اِفسِیوں 4:22 - پنجابی نواں عہد نامہ نظرثانی شدہ چھپائی

²² پئی تُسی اپنے اگلے چال چَلّن دی اوس پرانی اِنسانِیّت نُوں لاہ چھڈو۔ جیہڑی فریب دین والِیاں شہوتاں پِچّھے خراب ہوندی جاندی اے۔

اِفسِیوں 4:22 ပူးပေါင်းရင်းမြစ်များ

رُومِیوں 6:6

ایہہ جان کے پئی ساڈی پرانی اِنسانِیّت اوہدے نال صلِیب دِتّی گئی۔ تاں جو گُنہگار بدن رَدّ کِیتا جائے تے اگّے نُوں اسی گُناہ دی غلامی نا کریئے۔

رُومِیوں 7:11

کیوں جو گُناہ حُکم دی راہِیں موقع پا کے مَینُوں دھوکھا دِتّا تے اوسے دی راہِیں مَینُوں مار سُٹّیا۔

۲-کُرِنتھِیوں 11:3

پر مَیں ڈرناں آں۔ کِتے اجیہا نا ہوئے۔ جِہیا سَپّ نیں اپنی مکّاری نال حوّا نُوں چُکیا ایسے طرح تُہاڈے خیال وی اوس سادگی تے پاکیزگی توں ہَٹ جان جیہڑی مسِیح دے نال ہونی چاہیدی اے۔

گلتِیوں 1:13

ایس لئی پئی یہُودی طریقے وِچ جیہڑا میرا حال سی۔ تُساں سُن ای لیا اے۔ مَیں خُدا دی کلِیسیا نُوں حدّوں وَدّھ کے ستاؤندا تے برباد کر دا ساں۔

اِفسِیوں 2:3

اوہناں وِچ اسی وی ساریاں دے سارے پہلاں اپنے جِسم دِیاں خواہشاں وِچ رہندے ساں۔ تے جِسم تے عقل دے اِرادے پُورے کر دے ساں۔ تے ہورناں وانگر قُدرتی طَور اُتّے غضب دے بال ساں۔

اِفسِیوں 4:17

ایس لئی مَیں ایہہ آکھنا آں تے خُدا ولّوں ایہہ دس دینا آں پئی جِیکن غیر قوماں اپنے واہیات خیالاں وِچ ٹُردیاں نیں۔ تُسی اوس طرح نا ٹُرناں۔

اِفسِیوں 4:25

سو جُھوٹھ بولنا چھڈ کے ہر اِک اپنے گواہنڈی نال سَچ بولے۔ کیوں جو اسی آپو وِچ اِک دُوجے دے انگ آں۔

اِفسِیوں 4:31

ہر اِک طرح دی کَوڑ تے کرودھ تے دھُروہ تے رَولا تے بھنڈی ساری کِڑ سَنے دُراڈے کرو۔

کُلُسِّیوں 2:11

اوسے وِچ تُسی ایس طرح سُنتی بَیٹھے جیہڑی سُنت ہتّھاں نال نئیں ہوندی۔ سگوں مسِیح دی سُنت جِہدے وِچ نفسانی بدن لاہ چھڈی دا اے۔

طِطُس 3:3

کیوں جو اسی وی پہلاں نادان۔ نافرمان۔ دھوکھا کھان والے تے بُریاں خواہشاں تے خُوشیاں دے غلام ساں۔ تے دُکھ۔ تے ساڑا کر دے ساں۔ نفرت دے لائق ساں تے آپو وِچ وَیر رکھدے ساں۔

عِبرانیوں 12:1

ایس لئی جد گواہاں دے اَیڈے وڈّے بدّل سانُوں گھیرا پا لیا اے تے آؤ اسی سارے بھار لاہ کے تے اوس گُناہ نُوں جیہڑا سانُوں شتابی پھسا لَیندا اے۔ ہٹا کے اوس دَوڑ وِچ صبر نال دَوڑیئے جِہدے نال سانُوں واہ پیا اے۔

عِبرانیوں 3:13

سگوں تُسی روز دِہاڑی جد تِیکر اَج دا دِن ای اکھواؤندا اے۔ آپو وِچ اِک دُوجے نُوں نصِیحت کریا کرو۔ تاں جو تُہاڈے وِچوں کوئی گُناہ دے فریب نال سخت دِل نا ہو جائے۔

یعقُوب 1:21

ایس لئی ساری پلِیتی تے وَدھن والی بُرائی نُوں چھڈ کے اوس کلام نُوں حلِیمی نال مَن لوؤ جیہڑا دِل وِچ بِیجیا گیا اے۔ تے تُہاڈیاں رُوحاں نُوں نجات دے سکدا اے۔

یعقُوب 1:26

جے کوئی اپنے آپ نُوں دِیندار سمجھے تے اپنی جِیبھ نُوں لگام نا چاہڑے سگوں اپنے دِل نُوں دھوکھا دے تے اوہدی دِینداری کِسے کمّ دی نئیں۔

۱-پطرس 1:18

کیوں جو تُسی جان دے ہو پئی تُہاڈا نکمّا چال چَلّن جیہڑا پئیو دادیاں توں لگا آؤندا سی۔ اوہدے توں تُہاڈی خلاصی ناس ہون والِیاں شیواں یعنی سونے چاندی نال نئیں ہوئی۔

۱-پطرس 4:3

ایس لئی پئی جِنّاں چِر تُساں غیر قوماں دی مرضی دے سببّوں کمّ کِیتا تے جِنّاں چِر پہلاں تُساں لُچ پُنے تے بُریاں خواہشاں شراب پِین وِچ ناچ رنگ تے نشے بازیاں تے مکرُوہ بُت پرستی وِچ لایا اوناں ای بُہت اے۔

۲-پطرس 2:13

دُوجیاں دا بُرا کرن دے بدلے ایہناں ای دا بُرا ہوئے گا۔ ایہناں نُوں دِن دِہاڑے عیاشی کرن وِچ سواد آؤندا اے۔ ایہہ داغ تے عیب نیں۔ جدوں تُہاڈے نال کھاندے پِیندے نیں تے اپنے ولّوں مُحبّت دی ضیافت کر کے عَیش تے عشرت کر دے نیں۔

۲-پطرس 2:7

تے سَچیار لُوط نُوں جیہڑا بے دِیناں دے پلِیت چال چَلّن توں اَکیّا ہویا سی خلاصی بخشی۔