گلتِیوں 2:4 - پنجابی نواں عہد نامہ نظرثانی شدہ چھپائی

⁴ ایہہ اوہناں جُھوٹھیاں بھراواں دے سببّوں ہویا جیہڑے چوری چوری آ وڑے سن ایس کر کے پئی اوس اَزادی دا جیہڑی سانُوں مسِیح وِچ مِلدی اے سُوہے بن کے پتا لین۔ تے سانُوں غلامی وِچ لیاؤن۔

گلتِیوں 2:4 ပူးပေါင်းရင်းမြစ်များ

لُوقا 5:38

سگوں انگور دی نَوِیں رَس نَوِیاں مشکاں وِچ بھرنی چاہیدی اے۔

اعمال 15:1

تے کئی یہُودیہ توں آ کے بھراواں نُوں سکھان لگّے پئی جے مُوسیٰ دی رِیت دے سببّوں تُسی سُنتی نا بَہو تے تُہاڈی نجات نئیں ہو سکدی۔

اعمال 15:24

اساں سُنیا پئی ساڈے وِچوں کئیاں جا کے گلّاں نال تُہانوں گھبرا دِتّا۔ تے تُہاڈے دِلاں نُوں وگاڑیا پر اساں اوہناں نُوں حُکم نئیں سی دِتّا۔

اعمال 20:30

نالے تُہاڈے اپنے ای وِچوں بندے اُٹھ کھلون گے جیہڑے اُلٹِیاں گلّاں شاگِرداں نُوں اپنے مگر کھِچّ لیجان لئی آکھن گے۔

رُومِیوں 8:15

کیوں جو تُہانوں تے غلامی دی رُوح نئیں مِلی۔ پئی فیر ڈر جاؤ سگوں پُتریلا ہون دا رُوح مِلیا جِہدے وِچ اسی ابّا یعنی اَے باپ آکھ کے سَدّ نیں آں۔

۲-کُرِنتھِیوں 11:13

کیوں جو اجیہے لوک جُھوٹھے رسُول تے دغابازی دے کمّ کرن والے نیں تے اپنے آپ نُوں مسِیح دے رسُولاں جیہے بناندے نیں۔

۲-کُرِنتھِیوں 11:17

جو کُجھ مَیں آکھنا آں۔ اوہ خُداوند وانگر نئیں سگوں جیویں مُورکھ وانگُوں تے اوس حَوصلے نال آکھنا آں۔ جیہڑا فخر کرن وِچ ہوندا اے۔

۲-کُرِنتھِیوں 11:20

جد کوئی تُہانوں غلام بناندا اے یا کھا لَیندا اے۔ یا پھسا لَیندا اے۔ یا اپنے آپ نُوں وَڈا بناندا اے۔ یا تُہاڈے مُنھ اُتّے چپیڑ مار دا اے۔ تے تُسی سہہ لَیندے ہو۔

۲-کُرِنتھِیوں 11:26

مَیں کئی واری سفراں وِچ۔ دریاواں دے خطریاں وِچ۔ ڈاکُوؤاں دے خطریاں وِچ۔ اپنی قوم توں خطریاں وِچ۔ غیر قوماں توں خطریاں وِچ۔ شہر دیاں خطریاں وِچ۔ بیابان دیاں خطریاں وِچ۔ سمُندر دیاں خطریاں وِچ۔ جُھوٹھے بھراواں دے خطریاں وِچ۔

۲-کُرِنتھِیوں 3:17

تے اوہ خُداوند رُوح اے۔ تے جِتّھے کِتّھے خُداوند دا رُوح اے اوتھے اَزادی اے۔

گلتِیوں 1:7

پر اوہ دُوجی خُوشخبری نئیں۔ ہاں بعضے اجیہے نیں جیہڑے تُہانوں گھبراؤندے تے مسِیح دی خُوشخبری نُوں وِگاڑنا چاہندے نیں۔

گلتِیوں 4:25

تے ہاجرہ عرب دا سِینا پہاڑ اے۔ تے ہُن دا یرُوشلِیم اوہدے نال مِلدا اے کیوں جو اوہ اپنیاں بالاں سَنے غلامی وِچ اے۔

گلتِیوں 4:3

ایسے طرح اسی وی جدوں نِیانے ساں۔ تے دُنیا دی مُڈھ دِیاں گلّاں دی غلامی وِچ ڈکے رہے۔

گلتِیوں 5:1

مسِیح نے سانُوں اَزاد رہن لئی اَزاد کِیتا اے۔ سو تگڑے رہو تے فیر غلامی دے جُولے ہیٹھ نا جُپّو۔

گلتِیوں 5:10

مَینُوں خُداوند وِچ تُہاڈے اُتّے ایہہ وساہ اے پئی تُسی ہور طرح دا خیال نا کرو گے۔ پر جیہڑا تُہانوں گھبراؤندا اے اوہ بھانویں کیہڑا ہوئے سزا پائے گا۔

۲-تِیمُتِھیُس 3:6

اوہناں ای وِچوں اوہ لوک نیں جیہڑے گھراں وِچ چُپ چاپ وڑے ہوئے نیں۔ تے اوہناں بَھیڑیاں زنانِیاں نُوں وی وَس وِچ کر لَیندے نیں۔ جیہڑیاں گُناہ وِچ پھسیاں ہویاں نیں۔ تے ہر طرح دی خواہشاں دے وِچ نیں۔

یعقُوب 1:25

پر جیہڑا بندہ اَزادی دی پُوری شریعت اُتّے دِل نال سوچدا رہندا اے۔ اوہ اپنے کمّ وِچ برکت پائے گا۔ ایس لئی پئی اوہ سُن کے بُھلدا نئیں سگوں عمل کر دا اے۔

۱-پطرس 2:16

تے اپنے آپ نُوں اَزاد سمجھو۔ پر ایس اَزادی نُوں بدی دا پردہ نا بناؤ۔ سگوں اپنے آپ نُوں خُدا دے غلام سمجھو۔

۲-پطرس 2:19

اوہ اوہناں نال تے اَزادی دا وعدہ کر دے نیں تے آپی خرابی دے غلام بنے ہوئے نیں۔ ایس لئی پئی بندے اُتّے جِہدا دابا اے اوہ اوہدا غلام اے۔

۱-یُوحنّا 4:1

پیاریو۔ سارِیاں رُوحاں نُوں نا مَنّو۔ سگوں رُوحاں نُوں پر کھو پئی خُدا ولّوں نیں کہ نئیں۔ کیوں جو بتھیرے جُھوٹھے نبی دُنیا وِچ نِکل گئے نیں۔

یہُوداہ 1:4

کیوں جو کئی اجیہے بندے چُپ کِیتے ساڈے وِچ آ وڑے نیں۔ جِنہاں دی ایس سزا دا چَرچا پرانے زمانے توں پہلاں لِکھیا گیا سی۔ ایہہ بے دین نیں تے ساڈے خُداوند دے فضل نُوں لُچ پُناں بناندے نیں۔ تے ساڈے اِکّو مالک تے خُداوند یِسُوع مسِیح توں مُکّر جاندے نیں۔