اِفسِیوں 6:19 - پنجابی نواں عہد نامہ نظرثانی شدہ چھپائی

¹⁹ تے میرے لئی وی۔ تاں جو بولن دے ویلے مَینُوں کلام کرن دی ہِمّت مِلے۔ جِہدے نال مَیں ایس خُوشخبری دے بھیت نُوں دلیری نال ظاہر کراں۔

اِفسِیوں 6:19 ပူးပေါင်းရင်းမြစ်များ

اعمال 13:46

تَد پَولُس تے برنباس دلیر ہو کے بول اُٹھے۔ ضرُور چاہیدا سی پئی خُدا دا کلام پہلے تُہانوں سُنایا جاندا۔ پر جدوں تُسی اوہنوں رَدّ کر دے ہو۔ تے اپنے آپ نُوں سدا دی زِندگی دے لائق نئیں سمجھدے ہو تے ویکھو اسی غیر قوماں ولّ جانے آں۔

اعمال 14:3

سو اوہناں اوس تھاں بڑا چِر لایا۔ تے خُداوند اُتّے آسرا کر کے دلیری نال کلام سُناندے رہے۔ تے اوہ اوہناں دی ہتّھِیں نشانِیاں تے کراماتاں وکھال کے اپنے فضل دے کلام اُتّے گواہی دیندا رہیا۔

اعمال 18:26

تے عبادت خانے وِچ اوہ دلیری نال بولن لگّا۔ جدوں پرسِکّلہ تے اَکوِلہ نے اوہدی سُنی اوہناں اپنے کول لیا کے خُدا دا راہ ہور وی ٹھیک طرح نال اوہنوں دسیا۔

اعمال 19:8

فیر اوہ عبادت خانے وِچ جا کے تِنّاں مہِینیاں تِیکر دلیری نال بولدا۔ تے خُدا دی بادشاہی دِیاں گلّاں دی بابت بحث کر دا تے مناندا رہیا۔

اعمال 2:4

تَد اوہ سارے پاک رُوح نال بھر گئے۔ تے اوپریاں بولیاں بولن لگّے جیویں رُوح اوہناں نُوں بولن دی طاقت دِتّی۔

اعمال 28:31

تے پُوری دلیری نال خُدا دی بادشاہی دی منادی کر دا تے خُداوند یِسُوع مسِیح دی بابت سِکھالدا رہیا تے کوئی اوہنوں روکدا نئیں سی۔

اعمال 4:13

جدوں اوہناں پطرس تے یُوحنّا دی دلیری ویکھی۔ تے جانیا پئی ایہہ اَن پڑھ تے مُورکھ نیں۔ تے تعجُّب کِیتا تے اوہناں نُوں پِچھانیا پئی اوہ یِسُوع دے نال سن۔

اعمال 4:29

تے ہُن اَے خُداوند ایہناں دِیاں دھمکیاں نُوں ویکھ تے اپنے بندیاں نُوں ایہہ ہِمّت دے پئی بڑی دلیری نال تیرا کلام سُناؤن۔

اعمال 4:31

جد اوہناں دُعا منگ لئی تَد اوہ تھاں ہِل گیا جِہدے وِچ اوہ اکٹّھے ہوئے ہوئے سن۔ تے سبھو پاک رُوح نال بھر گئے۔ تے خُدا دا کلام دلیری نال سُنان لگّے۔

اعمال 9:27

پر برنباس اوہنوں لے کے رسُولاں دے کول اپڑا دِتّا۔ تے اوہناں نُوں دسیا پئی اوہنے راہ وِچ خُداوند نُوں کِیویں ویکھیا سی تے خُداوند اوہدے نال گلّاں کِیتیاں۔ تے کِس طرح دمِشق وِچ یِسُوع دے ناں اُتّے اوس دلیری نال کلام سُنایا سی۔

اعمال 9:29

تے خُداوند دے ناں اُتّے دلیری نال کلام سُناندا سی۔ تے یُونانی یہُودِیاں نال گلّاں کر دا تے بحث کر دا سی۔ پر اوہ اوہدے مار سُٹّن دا داء لَبّھن لگّے۔

رُومِیوں 15:30

بھراؤ مَیں یِسُوع مسِیح دا جیہڑا ساڈا خُداوند اے۔ واسطہ دے کے تے رُوح دی مُحبّت نُوں یاد دوا کے تُہاڈی مِنّت کرنا آں۔ پئی میرے لئی خُدا کولوں دُعا منگن وِچ میرے نال کوشش کرو۔

رُومِیوں 16:25

ہُن اوہدی جِہدی قُدرت اے۔ پئی میری خُوشخبری تے یِسُوع مسِیح دے ناں دی منادی دے سببّوں تُہانوں قیم رکھّے۔ اوس بھید دے ظاہر ہون دے سببّوں جیہڑا مُڈھوں ای چُھپیا رہیا۔

۱-کُرِنتھِیوں 1:5

پئی تُسی اوہدے وِچ ہو کے کلام تے عِلم دی ہر طرح دی دَولت نال دَولتمند ہوگئے اوہ۔

۱-کُرِنتھِیوں 2:7

سگوں اسی خُدا دی اوہ لُکی ہوئی حِکمت بھیت وانگر بیان کرنے آں۔ جِہنُوں خُدا نے دُنیا دے مُڈھ توں پہلاں ساڈے جلال واسطے مُقرّر کِیتا سی۔

