گلتِیوں 2:9 - پنجابی نواں عہد نامہ نظرثانی شدہ چھپائی

⁹ تے یعقُوب تے کیفا تے یُوحنّا نے جیہڑے کلِیسیا دے سرپَینچ سمجھے جاندے سن۔ جدوں اوس فضل نُوں جیہڑا مَینُوں مِلیا سی معلُوم کِیتا تے سانجھداری دا سَجّا ہتّھ دے کے مَینُوں تے برنباس نُوں جوڑی دار بنا لیا۔ پئی اسی غیر قوماں ولّ جائیے۔ تے اوہ سُنتِیاں ولّ۔

گلتِیوں 2:9 ပူးပေါင်းရင်းမြစ်များ

متّی 16:18

تے مَیں وی تینُوں آکھنا آں پئی تُوں پطرس ایں تے مَیں ایس پتّھر اُتّے اپنی کلِیسیا بناواں گا تے پاتال دا اوہدے اُتّے وَس نا چلّے گا۔

لُوقا 22:8

تے اوس پطرس تے یُوحنّا نُوں ایہہ آکھ کے گھلّیا۔ پئی جا کے ساڈے لئی فسح تیار کرو۔ پئی اسی کھائیے۔

یُوحنّا 1:42

تے اوہ اوہنوں یِسُوع کول لِیائیا۔ یِسُوع اوہدے ولّ ویکھ کے آکھیا تُوں یُوحنّا دا پُتر شمعُون ایں۔ تُوں کیفا یعنی پطرس اے اکھوائیں گا۔

اعمال 12:17

پر اوس ہتّھ نال سینت کِیتی پئی چُپ کر رہن تے اوہناں نُوں دسیا پئی خُداوند مَینُوں کِس طرح قیدخانے توں باہر لیایا۔ تے اوس آکھیا یعقُوب نُوں تے بھراواں نُوں ایہناں گلّاں دی خبر کر دین تے اوہ باہر جا کے دُوجے تھاں ٹُر گیا۔

اعمال 15:13

تے جدوں اوہ چُپ ہوئے۔ تے یعقُوب آکھن لگّا پئی بھراؤ! میری سُنو۔

اعمال 15:7

تے جد بُہت بحث ہوئی۔ پطرس اُٹھ کے اوہناں نُوں آکھن لگّا۔ اَے بھراؤ تُسی جان دے ہو۔ پئی وَاہوَا چِر ہویا اے۔ خُدا تُہاڈے وِچوں مَینُوں چُن لیا۔ پئی میری زبانی غیر قوم خُوشخبری دا کلام سُنن تے اِیمان لیاؤن۔

اعمال 4:36

تے یُوسف قوم دا لاوی سی تے کُپرُس دا سی۔ اوہدا ناں رسُولاں نیں برنباس یعنی نصِیحت دا پُتر رکھیا۔

رُومِیوں 1:5

جِہدی راہِیں سانُوں فضل تے رسالت مِلی۔ تاں جو اوہدے ناں واسطے سارِیاں قوماں وِچوں لوک اِیمان دے تابعیاں ہون۔

رُومِیوں 12:3

کیوں جو اوس فضل نال جیہڑا مَینُوں بخشیا گیا اے۔ مَیں تُہاڈے وِچوں ہر اِک نُوں آکھنا آں۔ پئی جیہڑا اپنی بابت تُہانوں خیال کرنا چاہیدا اے۔ اوہدے توں وَدّھ نا کرو۔ پر سُرت نال اوسے طرح خیال کرو۔ جیویں خُدا نے ہر اِک نُوں اِیمان دا حِصّہ ونڈ دِتّا۔

رُومِیوں 15:15

پر مَیں تُہانوں چیتا دوان واسطے تھوڑا تھوڑا لِکھیا۔ سو اوہدے وِچ بُہتی دلیری کِیتی اوس فضل دے سببّوں جیہڑا خُدا ولّوں مَینُوں بخشیا گیا اے

۱-کُرِنتھِیوں 15:10

پر جو کُجھ آں خُدا دے فضل توں آں۔ تے اوہدا فضل جیہڑا میرے اُتّے ہویا بے فائدہ نا ہویا۔ سگوں مَیں اوہناں ساریاں نالوں وَدّھ محنت کِیتی۔ تے ایہہ میرے ولّوں نئیں ہوئی سگوں خُدا دے فضل توں جیہڑا میرے اُتّے سی۔

