اِفسِیوں 5:3 - پنجابی نواں عہد نامہ نظرثانی شدہ چھپائی

³ تے جیویں پاک لوکاں نُوں پھبدا اے۔ تُہاڈے وِچ زناکاری تے گندگی یا لالچ دا ناں وی نا آوے۔

اِفسِیوں 5:3 ပူးပေါင်းရင်းမြစ်များ

متّی 15:19

کیوں جو بُرے خیال۔ خُون۔ زناکارِیاں۔ حرامکاریاں۔ چوریاں۔ جُھوٹھی گواہِیاں۔ کُفر۔ دِلوں ای نِکل دے نیں۔

لُوقا 12:15

تے اوس اوہناں نُوں آکھیا خبردار رہو تے ہر قِسم دے لالچ توں بچے رہو۔ کیوں جو کِسے دی زِندگی اوہدے مال دے وادھے نال نئیں اے۔

لُوقا 16:14

تے فریسی جیہڑے رُپئیاں دے لالچی سن اوہناں سارِیاں گلّاں نُوں سُن کے اوہدے اُتّے مخَول کرن لگّے۔

اعمال 15:20

پر اوہناں نُوں لِکھئے۔ پئی بُتاں دِیاں پلِیتیاں توں تے حرامکاری توں تے گل گُھٹّیاں ہویاں شیواں توں تے لہو توں بچے رہن۔

اعمال 20:33

مَیں تے کِسے دی چاندی یا سونے یا کپڑے دا لالچ نئیں کِیتا۔

رُومِیوں 1:29

اوہ ساری بے انصافی۔ بُریائی۔ حرص۔ وَیر نال بھر گئے۔ تے ساڑے۔ خُون۔ جھگڑے۔ دغے تے دُشمنی نال بھرے ہوئے چُغلی کرن والے۔

رُومِیوں 16:2

پئی تُسی اوہنوں خُداوند وِچ قبول کرو۔ جیویں پاک لوکاں نُوں چاہیدا اے۔ تے جِس کِسے کمّ وِچ اوہنوں تُہاڈی لوڑ پَوے۔ تُسی اوہدی مدد کرو۔ کیوں جو اوہ آپ وی بتھیریاں دی سگوں میری وی مدد کرن والی سی۔

رُومِیوں 6:13

تے نا تُسی اپنے انگاں نُوں گُناہ دے حوالے کرو پئی ناراستی دے ہتّھیار ہون۔ پر اپنے آپ نُوں مُردیاں وِچوں جِیوندے جان کے خُدا دے حوالے کرو۔ تے اپنا انگاں نُوں راستبازی دے ہتّھیار ہون لئی خُدا دے حوالے کرو۔

۱-کُرِنتھِیوں 10:8

تے اسی حرامکاری نا کریئے۔ جیویں اوہناں وِچوں بعضیاں کِیتی۔ تے اِکّوئی دِن وِچ تریئی ہزار مارے گئے۔

۱-کُرِنتھِیوں 5:1

ایتھوں تِیکر سُنن وِچ آیا اے۔ پئی تُہاڈے وِچ حرامکاری ہوندی اے۔ سگوں اِنج حرامکاری جیہڑی غیر قوماں وِچ وی نئیں ہوندی۔ پئی تُہاڈے وِچوں اِک بندہ اپنے پئیو دی بیوی رکھدا اے۔

۱-کُرِنتھِیوں 6:13

کھانے ڈِھڈ لئی نیں تے ڈِھڈ کھانیاں لئی۔ پر خُدا اوہنوں تے اوہناں نُوں فنا کرے گا۔ پر بدن حرامکاری لئی نئیں سگوں خُداوند لئی اے۔ تے خُداوند بدن لئی۔

۱-کُرِنتھِیوں 6:18

حرامکاری توں نسّو جِنّے گُناہ بندہ کر دا اے اوہ بدن توں باہر نیں پر حرامکار اپنے بدن دا وی گُناہگار اے۔

۲-کُرِنتھِیوں 12:21

تے فیر مَیں جد آواں۔ تے میرا خُدا مَینُوں تُہاڈے اگّے عاجز کرے۔ تے مَینُوں بتھیریاں لئی افسوس کرنا پَوے۔ جِنہاں پہلاں گُناہ کِیتے نیں۔ تے اوس پلِیتی تے زنا۔ تے شہوت پرستی توں جیہڑی اوہناں توں ہوئی تَوبہ نا کِیتی۔

اِفسِیوں 5:12

کیوں جو اوہناں دے اوہلے دے کمّاں دی گلّ کرنی وی بے لہنگی دی گلّ اے۔

اِفسِیوں 5:5

کیوں جو تُسی چنگی طرح جان دے ہو۔ پئی کِسے زنائی یا گندے بندے یا لالچی دی جیہڑا بُت پرست دے برابر اے۔ مسِیح تے خُدا دی بادشاہی وِچ کوئی وِرثہ نئیں۔

فِلِپّیوں 1:27

نِرا ایہہ کرو پئی تُہاڈا چال چَلّن مسِیح دی خُوشخبری دے لائق ہوئے۔ تاں جو بھانویں مَیں آواں تے تُہانوں ویکھاں تے بھانویں نا آواں تُہاڈا ایہہ حال سُناں۔ پئی تُسی اِکّو رُوح وِچ پکّے اوہ۔ تے اِنجِیل دے اِیمان دے لئی تُسی رَل کے اِک جان ہو کے دِلوں محنت کر دے ہو۔

کُلُسِّیوں 3:5

سو اپنے اوہناں انگاں نُوں مار چھڈو۔ جیہڑے زمین اُتّے نیں۔ یعنی زنا تے پلِیتی۔ شہوت تے بُری خواہش تے لالچ نُوں جیہڑا بُت پرستی دے برابر اے۔

