اِفسِیوں 6:11 - پنجابی نواں عہد نامہ نظرثانی شدہ چھپائی

¹¹ خُداوند دے سارے ہتّھیار لا لوؤ۔ پئی تُسی ابلیس دِیاں چالاکیاں اگّے کھلون جوگے ہوؤ۔

اِفسِیوں 6:11 ပူးပေါင်းရင်းမြစ်များ

مرقس 13:22

کیوں جو جُھوٹھے مسِیح تے جُھوٹھے نبی اُٹھن گے۔ تے نِشان تے اچرج کمّ وکھان گے۔ تاں جو جے ہو سکے اوہ چُنیاں ہویاں نُوں بُھلان۔

رُومِیوں 13:12

رات بڑی لنگھ گئی دِن نیڑے آیا۔ سو ہنیرے دے کمّ چھڈ کے چانن دے ہتّھیار پا لیئے۔

رُومِیوں 13:14

سگوں خُداوند یِسُوع مسِیح نُوں پا لوؤ تے جِسم دِیاں خواہشاں پُوریاں کرن لئی سوچ فِکر نا کرو۔

۱-کُرِنتھِیوں 10:13

تُسی کِسے اجیہی ازمایش وِچ نئیں پئے۔ جیہڑی بندے دی برداشت توں باہر ہوئے۔ تے خُدا سَچّا اے۔ اوہ تُہانوں تُہاڈی طاقت توں وَدّھ ازمایش وِچ نئیں پَین دے گا۔ سگوں ازمایش وِچوں نِکل جان دا راہ وی بناوے گا۔ تاں جو تُسی برداشت کر سکو۔

۲-کُرِنتھِیوں 10:4

ایس لئی پئی ساڈی لڑائی دے ہتّھیار جِسمانی نئیں۔ سگوں خُدا دے اگّے قِلعیاں نُوں ڈھاہ سُٹّن جو گے نیں۔

۲-کُرِنتھِیوں 11:3

پر مَیں ڈرناں آں۔ کِتے اجیہا نا ہوئے۔ جِہیا سَپّ نیں اپنی مکّاری نال حوّا نُوں چُکیا ایسے طرح تُہاڈے خیال وی اوس سادگی تے پاکیزگی توں ہَٹ جان جیہڑی مسِیح دے نال ہونی چاہیدی اے۔

۲-کُرِنتھِیوں 2:11

تاں جو شیطان دا ساڈے اُتّے داء نا چلّے کیوں جو اسی ایہدیاں فریباں توں ناواقِف نئیں آں۔

۲-کُرِنتھِیوں 4:4

یعنی اوہناں بے اِیماناں لئی جِنہاں دِیاں اَکھّیاں نُوں ایس جہان دے خُدا اَنھیاں کر دِتّا اے۔ تاں جو مسِیح جیہڑا خُدا دی صُورت اے اوہدے جلال دی خُوشخبری دا چانن اوہناں اُتّے نا پئے۔

۲-کُرِنتھِیوں 6:7

سچیائی دے کلام نال۔ خُدا دی قُدرت نال۔ راست بازی دے ہتّھیاراں دی راہِیں جیہڑے سَجّے کھبّے نیں۔

اِفسِیوں 4:14

پئی اسی اگّے نُوں بچّے نا رہیئے۔ یعنی بندیاں دے فریب تے مکر دے سبّب اوہناں دی بھڑکان والی چالاکی پِچّھے ہر اِک تعلِیم دی وَا نال ڈولدے نا پِھریئے۔

اِفسِیوں 4:24

تے نَوِیں اِنسانِیّت نُوں پاؤ جیہڑی خُدا دے سببّوں اوس سچیائی دی راستبازی تے پاکیزگی وِچ پَیدا کِیتی گئی اے۔

اِفسِیوں 6:13

ایس واسطے تُسی خُدا دے سارے ہتّھیار بَنّھ لو۔ تاں جو بَھیڑے دِن وِچ تُسی مُقابلہ کرن جوگے ہوؤ۔ تے سارے کمّاں نُوں مُکا کے قیم رَیہہ سکو۔

کُلُسِّیوں 3:10

تے نَوِیں اِنسانِیّت نُوں پالیا اے۔ جیہڑی خُدا دے عِلم لئی اپنے پَیدا کرن والے دی صُورت اُتّے نَوِیں بندی جاندی اے۔

۱-تھِسّلُنِیکوں 5:8

پر اسی جیہڑے دِن دے آں اِیمان تے مُحبّت دی بکتر پا کے تے نجات دی آس دا خود پا کے ہُشیار رہئے۔

عِبرانیوں 7:25

ایس واسطے جیہڑے اوہدے راہِیں خُدا کول آوندے نیں اوہ اوہناں نُوں پُوری نجات دے سکدا اے۔ کیوں جو اوہ اوہناں دی سفارِش لئی ہمیشہ جِیوندا اے۔

یعقُوب 4:7

سو خُدا دے تابعیاں ہو جاؤ تے ابلیس نال لڑائی کرو تے اوہ تُہاڈے توں بھج جائے گا۔

۱-پطرس 5:8

تُسی ہوش رکھو تے جاگدے رہو تُہاڈا وَیری ابلیس گرجن والے شیر وانگر لَبّھدا پِھردا اے پئی کِنوں پاڑ کھاواں۔

یہُوداہ 1:24

ہُن جیہڑا تُہانوں ٹھوکر کھان توں بچا سکدا اے۔ تے اپنی جلالی حضُوری وِچ پُوری خُوشی نال بے عیب کر کے کھلھار سکدا اے۔

مُکاشفہ 12:9

تے اوہ وَڈا ناگ یعنی اوہو ای پرانا سَپّ جیہڑا ابلیس تے شیطان اکھواؤندا اے تے سارے جہان نُوں بدراہ کر دیندا اے۔ زمین اُتّے ڈیگیا گیا تے اوہدے فرِشتے وی اوہدے نال ڈیگے گئے۔

مُکاشفہ 19:20

تے اوہ پشُو تے اوہدے نال اوہ جُھوٹھا نبی پھڑیا گیا۔ جِس اوہدے سامھنے ایہو جئے نِشان وکھائے سن جِنہاں نال اوس پشُو دا ٹھپّہ لین والیاں تے اوہدے بُت دی پُوجا کرن والیاں نُوں بدراہ کر دِتّا سی۔ اوہ دونویں اَگ دی اوس جِھیل وِچ جِیوندے سُٹّے گئے۔ جیہڑی گندھک نال بَلدی اے۔

مُکاشفہ 2:24

پر تُہانوں تھواتِیرہ دے لوکاں نُوں جیہڑے اوس تعلِیم نُوں نئیں مَن دے تے اوہناں گلّاں توں جِنہاں نُوں لوک شیطان دِیاں ڈونگھیاں گلّاں آکھدے نیں ناواقِف ہو۔ ایہہ آکھنا آں۔ پئی تُہاڈے اُتّے ہور بھار نا پاواں گا۔