اِفسِیوں 5:15 - پنجابی نواں عہد نامہ نظرثانی شدہ چھپائی

¹⁵ سو دھیان کرو۔ پئی کِس طرح ٹُر دے ہو۔ جھلیاں وانگر نئیں سگوں سیانیاں وانگر ٹُرو۔

اِفسِیوں 5:15 ပူးပေါင်းရင်းမြစ်များ

متّی 10:16

ویکھو مَیں تُہانوں ایس طرح گھلّنا آں جیہا بھیڈاں نُوں بگھیاڑاں دے وِچ۔ سو سپّاں وانگر ہُشیار ہوؤ تے کبُوتراں وانگر بھولے۔

متّی 25:2

تے اوہناں وِچوں پنج مُورکھ تے پنج ہُشیار سن۔

متّی 27:24

جد پِیلاطُس ویکھیا پئی کُجھ نئیں بن دا سگوں ہور وی رَولا پَیندا جاندا اے تَد اوس پانی لے کے لوکاں دے سامھنے اپنے ہتّھ دھوتے۔ تے آکھیا۔ مَیں ایس نیک بندے دے خُون توں بے گُناہ ہاں۔ تُسی جانو۔

متّی 27:4

تے آکھیا مَیتھوں گُناہ ہوگیا اے۔ پئی بے قصور نُوں مروان لئی پھڑوا دِتّا۔ پر اوہناں آکھیا سانُوں کِیہ؟ تُوں جان۔

متّی 8:4

تے یِسُوع اوہنوں آکھیا خبردار کِسے نُوں نا دسیں۔ پر جا کے اپنا آپ کاہِن نُوں وکھا۔ تے جیہڑی نذر مُوسیٰ نے ٹھیرائی اے۔ چڑھا۔ تاں جو اوہناں لئی گواہی ہوئے۔

لُوقا 24:25

تَد اوس اوہناں نُوں آکھیا۔ اَے بے عقلو نبیاں دِیاں گلّاں نُوں مَنّن وِچ سُست دِلو۔

۱-کُرِنتھِیوں 14:20

بھراؤ! تُسی سمجھ وِچ بچّے نا بنو۔ بُریائی وِچ تے بچّے رہو پر سمجھ وِچ جوان بنو۔

گلتِیوں 3:1

اَے مُورکھ گلِتیو! کِس تُہاڈے اُتّے ٹُونا کِیتا اے؟ جِنہاں دِیاں اَکھّیاں سامھنے یِسُوع مسِیح سُولی چاہڑیا ہویا وکھالی دِتّا۔

گلتِیوں 3:3

تُسی اجیہے مُورکھ ہو۔ پئی رُوح نال شُروع کر کے ہُن جِسم نال پُورا کرنا چاہندے ہو؟

اِفسِیوں 5:2

تے تُہاڈا چالا مُحبّت وِچ ہوئے جیویں مسِیح وی تُہاڈے نال مُحبّت کِیتی۔ تے ساڈے واسطے اپنے آپ نُوں خُوشبوئی وانگر خُدا دی نظر کر کے قُربان کِیتا۔

اِفسِیوں 5:33

ہر صُورت تُہاڈے وِچوں وی ہر اِک اپنی زنانی نُوں اپنے وانگر پیار کرے۔ تے زنانی ایس گلّ دا خیال رکھّے پئی اپنے گھر والے کولوں ڈر دی رہے۔

فِلِپّیوں 1:27

نِرا ایہہ کرو پئی تُہاڈا چال چَلّن مسِیح دی خُوشخبری دے لائق ہوئے۔ تاں جو بھانویں مَیں آواں تے تُہانوں ویکھاں تے بھانویں نا آواں تُہاڈا ایہہ حال سُناں۔ پئی تُسی اِکّو رُوح وِچ پکّے اوہ۔ تے اِنجِیل دے اِیمان دے لئی تُسی رَل کے اِک جان ہو کے دِلوں محنت کر دے ہو۔

کُلُسِّیوں 1:9

ایس کر کے جد توں اساں سُنیا اے۔ اسی تُہاڈے لئی دُعا تے مِنّت کرنی نئیں چھڈ دے۔ پئی تُسی ساری رُوحانی حِکمت تے سمجھ نال اوہدی مرضی دے عِلم نال بھر جاؤ۔

کُلُسِّیوں 4:5

وقت نُوں قِیمتی جان کے باہر والیاں نال ہوش نال ورتو۔

۱-تھِسّلُنِیکوں 5:15

خیال رکھو پئی کوئی کِسے نال بدی دے بدلے بدی نا کرے۔ سگوں ہر ویلے آپو وِچ تے سبھناں نال نیکی کرن دے پِچّھے لگّے رو۔

۱-تِیمُتِھیُس 6:9

پر جیہڑے دَولتمند بننا چاہندے نیں اوہ ایسے ای ازمایش تے پھاہی تے بُہت ساری واہیات تے نُقصان دین والِیاں خواہشاں وِچ پَھس جاندے نیں جیہڑیاں بندیاں نُوں بربادی تے مَوت دے دریا وِچ ڈوب دیندیاں نیں۔

عِبرانیوں 12:25

خبردار اوس آکھن والے توں نا مُکّرو۔ کیوں جو جد اوہ لوک زمین اُتّے ہدایت کرن والے توں مُکّر کے نا بچ سکے۔ تے اسی اسمان اُتّوں ہدایت کرن والے توں مُنھ موڑ کے کِیویں بچاں گے۔

یعقُوب 3:13

تُہاڈے وِچوں سیانا تے سمجھ والا کون اے؟ جیہڑا اجیہا ہوئے اوہ اپنے کمّاں نُوں نیک چال چَلّن دی راہِیں اوس حلِیمی نال ظاہر کرے جیہڑی حِکمت وِچوں پَیدا ہوندی اے۔

۱-پطرس 1:22

ایس کر کے پئی تُساں سچیائی نُوں مَن کے بھراواں نال سَچّی مُحبّت کرن لئی اپنیاں دِلاں نُوں پاک کِیتا اے۔ دِلوں جانوں آپو وِچ مُحبّت کرو۔

مُکاشفہ 19:10

تے مَیں اوہنوں سجدہ کرن لئی اوہدیاں پیراں اُتّے ڈِگّا۔ اوس مَینُوں آکھیا خبردار ایہہ نا کر۔ مَیں وی تیرے تے تیرے اوہناں بھراواں دے نال دا بندہ ہاں۔ جِنہاں دے کول یِسُوع دی گواہی اے۔ خُدا نُوں ای سجدہ کر۔ کیوں جو یِسُوع دی گواہی نبُوّت دی رُوح اے۔