عِبرانیوں 13:9 - پنجابی نواں عہد نامہ نظرثانی شدہ چھپائی

⁹ وَکھو وَکھ تے اوپریاں تعلِیماں پِچّھے بُھلّے نا پِھرو۔ کیوں جو ایہہ چَنگا اے۔ پئی فضل نال دِل تگڑا رہے اوہناں خُوراکاں نال نئیں جِنہاں دے ورتن والیاں نُوں کُجھ فائدہ نئیں ہویا۔

عِبرانیوں 13:9 ပူးပေါင်းရင်းမြစ်များ

اِفسِیوں 4:14

پئی اسی اگّے نُوں بچّے نا رہیئے۔ یعنی بندیاں دے فریب تے مکر دے سبّب اوہناں دی بھڑکان والی چالاکی پِچّھے ہر اِک تعلِیم دی وَا نال ڈولدے نا پِھریئے۔

اِفسِیوں 5:6

کوئی تُہانوں بے فائدہ گلّاں نال دھوکھا نا دے۔ کیوں جو ایہناں دے سببّوں نافرمان لوکاں اُتّے خُدا دا غُصّہ آؤندا اے۔

رُومِیوں 14:6

جیہڑا کِسے دِن نُوں مَندا اے۔ اوہ خُداوند دی خاطر مَندا اے۔ تے جیہڑا کھاندا اے۔ اوہ خُداوند دی خاطر کھاندا اے کیوں جو اوہ خُدا دا شُکر کر دا اے۔ تے جیہڑا نئیں کھاندا اوہ خُداوند دی خاطر نئیں کھاندا تے خُدا دا شُکر کر دا اے۔

۱-یُوحنّا 4:1

پیاریو۔ سارِیاں رُوحاں نُوں نا مَنّو۔ سگوں رُوحاں نُوں پر کھو پئی خُدا ولّوں نیں کہ نئیں۔ کیوں جو بتھیرے جُھوٹھے نبی دُنیا وِچ نِکل گئے نیں۔

اعمال 20:30

نالے تُہاڈے اپنے ای وِچوں بندے اُٹھ کھلون گے جیہڑے اُلٹِیاں گلّاں شاگِرداں نُوں اپنے مگر کھِچّ لیجان لئی آکھن گے۔

یہُوداہ 1:12

جد اوہ تُہاڈیاں مُحبّت دِیاں ضِیافتاں وِچ تُہاڈے نال کھان پِین دے ویلے اینج سن جیویں دریا وِچ لُکِیاں چٹاناں۔ تے اجیہے ایّالی جیہڑے بے ڈر ہو کے ڈِھڈ بھردے نیں۔ بِناں پانیوں بدّل نیں جِنہاں نُوں وَا اُڈا کے لے جاندی اے۔ پچّھیترے پتجھڑ دے بے پَھل بُوٹے۔ دُوں وِری مرے ہوئے۔ جڑوں پُٹے ہوئے۔

۱-تِیمُتِھیُس 6:20

اَے تِیمُتِھیُس ایس امانت نُوں چنگی طرح رکھ۔ تے جیہڑے عِلم نُوں عِلم آکھنا ای نئیں چاہیدا۔ اوہدی واہیات بکواساں تے مخالفتاں اُتّے دھیان نا کر۔

یہُوداہ 1:3

پیاریو! جِس ویلے مَیں تُہانوں اوس نجات دی بابت لِکھن دی پُوری کوشش کر دا ساں جِہدے وِچ اسی سارے سنگی آں مَیں تُہانوں ایہہ لِکھ کے مَت دینی ضرُوری سمجھی۔ پئی تُسی اِیمان دِیاں اوہناں گلّاں لئی گھلّو جیہڑیاں پاک لوکاں نُوں اِک واری حوالے کِیتاں گِئیاں سن۔

۲-تھِسّلُنِیکوں 2:17

تُہاڈے دِلاں نُوں تسلّی دے تے ہر نیک کمّ تے گلّ وِچ پَکیّاں کرے۔

متّی 24:24

کیوں جو جُھوٹھے مسِیح تے جُھوٹھے پیغمبر اُٹھن گے۔ تے بھارے نِشان تے کراماتاں وکھان گے۔ اجیہے پئی جے ہو سکے تے اوہ چُنیاں ہویاں نُوں وی گُمراہ کر لین۔

متّی 24:4

تے یِسُوع اوہناں نُوں جواب دِتّا۔ پئی ویکھو تُہانوں کوئی گُمراہ نا کرے۔

کُلُسِّیوں 2:4

ایہہ مَیں ایس لئی آکھنا آں پئی کوئی جَنا مِٹّھیاں گلّاں نال تُہانوں دھوکھا نا دیوے۔

۲-کُرِنتھِیوں 1:21

تے جیہڑا سانُوں تُہاڈے نال مسِیح وِچ قیم کر دا اے۔ تے جِس سانُوں مسَح کِیتا اوہ خُدا اے۔

۱-کُرِنتھِیوں 8:8

کھانا سانُوں خُدا نال نئیں مِلاوے گا۔ جے نا کھایئے تے ساڈا کُجھ وِگڑدا نئیں۔ تے جے کھایئے تے کُجھ نفع نئیں۔

رُومِیوں 14:17

کیوں جو خُداوند دی بادشاہی کھانا پِینا نئیں اے۔ سگوں راستبازی تے میل ملاپ تے پاک رُوح وِچ خُوشی اے۔

رُومِیوں 14:2

کِسے دا اِیمان اے پئی مَیں سبھ کُجھ کھاواں پر ہور کوئی جیہڑا کمزور اے۔ سو ساگ پَتّر کھاندا اے۔

اعمال 20:32

تے ہُن مَیں تُہانوں خُدا تے اوہدے کرم دے کلام دے سپُرد کرنا آں۔ کیوں جو اوہدے وِچ طاقت اے۔ پئی تُہانوں وَدھاوے تے سارے پاک لوکاں دے وِچ وِرثہ بخشے۔

۲-تھِسّلُنِیکوں 2:2

پئی جے کِسے رُوح دی گلّ یا کوئی کلام یا اجیہا خط آوے۔ جیہڑا ساڈے خط وانگُوں دسے اوس توں ایہہ سمجھ کے پئی خُداوند دا دِن پُج گیا اے۔ تُسی دِلوں نا ڈولو تے نا تُسی گھابر جاؤ۔

۱-کُرِنتھِیوں 6:13

کھانے ڈِھڈ لئی نیں تے ڈِھڈ کھانیاں لئی۔ پر خُدا اوہنوں تے اوہناں نُوں فنا کرے گا۔ پر بدن حرامکاری لئی نئیں سگوں خُداوند لئی اے۔ تے خُداوند بدن لئی۔

گلتِیوں 6:1

بھراؤ جے کوئی تُہاڈے وِچوں کِسے قصور وِچ پھڑیا وی جائے۔ تے تُسی جیہڑے رُوحانی اوہ۔ اوہنوں حلِیمی نال سمبھالو۔ تے اپنا وی سمبھالا رکھّیں کِتے تُوں وی ازمایش وِچ نا پَے جائیں۔

لُوقا 5:38

سگوں انگور دی نَوِیں رَس نَوِیاں مشکاں وِچ بھرنی چاہیدی اے۔