اِفسِیوں 5:18 - پنجابی نواں عہد نامہ نظرثانی شدہ چھپائی

¹⁸ تے شراب پی کے مست نا ہوؤ۔ کیوں جو ایہدے وِچ بدچلنی ہوندی اے۔ سگوں رُوح نال بھر دے جاؤ۔

اِفسِیوں 5:18 ပူးပေါင်းရင်းမြစ်များ

متّی 23:25

ہائے افسوس تُہاڈے اُتّے فقِیہو تے فرِیسیو مکّارو۔ تُسی کٹورے تے تھالی نُوں باہروں صاف کر دے ہو پر اوہ اندروں لُٹ تے بدپرہیزی نال بھرے ہوئے نیں۔

متّی 24:49

تے اپنے نال دیاں نَوکراں نُوں مارن لگّے تے شرابیاں نال کھائے پئے۔

لُوقا 1:15

کیوں جو خُداوند دی نظر وِچ اوہ بزُرگ ہوئے گا۔ تے اوہ انگور دی رَس تے نشہ نا پِیوے گا۔ تے اوہ اپنی ماں دی کُکّھوں ای پاک رُوح نال بھر جائے گا۔

لُوقا 11:13

سو جے تُسی بُرے ہو کے اپنے بالاں نُوں چَنگیاں شیواں دیناں جان دے ہو۔ تے اوہ باپ جیہڑا اسمان دا اے اوہناں نُوں جیہڑے اوہدے توں منگدے نیں۔ پاک رُوح ضرُور دیوے گا۔

لُوقا 12:45

پر جے کر اوہ نوکر اپنے جی وِچ آکھے۔ پئی میرا مالک آؤن وِچ چِر لاندا اے۔ تے ٹہلئے ٹہلناں نُوں مارنا شُروع کرے۔ تے کھان پِین تے مست ہون لگّے۔

لُوقا 21:34

پر ہُشیار رہو۔ کِتے تُہاڈے دِل بوہتا کھان پِین تے نشئی ہون تے زِندگی دی فِکراں نال بھارے نا ہو جان۔ تے اوہ دِہاڑا تُہاڈے اُتّے پھاہی وانگُوں جھٹ پَٹ آ پَوے۔

یُوحنّا 2:10

پئی ہر اِک بندہ انگور دے چنگے رَس نُوں پہلاں اگّے رکھدا اے۔ تے ماڑی نُوں اودُوں جد لوک نشے وِچ آ جاندے نیں۔ پر تُوں تے چَنگا رَس ہُن تِیکر رکھ چھڈیا اے۔

اعمال 11:24

کیوں جو اوہ چَنگا بندہ سی تے پاک رُوح تے اِیمان نال بھریا ہویا سی۔ تے بتھیرے لوک خُداوند دی کلِیسیا نال آ رَلے۔

رُومِیوں 13:13

جیویں دِن نُوں چاہیدا اے۔ بھلمانسی نال چلیئے۔ نا لُچ پنیاں تے نشیاں وِچ۔ نا حرامکاری تے بدماشِیاں وِچ۔ نا جھگڑے تے ساڑے وِچ۔

۱-کُرِنتھِیوں 11:21

کیوں جو کھان دے ویلے ہر کوئی دُوجے نالوں پہلے اپنا عِشاء کھالَیندا اے۔ تے کوئی بُھکھا رہ جاندا اے تے کِسے نُوں نشہ ہو جاندا اے۔

۱-کُرِنتھِیوں 5:11

پر تُہانوں مَیں ایہہ لِکھیا سی۔ پئی جے کوئی بھرا اکھوا کے حرامکار یا لالچی یا بُت پرست یا گالی کڈھن والا یا شرابی یا ظالم ہوئے تے اوہدے نال صُحبت نا رکھو سگوں اجیہے نال روٹی وی نا کھاؤ۔

۱-کُرِنتھِیوں 6:10

نا چور نا لالچی نا شرابی نا گالاں کڈھن والے نا ظالم۔

۱-تھِسّلُنِیکوں 5:7

کیوں جو جیہڑے سَوندے نیں اوہ راتِیں سَوندے نیں۔ تے جیہڑے نشہ پِیندے نیں سو راتِیں پِیندے نیں۔

طِطُس 1:6

جیہڑے بے الزام تے اِک زنانی دے گھر والے ہون۔ تے اوہناں دی اولاد اِیمان والی ہوئے تے بدچلنی تے سرکشی دے سبّب بدنام نا ہوئے۔