اِفسِیوں 5:2 - پنجابی نواں عہد نامہ نظرثانی شدہ چھپائی

² تے تُہاڈا چالا مُحبّت وِچ ہوئے جیویں مسِیح وی تُہاڈے نال مُحبّت کِیتی۔ تے ساڈے واسطے اپنے آپ نُوں خُوشبوئی وانگر خُدا دی نظر کر کے قُربان کِیتا۔

اِفسِیوں 5:2 ပူးပေါင်းရင်းမြစ်များ

متّی 20:28

جیویں اِبنِ آدم سیوا کران نئیں سگوں سیوا کرن تے بتھیریاں دے تھاں ڈنڈ بھرن نُوں اپنی جان دین آیا اے۔

یُوحنّا 13:34

مَیں تُہانوں اِک نواں حُکم دینا آں پئی تُسی اِک دُوجے نُوں پیار کرو۔ جیویں مَیں تُہانوں پیار کِیتا۔

یُوحنّا 6:51

زِندگی دی روٹی مَیں آں جیہڑی اسمانوں لتّھی اے جے کوئی ایس روٹی وِچوں کھائے سدا تِیکر جئے گا۔ سگوں جیہڑی روٹی مَیں دُنیا دی زِندگی لئی دیاں گا اوہ میرا گوشت اے۔

رُومِیوں 15:16

پئی مَیں خُدا دی خُوشخبری دی سیوا کاہِن وانگر کر کے غیر قوماں دے لئی مسِیح یِسُوع دا سیوک ہوواں۔ تاں جو غیر قوماں دا چڑھاوا پاک رُوح توں پاک ہو کے منظُور کِیتا جاوے۔

رُومِیوں 4:25

جیہڑا ساڈیاں قصوراں دے لئی حوالے کِیتا گیا۔ تے سانُوں راستباز ٹھہران لئی جوایا گیا۔

رُومِیوں 8:3

ایس لئی پئی جیہڑی گلّ جِسم دی کمزوری دے سببّوں شریعت توں نا ہو سکی۔ خُدا اپنے ای پُتر نُوں گُناہی جِسم دی صُورت وِچ تے گُناہ دی قُربانی لئی گھل کے جِسم وِچ گُناہ دی سزا دا حُکم کِیتا۔

رُومِیوں 8:37

تَد وی اسی ایہناں سبھناں گلّاں وِچ اوہدی راہِیں جِس ساڈے نال مُحبّت کِیتی حدّوں وَدّھ فتح پانے آں۔

۱-کُرِنتھِیوں 16:14

جو کُجھ کر دے ہو مُحبّت نال کرو۔

۱-کُرِنتھِیوں 5:7

پرانا خمیر کڈھ کے اپنے آپ نُوں پاک کرو۔ تاں جو تازی تَون بن جاؤ۔ سو تُسی بے خمیر ہو۔ کیوں جو ساڈا وی فسح یعنی مسِیح قُربان ہویا۔

۲-کُرِنتھِیوں 2:14

پر خُدا دا شُکر اے۔ جیہڑا مسِیح وِچ سانُوں سدا قیدِیاں وانگُوں گشت کراندا اے۔ تے اپنے عِلم دی خُوشبوئی ساڈی راہِیں ہر تھاں پَھیلاؤندا اے۔

۲-کُرِنتھِیوں 2:15

کیوں جو اسی خُدا دے اگّے نجات لین والیاں تے ہلاک ہون والیاں دوہاں دے لئی مسِیح دی خُوشبوئی آں۔

۲-کُرِنتھِیوں 8:9

کیوں جو تُسی ساڈے خُداوند یِسُوع مسِیح دے فضل نُوں جان دے اوہ۔ پئی اوہ بھانویں دَولتمند سی پر تُہاڈی خاطر غرِیب بن گیا۔ تاں جو تُسی اوہدی غرِیبی دے سبّب دَولت مند بن جاؤ۔

گلتِیوں 1:4

جِس ساڈیاں گُناہاں دے بدلے اپنے آپ نُوں قُربان کر دِتّا۔ ایس کر کے پئی ساڈے خُدا تے باپ دی مرضی دے سببّوں سانُوں ہُن وی بَھیڑی دُنیا توں چھڈائے۔

گلتِیوں 2:20

مَیں مسِیح دے نال سُولی دِتّا گیا آں ہُن مَیں جِیوندا نا رہیا۔ سگوں مسِیح میرے وِچ جِیوندا اے۔ تے مَیں جیہڑا ہُن جِسم وِچ جِیوناں آں۔ تے خُدا دے پُتر اُتّے اِیمان لیاؤن نال جِیوناں آں۔ جِس مَینُوں پیار کِیتا تے میری تھانویں اپنا آپ دے دِتّا۔

اِفسِیوں 1:4

تے اوس سانُوں دُنیا دے مُڈھ توں پہلاں اوہدے وِچ ایس لئی چُن لیا پئی اسی اوہدے سامھنے مُحبّت وِچ پاک تے بے نُقص ہوئے۔

اِفسِیوں 3:17

تے اِیمان دی راہِیں مسِیح تُہاڈے دِلاں وِچ وَسّے پئی مُحبّت وِچ گڈ کے تے ٹُھک کے۔

اِفسِیوں 3:19

تے مسِیح دی راہِیں اوس مُحبّت نُوں جان سکو جیہڑی جانن توں پراں اے۔ پئی خُدا دی پُوری بھرپُوری تِیکر بھر جاؤ۔

اِفسِیوں 4:15

سگوں مُحبّت تے سچیائی اُتّے چَل کے اوہدے وِچ جیہڑا سِر اے۔ مطلب اے مسِیح وِچ سبھنیں گلِّیں وَدھدے جائیے۔

