اِفسِیوں 4:9 - پنجابی نواں عہد نامہ نظرثانی شدہ چھپائی

⁹ (ہُن اوہدے چڑھن دا ایہدے بِناں ہور کِیہ مطلب اے پئی زمین دے ہیٹھلے علاقے وِچ وی اُتریا سی؟

اِفسِیوں 4:9 ပူးပေါင်းရင်းမြစ်များ

متّی 12:40

کیوں جو جیویں یُوناہ تِنّ رات دِن مچّھی دے ڈِھڈ وِچ رہیا اوسے طرح اِبنِ آدم تِنّ رات دِن زمین دے اندر رہے گا۔

یُوحنّا 20:17

یِسُوع اوہنوں آکھیا مَینُوں نا چُھو کیوں جو اجے مَیں باپ کول اُتانہہ نئیں گیا آں۔ پر میرے بھراواں دے کول جا۔ تے اوہناں نُوں آکھ پئی مَیں اپنے باپ تے تُہاڈے باپ کول تے اپنے خُدا تے تُہاڈے خُدا کول اُتانہہ جانا آں۔

یُوحنّا 3:13

تے اسمان اُتّے کوئی نئیں چڑھیا اوہدے سِوا جیہڑا اسمانوں لتّھا اے۔ یعنی اِبنِ آدم جیہڑا اسمان دے وِچ اے۔

یُوحنّا 6:33

کیوں جو خُدا دی روٹی اوہ اے جیہڑی اسمانوں لہندی اے تے دُنیا نُوں زِندگی دیندی اے۔

یُوحنّا 6:38

کیوں جو مَیں اسمانوں اپنی مرضی پُوری کرن نُوں نئیں لتّھا آں۔ پر اوہدی مرضی جِس مَینُوں گھلّیا اے۔

یُوحنّا 6:41

تَد ایس لئی پئی اوس آکھیا۔ ”اوہ روٹی جیہڑی اسمانوں لتّھی مَیں آں۔“ یہُودی اوہدی بابت کُڑکُڑان لگّے۔

یُوحنّا 6:51

زِندگی دی روٹی مَیں آں جیہڑی اسمانوں لتّھی اے جے کوئی ایس روٹی وِچوں کھائے سدا تِیکر جئے گا۔ سگوں جیہڑی روٹی مَیں دُنیا دی زِندگی لئی دیاں گا اوہ میرا گوشت اے۔

یُوحنّا 6:58

روٹی جیہڑی اسمانوں لتّھی ایہہ اے۔ اجیہی نئیں جیہڑی وڈّیاں کھادِی تے مر گئے۔ جیہڑا ایس روٹی نُوں کھائے سدا جیوے گا۔

یُوحنّا 6:62

جے تُسی اِبنِ آدم نُوں اوس تھاں جِتّھے پہلاں سی چڑھدیاں ویکھو تَد کِیہ ہوئے گا؟

یُوحنّا 8:14

یِسُوع اوہناں نُوں آکھیا۔ بھانویں مَیں آپ اپنے حق وِچ گواہی دینا آں تے وی میری گواہی سَچّی اے کیوں جو مَیں جاننا آں پئی کِدھروں آیا تے کِدھر نُوں جانا آں۔ پر تُسی نئیں جان دے پئی کِدھروں آیا آں تے کِدھر نُوں جاناں آں۔

عِبرانیوں 2:7

تُوں اوہنوں فرِشتیاں نالوں کُجھ ای گھٹ کِیتا۔ تُوں اوہدے اُتّے جلال تے عِزّت دا تاج رکھیا۔ تے اپنے ہتّھ دے کمّاں اُتّے اوہنوں مُختِیار کِیتا۔

عِبرانیوں 2:9

ہاں اوہنوں ویکھنے آں جیہڑا فرِشتیاں نالوں کُجھ ای گھٹ کِیتا گیا اے یعنی یِسُوع نُوں جِس مَوت دا دُکھ سہہ کے جلال تے عِزّت دا تاج پایا۔ تاں جو خُدا دے فضل نال اوہ ہر اِک بندے دی خاطر مَوت دا سواد لَئے۔