۱-کُرِنتھِیوں 4:1

بندہ سانُوں اجیہا جانے پئی اسی مسِیح دے سیوائے تے خُدا دے بھیتاں دے مُختِیار آں۔

۲-کُرِنتھِیوں 1:11

جے تُسی وی رَل مِل کے دُعا نال ساڈی مدد کرو گے۔ پئی جیہڑی بخشِش سانُوں بتھیریاں لوکاں دی راہِیں مِلی اوہدا شُکر وی بُہتے لوک ساڈے ولّوں کرن۔

۲-کُرِنتھِیوں 3:12

سو اسی اجیہی آس کر کے بڑی دلیری نال بولنے آں۔

۲-کُرِنتھِیوں 6:11

پئی کُرِنتھیو! اساں تُہاڈے نال کُھل کے گلّاں کِیتیاں نیں۔ ساڈا دِل تُہاڈے ولّوں کُھلا ہوگیا اے۔

۲-کُرِنتھِیوں 7:4

مَیں تُہاڈے نال بڑی دلیری نال گلّاں کرنا آں۔ مَینُوں تُہاڈے اُتّے بڑا فخر اے۔ مَینُوں پُوری تسلّی ہوگئی اے۔ جِنّیاں مُصِیبتاں ساڈے اُتّے آؤندیاں نیں۔ اوہناں سبھناں وِچ میرا دِل خُوشی نال بھریا رہندا اے۔

۲-کُرِنتھِیوں 8:7

سو جیویں تُسی ہر گلّ وِچ اِیمان تے کلام تے عِلم تے پُوری سرگرمی تے اوس مُحبّت وِچ جیہڑی ساڈے نال رکھدے ہو اگّے وَدّھ گئے ہو ایسے طرح ای ایس خَیرات دے کمّ وِچ وی اگّے وَدّھ جاؤ۔

اِفسِیوں 1:9

تے نالے اوہنے اپنی مرضی دے بھیت نُوں اپنے اوس نیک اِرادے دے سببّوں ساڈے اُتّے کھولیا جیہڑا اوہنے اوہدے وِچ دھاریا سی۔

اِفسِیوں 3:9

تے ساریاں نُوں اِک گلّ دس دیاں۔ پئی جیہڑا بھیت مُڈھوں سارِیاں شیواں دے پَیدا کرن والے خُدا وِچ چُھپیا رہیا۔ اوہدا کِیہ بندوبست اے۔

کُلُسِّیوں 2:2

تاں جو اوہناں دے دِلاں نُوں تسلّی ہوئے۔ تے اوہ آپو وِچ مُحبّت نال گنڈھے رہن۔ تے پُوری سمجھ دی ساری دَولت لے لین۔ تے خُدا دے یعنی مسِیح دے بھیت نُوں پچھانن۔

کُلُسِّیوں 4:3

تے نال نال ساڈے لئی وی دُعا منگیا کرو پئی خُدا ساڈے اُتّے کلام دا بُوہا کھولے۔ تاں جو مَیں مسِیح دا اوہ بھیت بیان کراں جِہدے سببّوں بَدّھا ہویا آں۔

۱-تھِسّلُنِیکوں 2:2

سگوں تُہانوں پتا اے۔ پئی بھانویں اساں فِلپّی وِچ دُکھ جھلیا تے بے عِزّت ہوئے۔ پر فیر وی سانُوں اپنے خُداوند وِچ ایہہ دلیری مِلی۔ پئی خُداوند دی خُوشخبری جان توڑ کے تُہانوں سُنائیے۔

۱-تھِسّلُنِیکوں 5:25

بھراؤ! ساڈے لئی دُعا منگو۔

۲-تھِسّلُنِیکوں 3:1

سو بھراؤ! ساڈے حق اندر دُعا کرو۔ پئی خُدا دا کلام ایڈی چھیتی پھیل جائے۔ تے جلال پائے۔ جیویں تُہاڈے وِچ۔

۱-تِیمُتِھیُس 3:16

ایہدے وِچ شک نئیں پئی دِینداری دا بھید وَڈا اے یعنی اوہ جیہڑا جِسم وِچ ظاہر ہویا۔ تے رُوح وِچ راستباز مِتھیا گیا۔ تے فرِشتیاں وِچ وکھالی دِتّا۔ غیر قوماں وِچ اوہدی منادی ہوئی دُنیا وِچ مَنّیا گیا۔ تے جلال وِچ اُتانہہ چُکیا گیا۔

فلِیمون 1:22

نالے میرے لئی رہن دا تھاں بنائِیں۔ کیوں جو مَینُوں آس اے پئی تُہاڈیاں دُعاواں دی راہِیں مَیں تُہانوں بخشیا جاواں گا۔

عِبرانیوں 13:18

ساڈے لئی دُعا کرو۔ کیوں جو سانُوں یقِین اے پئی ساڈا دِل صاف اے۔ تے اسی سبھنیں گلِّیں نیکی نال جِیوندیاں رہنا چاہنے آں۔