اِفسِیوں 5:26 - پنجابی نواں عہد نامہ نظرثانی شدہ چھپائی

²⁶ تاں جو اوہنوں کلام دی راہِیں پانی نال نوھا کے تے صاف کر کے پاک بنائے۔

اِفسِیوں 5:26 ပူးပေါင်းရင်းမြစ်များ

یُوحنّا 13:10

یِسُوع اوہنوں آکھیا اوہ جِس نہا لیا اے اوہنوں بِناں پَیر دھون دے ہور کُجھ لوڑ نئیں۔ پر بالکل پاک اے۔ تے تُسی صاف ہو پر سارے نئیں۔

یُوحنّا 15:3

ہُن اوس گلّ دے سبّب جیہڑی مَیں تُہانوں آکھی اے تُسی پاک اوہ۔

یُوحنّا 15:8

میرے باپ دا جلال ایہدے وِچ اے پئی تُسی بُہت پَھل لیاؤ تَد ای میرے شاگِرد ہوؤگے۔

یُوحنّا 17:7

تے ہُن اوہناں جان لیا اے۔ پئی اوہ سارِیاں شیواں جیہڑیاں تُوں مَینُوں دِتّیاں نیں تیرے ولّوں نیں۔

یُوحنّا 3:5

یِسُوع جواب دِتّا مَیں تینُوں سَچ سَچ آکھنا آں جے کوئی پانی تے رُوح تُھوں نا جمّے اوہ خُدا دی بادشاہی وِچ وڑ نئیں سکدا۔

اعمال 22:16

تے ہُن تُوں کیوں چِر لانا ایں؟ اُٹھ کھلو تے بپتِسمہ لے۔ تے اوہدا ناں لے کے اپنے گُناہاں نُوں دھو دے۔

اعمال 26:18

پئی تُوں اوہناں دِیاں اَکھّیاں کھولیں۔ تاں جو اوہ ہنیریوں چانن ولّ۔ تے شیطان دے وَس توں خُدا ولّ مُڑن پئی گُناہاں دی مُعافی لین۔ تے اوہناں لوکاں وِچ جیہڑے میرے اُتّے اِیمان رکھن نال پاک ہوئے نیں وِرثہ لین۔

رُومِیوں 10:8

فیر اوہ کِیہ آکھدی اے؟ ایہہ پئی ”کلام تیرے نیڑے اے۔ تیرے مُنھ تے تیرے دِل وِچ اے۔“ ایہہ اوہ اِیمان دا کلام اے۔ جِہدی اسی منادی کرنے آں۔

۱-کُرِنتھِیوں 6:11

تے کئی تُہاڈے وِچ اجیہے اے سن وی۔ پر تُسی خُداوند یِسُوع مسِیح دے ناں اُتّے تے ساڈے خُدا دے رُوح نال دھوئے گئے تے پاک ہوئے تے راستباز ٹھہرے۔

۲-کُرِنتھِیوں 11:2

مَینُوں تُہاڈے لئی خُدا جیہی غیرت اے۔ کیوں جو اِکّو ای بندے دے نال تُہاڈی منگنی کِیتی اے۔ تاں جو تُہانوں پاک کواری وانگُوں مسِیح دے کول حاضر کراں۔

اِفسِیوں 6:17

تے نجات دا خود پاؤ تے رُوح دی تلوار جیہڑی خُدا دا کلام اے۔ لے لوؤ۔

کُلُسِّیوں 3:16

مسِیح دے کلام نُوں پُوری دانائی نال اپنے دِل وِچ چنگی طرح وَسّن دیو۔ تے تُسی زبُوراں تے گِیتاں تے رُوحانی غزلاں نال آپو وِچ سکھاؤ تے نصِیحت کرو تے اپنے دِلاں وِچ فضل نال خُدا لئی گاؤ۔

طِطُس 2:14

جِس اپنے آپ نُوں ساڈے لئی دے دِتّا۔ پئی سانُوں ساری بیدینی توں ڈنڈ بھرکے چھڈائے تے پاک کر کے اپنے خاص وِرثہ لئی اِک اُمّت بنائے۔ جیہڑی نیک کمّاں وِچ سرگرم ہوئے۔

