عِبرانیوں 5:2 - پنجابی نواں عہد نامہ نظرثانی شدہ چھپائی

² تے اوہ ناداناں تے بدراہاں نال نرمی دا سلُوک کرن جوگا ہوندا اے۔ ایس لئی پئی اوہ آپ وی اپنی کمزوری تھلے رہندا اے۔

عِبرانیوں 5:2 ပူးပေါင်းရင်းမြစ်များ

لُوقا 22:32

پر مَیں تیرے لئی دُعا کِیتی۔ پئی تیرا اِیمان جاندا نا رہے۔ تے جد تُوں مُڑ پئیں تے اپنے بھراواں نُوں تگڑیاں کریں۔

۲-کُرِنتھِیوں 11:30

جے فخر ای کرنا پئے۔ تے اوہناں گلّاں دا فخر کراں گا۔ جیہڑیاں میری کمزوری دِیاں نیں۔

۲-کُرِنتھِیوں 12:5

مَیں اجیہے بندے اُتّے تے فخر کراں گا پر اپنے اُتّے اپنی کمزوری دے بِناں فخر نا کراں گا۔

گلتِیوں 4:13

سگوں تُسی جان دے ہو۔ پئی مَیں پہلی واری تُہانوں جِسمانی کمزوری دے سببّوں خُوشخبری سُنائی سی۔

اِفسِیوں 4:18

کیوں جو اوہناں دی عقل اَنھی ہوگئی۔ تے اوہ اوس نادانی دے سببّوں جیہڑی اوہناں وِچ اے۔ تے اپنے دِلاں دی سختی دے سببّوں خُدا دی زِندگی توں خارج نیں۔

۱-تِیمُتِھیُس 1:13

بھانویں مَیں پہلاں کُفر آکھن والا تے ستان والا تے بے عِزّت کرن والا ساں تَد وی میرے اُتّے رَحم ہویا ایس واسطے پئی مَیں بے اِیمانی دی حالت وِچ نادانی نال ایہہ کمّ کِیتے سن۔

عِبرانیوں 12:13

تے اپنے ٹُرن لئی سِدّھے راہ بناؤ۔ پئی لنگا بدراہ نا ہو جائے۔ سگوں ولّ کِیتا جائے۔

عِبرانیوں 2:17

سو اوہنوں سارِیاں گلّاں وِچ اپنے بھراواں وانگر ضرُور بننا پیا۔ تاں جو ایہناں گلّاں وِچ جیہڑیاں خُدا نال تعلق رکھدیاں نیں۔ اوہ رَحم دِل تے دیانتدار سردار کاہِن بنے تے اُمّت دے گُناہاں دا کفّارہ دے۔

عِبرانیوں 2:18

کیوں جو جد اوس آپ ای ازمایشاں دا دُکھ سہیا۔ اوہ اوہناں دی وی مدد کر سکدا اے۔ جِنہاں دی ازمایش ہوندی اے۔

عِبرانیوں 4:15

کیوں جو ساڈا اجیہا سردار کاہِن نئیں جیہڑا ساڈیاں کمزوریاں وِچ ساڈا دردی نا ہوسکے سگوں سارِیاں گلّاں وِچ ساڈے وانگر ازمایا گیا۔ تَد وی بے گُناہ رہیا۔

عِبرانیوں 7:28

کیوں جو شریعت تے کمزور بندیاں نُوں سردار کاہِن بناندی اے۔ پر اوس سَونہہ دا کلام جیہڑی شریعت دے پِچّھوں کھادِی گئی اوس پُتر نُوں جیہڑا ہمیشہ تِیکر کامِل کِیتا گیا سردار کاہِن بناندا اے۔

عِبرانیوں 9:7

پر دُوجے وِچ وَڈا سردار کاہِن ای ورھے پِچّھوں اِکّو وار جاندا اے تے خُون بِناں نئیں جاندا۔ جِہنُوں اپنی تے اُمّت دی بُھل چُک دے لئی نذر چاہڑدا اے۔

یعقُوب 5:19

میرے بھراؤ! جے تُہاڈے وِچوں کوئی ٹھیک راہ توں گُھس جاوے تے کوئی اوہنوں فیر لیاوے۔

۱-پطرس 2:25

کیوں جو پہلاں تُسی بھیڈاں وانگر بُھلّے پِھردے سو۔ پر ہُن اپنیاں رُوحاں دے ایّالی تے نِگہبان دے کول فیر آ گئے ہو۔