عِبرانیوں 4:2 - پنجابی نواں عہد نامہ نظرثانی شدہ چھپائی
2 کیوں جو سانُوں وی اوہناں وانگر خُوشخبری سُنائی گئی۔ پر سُنے ہوئے کلام اوہناں نُوں ایس لئی کُجھ فائدہ نا دِتّا۔ پئی سُنن والیاں دے دِلاں وِچ اِیمان نال نا رچیا۔
تَد پَولُس تے برنباس دلیر ہو کے بول اُٹھے۔ ضرُور چاہیدا سی پئی خُدا دا کلام پہلے تُہانوں سُنایا جاندا۔ پر جدوں تُسی اوہنوں رَدّ کر دے ہو۔ تے اپنے آپ نُوں سدا دی زِندگی دے لائق نئیں سمجھدے ہو تے ویکھو اسی غیر قوماں ولّ جانے آں۔
تے پاک کتاب نے پہلاں ای ایہہ جان کے پئی خُدا غیر قوماں نُوں اِیمان دی راہِیں راست باز ٹھہرائے گا ابرہام نُوں اگیتری ایہہ خُوشخبری سُنا دِتّی۔ پئی سارِیاں قوماں تیرے وِچ برکتاں پان گِئیاں۔
ایس لئی پئی ساڈی خُوشخبری تُہاڈے کول نِریاں گلّاں نال نئیں پر زور تے پاک رُوح تے پُورے اعتقاد نال اَپڑی جیویں تُہانوں پتا اے۔ پئی اساں تُہاڈی خاطر تُہاڈے وِچ کیہو جِہیا بن وکھایا۔
ایس لئی اسی وی ہر ویلے خُدا دا شُکر کرنے آں پئی جدوں تُساں خُدا دے سنیہے دا کلام ساڈی راہِیں سُنیاں تدوں تُساں اوہنوں بندیاں دا کلام سمجھ کے نئیں پر (جو اوہ سَچ مُچ ہے وی۔) خُدا دا کلام جان کے قبول کِیتا تے اوہ تُہاڈے اِیمان لیاؤن والیاں وِچ کمّ وی پیا کر دا اے۔
کیوں جو جِسمانی مشق دا فائدہ تھوڑے چِر لئی اے۔ پر دِینداری سارِیاں گلّاں وِچ فائدہ دیندی اے۔ ایس لئی پئی ہُن وی تے آؤن والی زِندگی دا وعدہ وی ایہدے نال ای اے۔
تے بِناں اِیمان اوہنوں پسند آؤنا اَنہونی گلّ اے۔ ایس لئی پئی خُدا دے کول آؤن والے نُوں اِیمان رکھنا پَیندا اے۔ پئی خُدا اے تے اپنے لَبّھن والیاں نُوں اَجر دیندا اے۔
ایس لئی ساری پلِیتی تے وَدھن والی بُرائی نُوں چھڈ کے اوس کلام نُوں حلِیمی نال مَن لوؤ جیہڑا دِل وِچ بِیجیا گیا اے۔ تے تُہاڈیاں رُوحاں نُوں نجات دے سکدا اے۔
اوہناں اُتّے ایہہ اِلہام اُگھیڑیا گیا پئی اوہناں گلّاں وِچ اپنی نئیں سگوں تُہاڈی سیوا کر دے سن تے ایہناں گلّاں دی خبر تُہانوں ہُن اوہناں دی راہِیں ہوئی اے۔ جِنہاں پاک رُوح دی راہِیں جیہڑا اسمانوں گھلّیا گیا تُہانوں خُوشخبری سُنائی۔ ایہناں گلّاں اُتّے فرِشتے وی دھیان کرنا چاہندے نیں۔