گلتِیوں 2:7 - پنجابی نواں عہد نامہ نظرثانی شدہ چھپائی

⁷ پر اُلٹا جدوں اوہناں ایہہ ویکھیا۔ پئی سُنتِیاں نُوں خُوشخبری دین دا کمّ پطرس نُوں سونپیا گیا۔ ایسے طرح بے سُنتِیاں نُوں سُنان دا میرے سپُرد ہویا۔

گلتِیوں 2:7 ပူးပေါင်းရင်းမြစ်များ

اعمال 15:12

تَد ساری جماعت چُپ کر گئی۔ تے برنباس تے پَولُس توں سُنن لگّے۔ پئی خُدا نے کہیو جِہیاں نشانِیاں تے کراماتاں اوہناں دی ہتّھِیں غیر قوماں وِچ وکھالِیاں سن۔

اعمال 18:6

تے جد اوہ مخالفت کرن تے کُفر بکن لگّے۔ تے اوس اپنے کپڑے پھاڑ کے اوہناں نُوں آکھیا۔ تُہاڈا خُون تُہاڈے سِر اُتّے ہوئے میرے ذِمّے نئیں رہیا۔ ایدوں اگّے غیر قوماں ولّ جاواں گا۔

اعمال 28:28

سو تُسی جان لو پئی خُدا دی ایس نجات دی خبر غیر قوماں ولّ گھلّی گئی اے۔ تے اوہ اوہنوں سُن وی لین گِیاں۔

اعمال 9:15

پر خُداوند اوہنوں آکھیا تُوں جا۔ کیوں جو اوہ غیر قوماں تے بادشاہاں تے بنی اِسرائیل دے اگّے میرا ناں پُہنچان نُوں میرا چُنیا ہویا وسیلہ اے۔

رُومِیوں 1:5

جِہدی راہِیں سانُوں فضل تے رسالت مِلی۔ تاں جو اوہدے ناں واسطے سارِیاں قوماں وِچوں لوک اِیمان دے تابعیاں ہون۔

رُومِیوں 11:13

پر مَیں تُساں غیر قوماں نال گلّ کرنا آں۔ سو جِس حال وِچ مَیں غیر قوماں دا رسُول آں مَیں اپنی خِدمت نُوں وڈیاناں آں۔

۱-کُرِنتھِیوں 9:17

کیوں جو جے اپنی مرضی نال ایہہ کرنا آں۔ تے میرے لئی بدلہ اے تے جے اپنی مرضی نال نئیں کر دا۔ تے مُختیاری میرے سپُرد ہوئی اے۔

گلتِیوں 1:16

پئی اپنے پُتر نُوں میرے دِل وِچ ظاہر کرے۔ ایس کر کے پئی غیر قوماں وِچ مَیں اوہدی خُوشخبری دیاں۔ تے نا مَیں گوشت تے لہو کولوں صلاح پُچھی۔

گلتِیوں 1:18

تَد تِنّاں ورھیاں پِچّھوں کیفا نُوں مِلن لئی مَیں فیر یرُوشلِیم گیا۔ تے پندراں دِن اوہدے کول رہیا۔

گلتِیوں 1:6

مَینُوں اچرج جاپدا اے پئی تُسی ایڈی چھیتی اوہدے ولّوں پھر کے جِس تُہانوں مسِیح دے فضل نال سدّیا کِسے ہور خُوشخبری ولّ دھیان کر دے ہو۔

گلتِیوں 2:11

تے جدوں کیفا انطاکیہ وِچ آیا۔ مَیں رُوبرُو ہو کے اوہدا مُقابلہ کِیتا۔ کیوں جو اوہ تقصِیری سی۔

گلتِیوں 2:14

جدوں مَیں ویکھیا پئی اوہ اِنجِیل دی سچیائی دے سببّوں سِدّھے راہ نئیں ٹُردے تے مَیں سبھناں دے سامھنے کیفا نُوں آکھیا۔ پئی جے یہُودی ہوندیاں تیرا ورتاوا غیر قوماں وانگر رہیا اے۔ نا یہُودِیاں وانگر تے تُوں یہُودِیاں دِیاں رِیتاں اُتّے چَلّن لئی غیر قوماں نُوں مجبُور کیوں کرنا ایں؟

گلتِیوں 2:9

تے یعقُوب تے کیفا تے یُوحنّا نے جیہڑے کلِیسیا دے سرپَینچ سمجھے جاندے سن۔ جدوں اوس فضل نُوں جیہڑا مَینُوں مِلیا سی معلُوم کِیتا تے سانجھداری دا سَجّا ہتّھ دے کے مَینُوں تے برنباس نُوں جوڑی دار بنا لیا۔ پئی اسی غیر قوماں ولّ جائیے۔ تے اوہ سُنتِیاں ولّ۔

۱-تھِسّلُنِیکوں 2:4

پر جیویں اسی خُدا کولوں منظُور ہوئے۔ پئی خُوشخبری ساڈے سپُرد کِیتی جائے۔ اوسے طرح اسی بیان کرنے آں۔ بندیاں نُوں نئیں پر خُدا نُوں خُوش کرن لئی۔ جیہڑا ساڈے دِلاں نُوں پرکھدا اے۔

۱-تِیمُتِھیُس 1:11

ایہہ مُبارک خُدا دے جلال دی اوس خُوشخبری دے سببّوں اے۔ جیہڑی میرے سپُرد ہوئی اے۔

۱-تِیمُتِھیُس 2:7

مَیں سَچ آکھناں آں تے جُھوٹھ نئیں آکھدا۔ پئی مَیں ایسے مطلب نال منادی کرن والا تے رسُول تے غیر قوماں نُوں اِیمان تے سچیائی دِیاں گلّاں سکھان والا لگّا آں۔

۲-تِیمُتِھیُس 1:11

جِہدے لئی مَیں مَنّاد تے رسُول تے اُستاد بنیا آں۔

۲-پطرس 3:15

تے ساڈے خُداوند دے صبر نُوں نجات سمجھو جیویں ساڈے پیارے بھرا پَولُس وی اوس حِکمت دے سببّوں جیہڑی اوہنوں مِلی تُہانوں لِکھیا اے۔