عِبرانیوں 4:9 - پنجابی نواں عہد نامہ نظرثانی شدہ چھپائی

⁹ ایس لئی خُدا دے لوکاں واسطے اِک خاص سبت دا آرام باتی اے۔

عِبرانیوں 4:9 ပူးပေါင်းရင်းမြစ်များ

متّی 1:21

اوہ پُتر جمّے گی۔ تے تُوں اوہدا ناں یِسُوع رکھّیں کیوں جو اوہو اپنے لوکاں نُوں اوہناں دے گُناہاں توں بچائے گا۔

طِطُس 2:14

جِس اپنے آپ نُوں ساڈے لئی دے دِتّا۔ پئی سانُوں ساری بیدینی توں ڈنڈ بھرکے چھڈائے تے پاک کر کے اپنے خاص وِرثہ لئی اِک اُمّت بنائے۔ جیہڑی نیک کمّاں وِچ سرگرم ہوئے۔

عِبرانیوں 11:25

ایس لئی پئی اوس گُناہ دا تھوڑے چِر دا سواد چکھّن نالوں خُدا دی اُمّت نال رَل کے ماڑا سلُوک جھلنا بُہتا پسند کِیتا۔

عِبرانیوں 3:11

تے مَیں وی اپنے غُصّے وِچ سَونہہ کھادِی۔ پئی ایہہ میرے آرام وِچ داخل نا ہو سکن گے۔

عِبرانیوں 4:1

فیر جد اوہدے آرام وِچ وڑن دا وعدہ باقی اے۔ تے سانُوں ڈرنا چاہیدا اے۔ پئی تُہاڈے وِچوں کوئی پِچّھے رہیا ہویا معلُوم نا ہوئے۔

عِبرانیوں 4:10

کیوں جو جیہڑا اوہدے آرام وِچ داخل ہویا اے اوس وی اپنے کمّاں نُوں پُوریاں کر کے آرام کِیتا۔ جیویں خُدا وی آرام کِیتا۔

عِبرانیوں 4:3

کیوں جو اسی جیہڑے اِیمان لیائے اوس آرام وِچ داخل ہُنے آں۔ جیویں اوس آکھیا۔ پئی مَیں اپنے غُصّے وِچ سَونہہ کھادِی۔ پئی ایہہ میرے آرام وِچ داخل نا ہون گے۔ بھانویں دُنیا بنن توں پہلاں اوہدے کمّ مُک گئے سن۔

عِبرانیوں 4:8

تے جے یشُوع اوہناں نُوں آرام وِچ لیاؤندا۔ تے اوہ اوس ویلے اوہدے پِچّھوں اِک دُوجے دِن دا ذِکر نا کر دا۔

۱-پطرس 2:10

پہلاں تُسی کوئی اُمّت نئیں سو پر ہُن خُدا دی اُمّت اوہ۔ تُہاڈے اُتّے رَحم نئیں سی ہویا پر ہُن تُہاڈے اُتّے رَحم ہویا اے۔

مُکاشفہ 14:13

فیر مَیں اسمان وِچوں ایہہ اواز سُنی پئی لِکھ دھنّ نیں اوہ مُردے جیہڑے ہُن توں خُداوند وِچ مر دے نیں۔ رُوح آکھدا اے۔ پئی بے شک کیوں جو اوہ اپنیاں محِنتاں توں آرام پان گے تے اوہناں دے عمل اوہناں دے نال نال ہوندے نیں۔

مُکاشفہ 21:4

تے اوہ اوہناں دِیاں اَکھّیاں دے سارے اتھرُو پُونجھے گا۔ ایہدے پِچّھوں مَوت نا رہے گی تے نا ماتم رہے گا۔ تے نا رونا۔ نا پِیڑ۔ پہلیاں شیواں جاندِیاں رہیاں۔