اِفسِیوں 4:2

یعنی پُوری عاجزی تے حلِیمی نال صبر کر کے مُحبّت نال اِک دُوجے دی برداشت کرو۔

اِفسِیوں 5:15

سو دھیان کرو۔ پئی کِس طرح ٹُر دے ہو۔ جھلیاں وانگر نئیں سگوں سیانیاں وانگر ٹُرو۔

اِفسِیوں 5:25

گھر والیو! اپنیاں زنانِیاں نُوں پیار کرو جیویں مسِیح وی کلِیسیا نُوں پیار کر کے اپنے آپ نُوں اوہدی خاطر مَوت دے حوالے کر دِتّا۔

فِلِپّیوں 4:18

میرے کول سبھو کُجھ اے۔ سگوں بُہت وَدّھ اے۔ تُہاڈیاں گھلّیاں ہویاں شیواں اِپفُردِتُس دے ہتھّوں لے کے مَیں رَجّ گیا آں۔ اوہ اِک خُوشبوئی تے اجیہی قُربانی نیں۔ جیہڑی قبول ہوئی تے خُدا نُوں پسند اے۔

کُلُسِّیوں 3:14

تے اوہناں ساریاں اُتّے مُحبّت پا لوؤ۔ کیوں جو اوہ کمال دی پیٹی اے۔

۱-تھِسّلُنِیکوں 4:9

پر بھراواں دی مُحبّت ولّوں تُہانوں کُجھ لِکھن دی لوڑ نئیں۔ کیوں جو تُساں آپو وِچ مُحبّت رکھنا خُدا کولوں سِکھیا اے۔

۱-تِیمُتِھیُس 2:6

جِس سبھناں دی تھانویں ڈنڈ بھرن لئی اپنا آپ دے دِتّا۔ پئی ویلیاں سِر اوہدی گواہی دِتّی جاوے۔

۱-تِیمُتِھیُس 4:12

کوئی تیری جوانی ولّوں تیری حقارت نا کرے۔ سگوں اِیمان والیاں لئی گلّاں کرن تے چال چَلّن تے پیار تے اِیمان پاکیزگی وِچ نمونہ بن۔

طِطُس 2:14

جِس اپنے آپ نُوں ساڈے لئی دے دِتّا۔ پئی سانُوں ساری بیدینی توں ڈنڈ بھرکے چھڈائے تے پاک کر کے اپنے خاص وِرثہ لئی اِک اُمّت بنائے۔ جیہڑی نیک کمّاں وِچ سرگرم ہوئے۔

عِبرانیوں 8:3

تے ایس کر کے پئی سردار کاہِن نذراں تے قُربانِیاں چاہڑن لئی ہوندا اے۔ ایس لئی ضرُور ہویا۔ پئی اوہدے کول وی کُجھ چاہڑن جوگا ہوئے۔

عِبرانیوں 9:14

تے مسِیح دا لہو جِس اپنے آپ نُوں سدا دی رُوح دی راہِیں خُدا دے اگّے بے عیب قُربان کِیتا۔ تُہاڈے دِلاں نُوں مُردہ کمّاں توں کِنّاں کُو چوکھا پاک کرے گا۔ تاں جو تُسی جِیوندے خُدا دی بندگی کرو۔

عِبرانیوں 9:23

ایس لئی ضرُوری سی پئی اسمانی شیواں دِیاں نقلاں ایہناں دی راہِیں پاک کِیتیاں جاندِیاں پر آپ اسمانی شیواں ایہناں نالوں چَنگیاں قُربانِیاں دی راہِیں۔

عِبرانیوں 9:26

نئیں تے دُنیا دے شُروع توں لے کے اوہنوں بڑی واری دُکھ جھلنا پَیندا۔ پر ہُن اخِیری زمانے وِچ اِکّو وار ظاہر ہویا۔ تاں جو اپنے آپ نُوں قُربان کرن نال گُناہ نُوں دفع کر دے۔

۱-پطرس 4:8

ساریاں نالوں پہلاں ایہہ چنگی گلّ اے پئی آپو وِچ بڑی مُحبّت کرو۔ کیوں جو مُحبّت بُہتے گُناہاں اُتّے پردہ پا چھڈ دی اے۔

۱-یُوحنّا 3:16

اساں مُحبّت نُوں ایتھوں ای پہچانیا اے۔ پئی اوس ساڈے لئی جان دے دِتّی تے سانُوں وی بھرا نُوں لئی جان دینی چاہیدی اے۔

۱-یُوحنّا 3:23

اوہدا حُکم ایہہ اے پئی اسی اوہدے پُتر یِسُوع مسِیح دے ناں اُتّے اِیمان لیاوے تے جِہیا اوس سانُوں حُکم دِتّا اے تہیا اِک دُوجے نال مُحبّت کریئے۔

مُکاشفہ 1:5

تے یِسُوع مسِیح ولّوں جیہڑا سَچّا گواہ تے مُردیاں وِچوں جی اُٹھن والیاں دا پلیٹھا اے۔ تے دُنیا دے بادشاہاں دا حاکم اے۔ جیہڑا ساڈے نال مُحبّت رکھدا اے تے جِس اپنے خُون دی راہِیں سانُوں گُناہ توں خلاصی بخشی۔

مُکاشفہ 5:9

تے اوہ نواں گِیت گاؤن لگّے پئی تُوں ای اوس کتاب دے لین تے اوہدیاں مُہراں توڑن دے لائق ایں۔ کیوں جو تُوں ہلال ہو کے اپنے خُون توں ساریاں گھرانیاں تے زبان والیاں تے اُمّتاں تے قوماں وِچوں خُدا دے لئی لوکاں نُوں مُل لیا۔