاں وِچوں جوالیا۔ تے اسی اوہدے گواہ آں۔

اعمال 4:12

تے کِسے دُوجے توں نجات نئیں اے ایس لئی پئی اسمانوں ہیٹھاں بندیاں نُوں کوئی ہور ناں دِتّا نئیں گیا۔ جِہدی راہِیں اسی نجات پا سکیئے۔

اعمال 5:32

تے اسی ایہناں گلّاں دے گواہ آں۔ تے پاک رُوح وی گواہ اے۔ جیہڑا خُدا اپنے مَنّن والیاں نُوں دِتّا۔

رُومِیوں 1:5

جِہدی راہِیں سانُوں فضل تے رسالت مِلی۔ تاں جو اوہدے ناں واسطے سارِیاں قوماں وِچوں لوک اِیمان دے تابعیاں ہون۔

رُومِیوں 10:16

پر سبھناں خُوشخبری نُوں نئیں مَنّیا۔ یسعیاہ جو آکھدا اے خُداوند ساڈے سنیہے دا کِس یقِین کِیتا؟

رُومِیوں 15:18

کیوں جو مَیں ایہہ دلیری نئیں کراں گا۔ پئی مَیں ہور کِسے گلّ دا ذِکر کراں بنا اوہناں دے جیہڑیاں مسِیح میری راہِیں غیر قوماں دے منان لئی کِیتیاں بھانویں کلام تے کمّاں نال۔

رُومِیوں 2:8

پر اوہناں اُتّے جیہڑے لڑاکے نیں تے سچیائی نُوں نئیں سگوں ناراستی نُوں مَن دے نیں قَہر تے غضب ہوئے گا۔

رُومِیوں 6:17

پر شُکر خُدا دا پئی بھانویں تُسی گُناہ دے غلام سو۔ تُسی اوس تعلِیم دے جِہدے سَچّے وِچ ڈھالے گئے سو۔ دِلوں تابعدار بنے۔

۲-کُرِنتھِیوں 10:5

سو اسی وہماں تے ہر اُچّی شے نُوں جِس خُدا دی پہچان دے برخلاف سِر چُکیا ہویا اے۔ ڈھاہ دینے آں۔ تے ہر اِک خیال نُوں قید کر کے مسِیح دا تابعدار بنا دینے آں۔

فِلِپّیوں 2:12

سو میرے پیاریو۔ جیویں مُڈھوں ای تُسی تابعداری کر دے رہے ہو اوسے طرح ہُن وی نا نِرے میرے ہوندیاں سگوں ایہدے نالوں وَدّھ میرے نا ہوندیاں ڈردے تے کمبدے ہوئے اپنی نجات دا کمّ کر دے جاؤ۔

۲-تھِسّلُنِیکوں 1:8

تے جیہڑے خُدا نُوں نئیں پچھاندے تے ساڈے خُداوند یِسُوع دی اِنجِیل نُوں نئیں مَن دے۔ اوہناں نُوں بدلہ دے گا۔

۲-تھِسّلُنِیکوں 2:16

ہُن ساڈا خُداوند یِسُوع مسِیح آپ تے ساڈا باپ خُدا جِس ساڈے نال مُحبّت رکھی تے فضل نال سدا دی تسلّی تے چنگی آس سانُوں بخشی۔

۲-تِیمُتِھیُس 2:10

ایسے سبّب مَیں چُنیاں ہویاں لوکاں دی خاطر سبھ کُجھ سہنا آں پئی اوہناں نُوں وی اوہ نجات جیہڑی مسِیح یِسُوع وِچ اے۔ سدا دے جلال نال مِل جائے۔

عِبرانیوں 1:14

اوہ سارے سیوا کرن والِیاں رُوحاں نئیں؟ جیہڑیاں نجات دی وِرثہ پان والیاں دی سیوا لئی گھلّیاں جاندِیاں نیں۔