۱-تھِسّلُنِیکوں 4:3

سو خُدا دی مرضی ایہہ اے پئی تُسی پاک بنو تے زنا توں بچے رہو۔

۱-تھِسّلُنِیکوں 4:7

ایس لئی پئی خُدا سانُوں پلِیتی دے واسطے نئیں پر پاکیزگی دے واسطے سدّیا اے۔

۱-تِیمُتِھیُس 2:10

سگوں جیویں خُدا دِیاں مَنّن والیاں نُوں پھبدا اے پئی اپنے آپ نُوں چنگے کمّاں نال سنگارن۔

۱-تِیمُتِھیُس 3:3

تے نا نشے وِچ ڈنڈ پان والا تے نا مارن کُٹّن والا ہوئے سگوں حلِیم ہوئے۔ تے جھگڑا کرن والا تے پَیسے دا پیارا نا ہوئے۔

۱-تِیمُتِھیُس 6:10

کیوں جو پَیسے دی مُحبّت سارِیاں بُرائیاں دی اِک جڑ اے۔ جِہدی تانگھ وِچ بتھیریاں اِیمان ولّوں پرت کے اپنے دِلاں نُوں وَن سَونّے روگاں نال وِنّھ لیا اے۔

۲-تِیمُتِھیُس 3:2

پئی بندے خود غرض پَیسے دے پیارے شیخی مارن والے مغرُور بُرا آکھن والے ماں پئیو دے نافرمان ناشکرے تے ناپاک۔

طِطُس 1:11

اوہناں دا مُنھ بند کرنا چاہیدا اے اوہناں لوکاں ناجائز نفع لئی بَھیڑیاں گلّاں سِکھا کے گھراں دے گھر اُجاڑ چھڈے۔

طِطُس 1:7

کیوں جو نِگہبان ایس واسطے پئی خُدا دا مُختِیار اے بے الزام ہونا چاہیدا اے۔ نا ضِدی ہوئے۔ نا غُصّے والا۔ نا نشئی ہو کے شور کرن والا۔ نا مارن والا۔ نا ناجائز نفع دا لالچی۔

طِطُس 2:3

ایسے طرح بُڈِّھیاں زنانِیاں دی چال ڈھال ادب والی ہوئے۔ چُغلی کرن والِیاں تے شرابی نا ہون پر ٹھیک گلّاں دسن والِیاں ہون۔

عِبرانیوں 12:16

متے کوئی زنائی تے عیسَو وانگر بے دین ہوئے جِس اِک ڈنگ دے کھان بدلے اپنا پلیٹھی دا حق ویچ چھڈیا۔

۱-پطرس 5:2

پئی خُدا دے اوس اِجّڑ دی رکھوالی کرو۔ جیہڑا تُہاڈے وِچ اے۔ لاچاری نال نِگہبانی نا کرو۔ سگوں خُوش ہو کے خُدا دی مرضی نال۔ تے ناجائز نفع واسطے نئیں سگوں دِل دے شَوق نال۔

۲-پطرس 2:10

خاص کر اوہناں نُوں جیہڑے پلِیت خواہشاں نال جِسم دی پَیروی کر دے نیں۔ تے حکُومت نُوں کُجھ نئیں جان دے تے۔ اوہ گُستاخ تے اَڑی کرن والے نیں تے عِزّت والیاں نُوں طعنے مِہنے مارن توں نئیں ڈر دے۔

۲-پطرس 2:14

اوہناں دِیاں اَکھّیاں جِنہاں وِچ زناکار عَورتاں وسِیاں ہویاں نیں گُناہ توں رُک نئیں سکدِیاں۔ اوہ ڈانواں ڈول دِلاں نُوں پھساندے نیں اوہناں دا دِل لالچ نال بھریا ہویا اے اوہ لعنت دی اولاد نیں۔

۲-پطرس 2:3

تے اوہ لالچ نال داء والیاں گلّاں بنا کے تُہانوں ویچ چھڈن گے۔ تے جیہڑا مُڈھوں اوہناں دی سزا دا حُکم ہوگیا اے۔ اوہدے آؤن وِچ کوئی چِر نئیں تے اوہناں دی ہلاکت سَوندی نئیں۔

مُکاشفہ 2:14

پر مَینُوں کُجھ گلّاں دی تیرے اُتّے شکایت اے ایس لئی پئی تیرے اوتھے کُجھ لوک بِلعام دی تعلِیم مَنّن والے نیں جِس بلق نُوں بنی اِسرائیل اگّے ٹھوکر رکھن دی تعلِیم دِتّی یعنی ایہہ پئی اوہ بُتاں دِیاں قُربانِیاں کھان تے حرامکاری کرن۔

مُکاشفہ 2:21

تے مَیں اوہنوں تَوبہ کرن دی مُہلت دِتّی پر اوہ اپنی حرامکاری توں تَوبہ نئیں کرنا چاہندی۔

مُکاشفہ 21:8

پر ڈرپوکاں تے بے اِیماناں تے پلِیت لوکاں تے خُونِیاں تے حرامکاراں تے جادُوگراں تے بُت پرستاں تے سارے جُھوٹھیاں دا حِصّہ اَگ تے گندھک دی بلن والی جِھیل وِچ ہوئے گا ایہہ دُوجی مَوت اے۔

مُکاشفہ 22:15

پر کُتّے تے جادُوگر تے حرامکار تے خُونی تے بُت پرست تے جُھوٹھی گلّ دا ہر اِک پسند کرن تے گھڑن والا باہر رہوے گا۔

مُکاشفہ 9:21

تے خُون تے جادُو تے حرامکاریاں تے چوریاں جیہڑیاں اوہناں کِیتیاں سن اوہناں توں تَوبہ نا کِیتی۔