اِفسِیوں 5:5 - پنجابی نواں عہد نامہ نظرثانی شدہ چھپائی

⁵ کیوں جو تُسی چنگی طرح جان دے ہو۔ پئی کِسے زنائی یا گندے بندے یا لالچی دی جیہڑا بُت پرست دے برابر اے۔ مسِیح تے خُدا دی بادشاہی وِچ کوئی وِرثہ نئیں۔

اِفسِیوں 5:5 ပူးပေါင်းရင်းမြစ်များ

اعمال 20:32

تے ہُن مَیں تُہانوں خُدا تے اوہدے کرم دے کلام دے سپُرد کرنا آں۔ کیوں جو اوہدے وِچ طاقت اے۔ پئی تُہانوں وَدھاوے تے سارے پاک لوکاں دے وِچ وِرثہ بخشے۔

اعمال 8:21

تیرا ایس گلّ وِچ نا حِصّہ اے نا ونڈ کیوں جو تیرا دِل خُدا دے اگّے سِدّھا نئیں اے۔

گلتِیوں 5:19

ہُن جِسم دے کمّ تے ظاہر نیں یعنی زناکاری۔ پلِیتی۔ لُچ پُناں۔

گلتِیوں 5:21

بُغض۔ نشے بازی۔ ناچ رنگ تے ہور ایہو جیہے۔ ایہناں دی بابت تُہانوں اگیترا دس دیناں آں جیویں پہلاں وی دسیا سی۔ پئی اجیہے کمّ کرن والے خُدا دی بادشاہی دے وارث نا ہون گے۔

اِفسِیوں 5:3

تے جیویں پاک لوکاں نُوں پھبدا اے۔ تُہاڈے وِچ زناکاری تے گندگی یا لالچ دا ناں وی نا آوے۔

کُلُسِّیوں 1:13

اوسے ای سانُوں ہنیرے دے ہتھّوں چھڈا کے اپنے پیارے پُتر دی بادشاہی وِچ واڑیا۔

کُلُسِّیوں 3:5

سو اپنے اوہناں انگاں نُوں مار چھڈو۔ جیہڑے زمین اُتّے نیں۔ یعنی زنا تے پلِیتی۔ شہوت تے بُری خواہش تے لالچ نُوں جیہڑا بُت پرستی دے برابر اے۔

۱-تِیمُتِھیُس 6:10

کیوں جو پَیسے دی مُحبّت سارِیاں بُرائیاں دی اِک جڑ اے۔ جِہدی تانگھ وِچ بتھیریاں اِیمان ولّوں پرت کے اپنے دِلاں نُوں وَن سَونّے روگاں نال وِنّھ لیا اے۔

۱-تِیمُتِھیُس 6:17

ہُن دے جہان دیاں دَولت منداں نُوں حُکم دے۔ پئی مغرُور نا ہون تے قیم نا رہن والی دَولت اُتّے نئیں سگوں خُدا اُتّے آس رکھن۔ جیہڑا سانُوں سواد لین واسطے سارِیاں شیواں کُھلے دِل نال دیندا اے۔

عِبرانیوں 13:4

ویاہ کرناں ساریاں وِچ عِزّت دی گلّ سمجھی جائے تے کوئی زنا نا ہوئے۔ ایس لئی پئی خُدا زناکاراں تے حرامکاراں دا نیاں کرے گا۔

مُکاشفہ 21:8

پر ڈرپوکاں تے بے اِیماناں تے پلِیت لوکاں تے خُونِیاں تے حرامکاراں تے جادُوگراں تے بُت پرستاں تے سارے جُھوٹھیاں دا حِصّہ اَگ تے گندھک دی بلن والی جِھیل وِچ ہوئے گا ایہہ دُوجی مَوت اے۔

مُکاشفہ 22:15

پر کُتّے تے جادُوگر تے حرامکار تے خُونی تے بُت پرست تے جُھوٹھی گلّ دا ہر اِک پسند کرن تے گھڑن والا باہر رہوے گا۔