عِبرانیوں 11:40

ایس لئی پئی خُدا اگّے ای ساڈے لئی کوئی بہتر شے سوچی سی تاں جو اوہ ساڈے بِناں کامِل نا بنن۔

عِبرانیوں 11:8

اِیمان دی راہِیں ابرہام جد سدّیا گیا حُکم مَن کے اوس تھاں ٹُر گیا۔ جیہڑا وِرثے وِچ اوہنوں مِلن والا سی تے بھانویں اوہ نئیں سی جان دا پئی مَیں کِتّھے لگا جانا آں تَد وی ٹُرپیا۔

عِبرانیوں 12:2

تے اِیمان دے بانی تے کامِل کرن والے یِسُوع نُوں ویکھدے رہیئے۔ جِس اوس خُوشی دے سبّب جیہڑی اوہدے اگّے پئی ہوئی سی بے عِزّتی دی پرواہ نا کِیتی تے صلِیب دا دُکھ جَھل کے خُدا دے تخت دے سَجّے پاسے جا بَیٹھا۔

عِبرانیوں 2:10

کیوں جو جِہدے لئی سارِیاں شیواں نیں تے جِہدی راہِیں سارِیاں شیواں نیں اوہنوں ایہہ پھبدا سی پئی جد بُہت ساریاں پُتراں نُوں جلال وِچ لے آوے تے اوہناں دی نجات دے بانی نُوں دُکھاں دے سبّب کامِل بنائے۔

عِبرانیوں 2:3

تے اینی وڈّی نجات توں بے پرواہ رہ کے اسی کِیویں بچ سکنے آں۔ جِہدا بیان پہلاں خُداوند دی راہِیں ہویا۔ تے سُنن والیاں توں سانُوں پَکّی طرح ثبُوت اَپڑیا۔

عِبرانیوں 9:12

تے بکرِیاں تے وَچّھیاں دا لہو نئیں سگوں اپنا ای لہو لے کے آیا تے پاک مکان وِچ اِکّووار وڑ گیا تے سدا دی وی خلاصی کرائی۔

عِبرانیوں 9:15

تے ایسے سبّب اوہ نَوِیں عہد دا وچولا اے۔ تاں جو اوس مَوت دی راہِیں جو پہلے عہد دے قصوراں دی مُعافی لئی ہوئی اے۔ سَدّے ہوئے لوک وعدے دے سببّوں سدا دی وِرثہ پا لین۔

عِبرانیوں 9:28

ایسے طرح مسِیح وی جیہڑا اِک وار بتھیریاں لوکاں دے گُناہ چُکن لئی قُربان ہویا دُوجی وار گُناہ دے بِناں نجات لئی اوہناں نُوں وکھالی دے گا۔ جیہڑے اوہنوں اوڈِیک دے نیں۔

۱-پطرس 1:22

ایس کر کے پئی تُساں سچیائی نُوں مَن کے بھراواں نال سَچّی مُحبّت کرن لئی اپنیاں دِلاں نُوں پاک کِیتا اے۔ دِلوں جانوں آپو وِچ مُحبّت کرو۔

۱-یُوحنّا 5:20

تے ایہہ وی جاننے آں پئی خُدا دا پُتر آگیا اے۔ تے اوس سانُوں سمجھ دِتّی اے۔ تاں جو اوہنوں جیہڑا اصلی اے جانئے۔ تے اسی اوہدے وِچ۔ جیہڑا اصلی اے یعنی اوہدے پُتر یِسُوع مسِیح وِچ آں۔ اصلی خُدا تے ہمیشہ دی زِندگی ایہی اے۔

یہُوداہ 1:21

اپنے آپ نُوں خُدا دی مُحبّت وِچ پَکیّاں رکھو۔ تے سدا دی زِندگی لئی ساڈے خُداوند یِسُوع مسِیح دی رحمت دی اُڈِیک رکھو۔