اِفسِیوں 5:32 - پنجابی نواں عہد نامہ نظرثانی شدہ چھپائی

³² ایہہ بھیت تے وَڈا اے۔ پر مَیں مسِیح تے کلِیسیا دی بابت آکھنا آں۔

اِفسِیوں 5:32 ပူးပေါင်းရင်းမြစ်များ

یُوحنّا 3:29

جِہدے کول وَوہٹی اے اوہو لاڑا ہوندا اے پر لاڑے دا یار جیہڑا کھلو کے اوہدی گلّ سُندا اے لاڑے دی اواز نال بڑا خُوش ہوندا اے۔ سو میری ایہہ خُوشی پُوری ہوئی اے۔

۲-کُرِنتھِیوں 11:2

مَینُوں تُہاڈے لئی خُدا جیہی غیرت اے۔ کیوں جو اِکّو ای بندے دے نال تُہاڈی منگنی کِیتی اے۔ تاں جو تُہانوں پاک کواری وانگُوں مسِیح دے کول حاضر کراں۔

اِفسِیوں 5:31

ایسے سبّب بندے اپنے ماں پئیو توں وَکھریاں ہو کے اپنی زنانی نال جُڑیا رہے گا۔ تے اوہ دو نَوِیں اِک تَن ہون گے۔

اِفسِیوں 5:33

ہر صُورت تُہاڈے وِچوں وی ہر اِک اپنی زنانی نُوں اپنے وانگر پیار کرے۔ تے زنانی ایس گلّ دا خیال رکھّے پئی اپنے گھر والے کولوں ڈر دی رہے۔

اِفسِیوں 6:19

تے میرے لئی وی۔ تاں جو بولن دے ویلے مَینُوں کلام کرن دی ہِمّت مِلے۔ جِہدے نال مَیں ایس خُوشخبری دے بھیت نُوں دلیری نال ظاہر کراں۔

کُلُسِّیوں 2:2

تاں جو اوہناں دے دِلاں نُوں تسلّی ہوئے۔ تے اوہ آپو وِچ مُحبّت نال گنڈھے رہن۔ تے پُوری سمجھ دی ساری دَولت لے لین۔ تے خُدا دے یعنی مسِیح دے بھیت نُوں پچھانن۔

۱-تِیمُتِھیُس 3:16

ایہدے وِچ شک نئیں پئی دِینداری دا بھید وَڈا اے یعنی اوہ جیہڑا جِسم وِچ ظاہر ہویا۔ تے رُوح وِچ راستباز مِتھیا گیا۔ تے فرِشتیاں وِچ وکھالی دِتّا۔ غیر قوماں وِچ اوہدی منادی ہوئی دُنیا وِچ مَنّیا گیا۔ تے جلال وِچ اُتانہہ چُکیا گیا۔

۱-تِیمُتِھیُس 3:8

ایسے طرح معاونین نُوں وی سنجیدہ ہونا چاہیدا اے۔ نِگلّے تے شرابی تے ناجائز نفع لین دے لالچی نا ہون۔

مُکاشفہ 21:2

فیر مَیں پاک شہر نُوں یرُوشلِیم نُوں اسمانوں خُدا دے کولوں اُتر دیاں ویکھیا۔ تے اوہ اوس وَوہٹی وانگر شنگاری ہوئی سی۔ جِس اپنے بندے واسطے شنگار کِیتا ہوئے۔