عِبرانیوں 10:10

اوسے مرضی دے سبّب اسی مسِیح یِسُوع دے بدن دے اِکّو واری قُربان ہون دی راہِیں پاک کِیتے گئے آں۔

عِبرانیوں 10:14

کیوں جو اوس اِکّو ای قُربانی چاہڑن نال اوہناں لوکاں نُوں سدا لئی کامِل کر دِتّا اے جیہڑے پاک کِیتے جاندے نیں۔

عِبرانیوں 10:22

تے فیر اسی سَچّے دِل تے پُورے اِیمان نال تے دِل دے الزام نُوں دُور کرن لئی دِل اُتّے چھٹّے مار کے تے بدن نُوں سُتھرے پانی نال صاف کر کے خُدا دے کول چلّئے۔

عِبرانیوں 10:29

تے خیال کرو۔ پئی اوس بندے دی سزا کیڈی کُو ہوئے گی۔ جِس خُدا دے پُتر نُوں لتاڑیا اے۔ تے عہد دے لہو نُوں جِہدے نال اوہ پاک ہویا سی ناپاک جانیا تے فضل دے رُوح دی بے عِزّتی کِیتی۔

عِبرانیوں 13:12

ایس لئی یِسُوع وی لوکاں نُوں آپ اپنے لہو نال پاک کرن لئی دروازے دے باہر دُکھ سہیا۔

عِبرانیوں 4:12

کیوں جو خُدا دا کلام زِندہ تے اثر کرن والا تے ہر اِک دو مُونہی تلوار نالوں تیز اے۔ تے جان تے رُوح تے جوڑ جوڑ تے مِنّجھ مِنّجھ وَکھو وکھرے کر کے دُسّر لنگھ جاندا اے۔ تے دِل دیاں خیالاں تے اِرادیاں نُوں جاچدا اے۔

عِبرانیوں 9:14

تے مسِیح دا لہو جِس اپنے آپ نُوں سدا دی رُوح دی راہِیں خُدا دے اگّے بے عیب قُربان کِیتا۔ تُہاڈے دِلاں نُوں مُردہ کمّاں توں کِنّاں کُو چوکھا پاک کرے گا۔ تاں جو تُسی جِیوندے خُدا دی بندگی کرو۔

یعقُوب 1:18

اوس اپنی مرضی نال سَچّے کلام دی راہِیں سانُوں پَیدا کِیتا تاں جو اوہدی خلقت وِچوں اِک طرح دے پہلے پَھل ہوئیے۔

۱-پطرس 1:2

خُدا باپ دے اگیترے عِلم دے سببّوں رُوح دے پاک کرن نال تابعدار ہون تے یِسُوع مسِیح دا لہو چِھڑکے جان واسطے چُنے ہوئے نیں۔ فضل تے تسلّی تُہانوں مِلدی رہے۔

۱-پطرس 3:21

تے ٹھیک اوسے پانی وانگر بپتِسمہ وی یِسُوع مسِیح دے جی اُٹھن دی راہِیں ہُن تُہانوں بچاندا اے۔ اوہدے توں جِسم دی مَیل دُور کرنا نئیں پر چنگی نِیّت نال خُدا دا طالب ہونا مُراد اے۔

۲-پطرس 1:9

تے جِہدے وِچ ایہہ گلّاں نا ہون اوہ اَنھا تے مَٹّھی نظر والا اے تے اپنے پرانے گُناہ توں پاک ہونا بُھل گیا۔

۱-یُوحنّا 5:6

ایہہ اوہ اے جیہڑا پانی تے لہو دوہاں دی راہِیں آیا سی یعنی یِسُوع مسِیح نِرا پانی دے راہِیں نئیں۔ سگوں پانی تے لہو دو آں دی راہِیں۔

یہُوداہ 1:1

یہُوداہ ولّوں جیہڑا یِسُوع مسِیح دا غلام تے یعقُوب دا بھرا اے۔ اوہناں سَدّے ہویاں دے ناں جیہڑے خُدا باپ وِچ پیارے تے یِسُوع مسِیح لئی رکھّے ہوئے نیں۔