۲-کُرِنتھِیوں 11:5

مَیں تے اپنے آپ نُوں اوہناں وڈّیاں رسُولاں نالوں کُجھ گھٹ نئیں سمجھدا۔

۲-کُرِنتھِیوں 12:11

مَیں مُورکھ تے بنیاں پر تُساں ای مَینُوں لاچار کِیتا کیوں جو تُہانوں میری وڈیائی کرنی چاہیدی سی۔ ایس لئی پئی مَیں اوہناں وڈّیاں رسُولاں نالوں کِسے گلّ وِچ گھٹ نئیں بھانویں کُجھ وی نئیں ساں۔

۲-کُرِنتھِیوں 8:4

تے ایس خَیرات تے پاک لوکاں دی خِدمت وِچ سِیری ہوندی بابت ساڈے اگّے بڑی مِنّت نال عرض کِیتی۔

گلتِیوں 1:16

پئی اپنے پُتر نُوں میرے دِل وِچ ظاہر کرے۔ ایس کر کے پئی غیر قوماں وِچ مَیں اوہدی خُوشخبری دیاں۔ تے نا مَیں گوشت تے لہو کولوں صلاح پُچھی۔

گلتِیوں 1:18

تَد تِنّاں ورھیاں پِچّھوں کیفا نُوں مِلن لئی مَیں فیر یرُوشلِیم گیا۔ تے پندراں دِن اوہدے کول رہیا۔

گلتِیوں 2:1

فیر چَوداں ورھیاں پِچّھوں برنباس دے نال مَیں دُوجی وار یرُوشلِیم گیا تے طِطُس نُوں وی نال لے گیا۔

گلتِیوں 2:2

تے میرا جانا اِلہام دے سببّوں ہویا تے اوہناں نُوں اوہ خُوشخبری دسی جِہدی منادی مَیں غیر قوماں وِچ کرنا آں تے اوہناں لوکاں نُوں جیہڑے کِسے گنتری وِچ سن۔ پڑدے نال دسی۔ ایس کر کے پئی متے میری اگلی پِچّھلی کِیتی کتری ایویں نا جائے۔

گلتِیوں 6:3

کیوں جو جے کوئی اپنے آپ نُوں کُجھ سمجھے تے اصل ہوئے کُجھ نا۔ تاں اوہ اپنے آپ نُوں دھوکھا دیندا اے۔

اِفسِیوں 2:20

تے رسُولاں تے نبیاں دی نِینّھ اُتّے جِہدی گُٹّھ دا پتّھر آپی مسِیح یِسُوع اے اُسارے گئے اوہ۔

اِفسِیوں 3:8

میرے اُتّے جیہڑا ساریاں پاک لوکاں وِچ حِقیر توں حِقیر ساں ایہہ فضل ہویا۔ پئی مَیں غیر قوماں نُوں مسِیح دی بے انت دَولت دی خُوشخبری دیاں۔

کُلُسِّیوں 1:29

تے ایسے لئی مَیں اوہدی اوس قُوّت دے سببّوں دِل توڑ کے محنت کرنا آں۔ جیہڑی میرے وِچ زور نال اثر کر دی اے۔

۱-تِیمُتِھیُس 3:15

تے جے مَینُوں چِر لگّے تے تُوں جان لے پئی خُدا دے گھر یعنی جِیوندے خُدا دی کلِیسیا وِچ جیہڑی سچیائی دا تھم تے نِیہہ اے۔ کِیویں وَرتنا چاہیدا اے۔

۱-یُوحنّا 1:3

جو کُجھ اساں ویکھیا تے سُنیا اے۔ تُہانوں وی اوہ دسنے آں۔ تاں جو تُسی وی ساڈے نال سنگت رکھو۔ تے ساڈی سنگت باپ دے نال تے اوہدے پُتر یِسُوع مسِیح دے نال اے۔

مُکاشفہ 3:12

جیہڑا جِتّے مَیں اوہنوں اپنے خُدا دی ہیکل وِچ اِک تھم بناواں گا اوہ فیر کدی باہر نا نِکلے گا تے مَیں اپنے خُدا دا ناں تے اپنے خُدا دے شہر یعنی اوس نَوِیں یرُوشلِیم دا ناں جیہڑا میرے خُدا کولوں اسمان توں آؤن والا اے تے اپنا نواں ناں اوہدے اُتّے لِکھاں گا۔