گلتِیوں 2:8 - پنجابی نواں عہد نامہ نظرثانی شدہ چھپائی

⁸ (کیوں جو جِس سُنتِیاں دی رسالت لئی پطرس وِچ اثر کِیتا اوسے ای غیر قوماں لئی میرے وِچ اثر کِیتا۔)

گلتِیوں 2:8 ပူးပေါင်းရင်းမြစ်များ

اعمال 1:25

پئی اوہنوں تھاں مِلے اوس خِدمت تے رسالت دے کمّ وِچ جِہنُوں یہُوداہ چھڈ کے اپنے تھاں گیا۔

اعمال 1:8

پر جدوں پاک رُوح تُہاڈے اُتّے آوے گا۔ تے تُہانوں طاقت مِلے گی۔ تے یرُوشلِیم تے سارے یہُودیہ تے سامریہ وِچ نالے دھرتی دے اخِیر تِیکر۔ تُسی میرے گواہ ہوؤ گے۔

اعمال 15:12

تَد ساری جماعت چُپ کر گئی۔ تے برنباس تے پَولُس توں سُنن لگّے۔ پئی خُدا نے کہیو جِہیاں نشانِیاں تے کراماتاں اوہناں دی ہتّھِیں غیر قوماں وِچ وکھالِیاں سن۔

اعمال 19:26

تے تُسی ویکھدے تے سُندے ہو۔ پئی نِرا اِفِسُس وِچ نئیں سگوں سارے آسِیہ وِچ۔ ایس پَولُس ایہہ آکھ کے پئی جیہڑے ہتّھاں نال بنائے جاندے نیں۔ اوہ خُدا نئیں۔ بڑی خلقت نُوں سمجھا کے ورغلا یا اے۔

اعمال 21:19

تے جد اوس اوہناں نُوں سلام آکھیا۔ تَد جو کُجھ خُدا غیر قوماں وِچ اوہدی خِدمت دی راہِیں کرایا سی سبھ کُجھ دس دِتّا۔

اعمال 22:21

تَد اوس مَینُوں آکھیا۔ ٹُرپَو۔ کیوں جو مَیں تینُوں دُراڈے سارے غیر قوماں ولّ گھلاں گا۔

اعمال 4:4

پر بتھیریاں اوہناں وِچوں جِنہاں کلام سُنیا اِیمان لیاندا تے اوہ بندے گنتری وِچ پنج کُو ہزار ہوگئے سن۔

اعمال 8:17

تَد اوہناں نیں اوہناں اُتّے ہتّھ رکھّے۔ تے اوہناں نُوں پاک رُوح مِلیا۔

اعمال 9:15

پر خُداوند اوہنوں آکھیا تُوں جا۔ کیوں جو اوہ غیر قوماں تے بادشاہاں تے بنی اِسرائیل دے اگّے میرا ناں پُہنچان نُوں میرا چُنیا ہویا وسیلہ اے۔

۱-کُرِنتھِیوں 15:10

پر جو کُجھ آں خُدا دے فضل توں آں۔ تے اوہدا فضل جیہڑا میرے اُتّے ہویا بے فائدہ نا ہویا۔ سگوں مَیں اوہناں ساریاں نالوں وَدّھ محنت کِیتی۔ تے ایہہ میرے ولّوں نئیں ہوئی سگوں خُدا دے فضل توں جیہڑا میرے اُتّے سی۔

۱-کُرِنتھِیوں 9:2

جے مَیں ہورناں دا رسُول نئیں۔ پر تُہاڈے لئی تے ضرُور آں۔ کیوں جو تُسی آپ ای خُداوند وِچ میرے رسُول ہون اُتّے موہر ہو۔

گلتِیوں 3:5

تَد جیہڑا تُہانوں رُوح بخشدا اے تے تُہاڈے وِچ کراماتاں وکھاؤندا اے اوہ شریعت دے کمّاں نال اجیہا کر دا اے۔ یا اِیمان دے سنیہے نال؟

کُلُسِّیوں 1:29

تے ایسے لئی مَیں اوہدی اوس قُوّت دے سببّوں دِل توڑ کے محنت کرنا آں۔ جیہڑی میرے وِچ زور نال اثر کر دی اے۔

۱-تھِسّلُنِیکوں 2:13

ایس لئی اسی وی ہر ویلے خُدا دا شُکر کرنے آں پئی جدوں تُساں خُدا دے سنیہے دا کلام ساڈی راہِیں سُنیاں تدوں تُساں اوہنوں بندیاں دا کلام سمجھ کے نئیں پر (جو اوہ سَچ مُچ ہے وی۔) خُدا دا کلام جان کے قبول کِیتا تے اوہ تُہاڈے اِیمان لیاؤن والیاں وِچ کمّ وی پیا کر دا اے۔