اِفسِیوں 4:21 - پنجابی نواں عہد نامہ نظرثانی شدہ چھپائی

²¹ سگوں تُساں اوس سچیائی دے سببّوں جیہڑی یِسُوع وِچ اے اوسے دی سُنی تے اوسے دی ایہہ تعلِیم سِکھی۔

اِفسِیوں 4:21 ပူးပေါင်းရင်းမြစ်များ

متّی 17:5

اوہ تے اجے پیا بول دا ای سی تے ویکھو اِک نُورانی بدّل اوہناں اُتّے چھاں کِیتی۔ تے بدّل وِچوں اِک اواز ایہہ آکھدی آئی پئی ”ایہہ میرا پیارا پُتر اے جِس توں مَیں خُوش آں۔ اوہدی سُنو۔“

لُوقا 10:16

جیہڑا تُہاڈی سُندا اے۔ میری سُندا اے۔ جیہڑا تُہانوں رَدّ کر دا اے اوہ مَینُوں رَدّ کر دا اے۔ تے جیہڑا مَینُوں رَدّ کر دا اے اوہ میرے گھلّن والے نُوں رَدّ کر دا اے۔

یُوحنّا 1:17

کیوں جو شریعت مُوسیٰ دی راہِیں دِتّی گئی سی۔ پر فضل تے سچیائی یِسُوع مسِیح دی راہِیں آئی۔

یُوحنّا 10:27

میرِیاں بھیڈاں میری اواز سُندیاں نیں تے مَیں اوہناں نُوں جاننا آں تے اوہ میرے مگر ٹُر دِیاں نیں۔

یُوحنّا 14:17

یعنی سچیائی دا رُوح جِہنُوں دُنیا نئیں پا سکدی کیوں جو اوہ نا اوہنوں ویکھدی اے تے نا اوہنوں جاندی اے۔ تُسی اوہنوں جان دے ہو کیوں جو اوہ تُہاڈے نال رہندا اے تے تُہاڈے وِچ ہوئے گا۔

یُوحنّا 14:6

یِسُوع اوہنوں آکھیا مَیں ای راہ تے سچیائی تے زِندگی آں۔ میرے بِناں کوئی باپ دے کول نئیں آؤندا۔

رُومِیوں 10:14

فیر جِہدے اُتّے اِیمان نئیں لیائے۔ اوہ اوہدا ناں کِیویں لین گے؟ تے جِہدی بابت اوہناں سُنیا ای نئیں۔ اوہدے اُتّے کِیویں اِیمان لیاؤن؟ تے منادی کرن والے باہجوں کِیویں سُنن۔

۲-کُرِنتھِیوں 1:20

کیوں جو خُدا دے جِنّے وعدے نیں۔ اوہ سارے اوہدے وِچ ہاں دے نال نیں۔ ایس کر کے اوہدی راہِیں آمِین وی ہوئی۔ تاں جو ساڈی راہِیں خُدا دا جلال ہوئے۔

۲-کُرِنتھِیوں 11:10

مسِیح دی سچیائی دی سَونہہ جیہڑی میرے وِچ اے۔ اَخیہ دے علاقے وِچ کوئی بندہ مَینُوں ایہہ فخر کرن توں نا روکے گا۔

اِفسِیوں 1:13

تے تُساں وی جدوں سچیائی دا کلام سُنیا جیہڑا تُہاڈی نجات دی خُوشخبری اے۔ نالے اوہدے اُتّے اِیمان لیاندا تے مسِیح وِچ تُہاڈے اُتّے وعدہ کِیتے ہوئے پاک رُوح دی مُہر لگّی۔

اِفسِیوں 2:17

تے اوس آ کے خُوشخبری دِتّی۔ تُہاڈے لئی جیہڑے دُراڈے سو صُلح تے اوہناں لئی وی جیہڑے نیڑے سن صُلح دی خُوشخبری دِتّی۔

کُلُسِّیوں 1:5

اوس آس کِیتی ہوئی شے دے سببّوں جیہڑی تُہاڈے واسطے اسمان اُتّے رکھی ہوئی اے۔ جِہدا ذِکر تُساں اوس خُوشخبری دے سَچّے کلام وِچ سُنیا اے۔

کُلُسِّیوں 1:6

جیہڑا تُہاڈے کول اَپڑیا اے۔ تے سارے جہان وِچ پَھلدا اے۔ تے وَدھدا جاندا اے۔ تُہاڈے وِچ وی جد توں تُساں خُدا دے فضل نُوں سُنیا تے اوہنوں سَچ کر کے جانیا اے۔ اینج ای کر دا اے۔

کُلُسِّیوں 2:7

تے جیویں تُہانوں تعلِیم مِلی اے اوسے طرح اِیمان وِچ پکّے رہو۔ تے شُکرانے وِچ وَدھدے جاؤ۔

۱-یُوحنّا 5:20

تے ایہہ وی جاننے آں پئی خُدا دا پُتر آگیا اے۔ تے اوس سانُوں سمجھ دِتّی اے۔ تاں جو اوہنوں جیہڑا اصلی اے جانئے۔ تے اسی اوہدے وِچ۔ جیہڑا اصلی اے یعنی اوہدے پُتر یِسُوع مسِیح وِچ آں۔ اصلی خُدا تے ہمیشہ دی زِندگی ایہی اے۔