اِفسِیوں 4:18 - پنجابی نواں عہد نامہ نظرثانی شدہ چھپائی

¹⁸ کیوں جو اوہناں دی عقل اَنھی ہوگئی۔ تے اوہ اوس نادانی دے سببّوں جیہڑی اوہناں وِچ اے۔ تے اپنے دِلاں دی سختی دے سببّوں خُدا دی زِندگی توں خارج نیں۔

اِفسِیوں 4:18 ပူးပေါင်းရင်းမြစ်များ

متّی 13:15

کیوں جو ایس قوم دا دِل موٹا ہوگیا اے۔ تے کنّاں توں اوہ اُچّا سُندے نیں تے اوہناں اپنیاں اَکھّیاں مِیٹ لئیاں نیں۔ کِتے ایہہ نا ہوئے پئی اَکھّیاں نال ویکھن تے کنّاں نال سُنن تے دِل نال سمجھن تے پرت آؤن تے مَیں اوہناں نُوں ولّ کر دیاں۔

مرقس 3:5

تَد اوس اوہناں دی سخت دِلی دے سبّب اُداس ہو کے غُصّے دی نظر نال اوہناں ولّ ویکھیا تے اوس بندے نُوں آکھیا اپنا ہتّھ وَدّھا۔ تے اوس وَدھایا تے اوہدا ہتّھ ٹھیک ہوگیا۔

یُوحنّا 12:40

اوس اوہناں دِیاں اَکھّیاں اَنھیاں کِیتیاں نیں تے اوہناں دے دِل سخت کِیتے۔ کِتے ایویں نا ہوئے پئی اوہ اَکھّیاں نال ویکھن تے دِل نال سمجھن تے مُڑن تے مَیں اوہناں نُوں ولّ کراں۔

اعمال 17:30

خُدا تے ناواقفی دے ویلے وِچ خیال نا کر کے ہُن بندیاں نُوں حُکم دیندا اے پئی ساریاں دے سارے ہر تھاں تَوبہ کرن۔

اعمال 3:17

ہُن بھراؤ! مَیں جاننا آں پئی تُساں ایہہ کمّ نادانی نال کِیتا۔ جیویں تُہاڈے سرداراں نیں وی۔

رُومِیوں 1:28

تے جدوں خُدا نُوں اپنی پِچھّاں وِچ رکھناں اوہناں نُوں چَنگا نا لگّا تَد خُدا وی اوہناں نُوں بیواقوفی وِچ چھڈ دِتّا۔ پئی نالائق کمّ کرن۔

رُومِیوں 11:25

بھراؤ کِتے اجیہا نا ہوئے پئی تُسی اپنے آپ نُوں سِیانے سمجھو۔ مَیں نئیں چاہندا۔ پئی تُسی ایس بھید توں ناواقِف رہو۔ پئی اِسرائیل دے اِک حِصّے اُتّے۔ جد تِیکر غیر قوماں دی بھرتی پُوری نا ہوئے۔ سخت دِلی آگئی اے۔

رُومِیوں 11:7

فیر کِیہ ہویا۔ جِس گلّ نُوں اِسرائیل لَبّھدا اے سو ہتّھ نا لگّی۔ پر چُنیاں ہویاں نُوں ہتّھ لگّی۔ تے باقی سخت دِل کِیتے گئے۔

رُومِیوں 2:19

تے اپنے اُتّے یقِین کر بَیٹھنا ایں۔ پئی مَیں اَنھیاں نُوں راہ پان والا تے ہنیرے وِچ بیہن والیاں لئی چانن۔

۱-کُرِنتھِیوں 1:21

ایس لئی پئی جد خُدا دی دنائی دے سببّوں دُنیا اپنی دنائی نال خُدا نُوں نا سہاتا۔ تَد خُدا نُوں ایہہ چَنگا لگّا۔ پئی ایس منادی دی مُورکھ دی راہِیں اِیمان لیاؤن والیاں نُوں نجات دیوے۔

۱-کُرِنتھِیوں 2:8

تے اوہنوں ایس جہان دے سرداراں وِچوں کِسے نا سہاتا کیوں جو جے سمجھدے تے جلال دے خُداوند نُوں صلِیب نا دیندے۔

۲-کُرِنتھِیوں 3:14

پر اوہناں دے دِل سخت ہوگئے۔ کیوں جو اَج توڑی پرانے عہد نامے نُوں پڑھدیاں اوہناں دے دِلاں اُتّے اوہو پردہ پیا رہندا اے۔ تے اوہ مسِیح وِچ اُٹھایا جاندا اے۔

۲-کُرِنتھِیوں 4:4

یعنی اوہناں بے اِیماناں لئی جِنہاں دِیاں اَکھّیاں نُوں ایس جہان دے خُدا اَنھیاں کر دِتّا اے۔ تاں جو مسِیح جیہڑا خُدا دی صُورت اے اوہدے جلال دی خُوشخبری دا چانن اوہناں اُتّے نا پئے۔

گلتِیوں 4:8

پر اوس ویلے تُسی خُدا نُوں نئیں سو جان دے۔ تے تُسی اوہناں بُتاں دی غلامی وِچ سو جیہڑے اصلوں خُدا نئیں۔

اِفسِیوں 2:1

تے اوس تُہانوں وی جوالیا جیہڑے اپنے قصوراں تے گُناہاں دے سببّوں موئے ہوئے سو۔

اِفسِیوں 2:12

اگلے زمانے وِچ مسِیح توں وکھرے تے اِسرائیل دی بادشاہی وِچوں خارج تے ایہناں دے وعدے والے عَہداں توں ناواقِف سو تے نااُمید تے دُنیا وِچ بے خُدا سو۔

کُلُسِّیوں 1:21

تے اوس ہُن اپنے جِسمانی بدن دے سببّوں مَوت دی راہِیں تُہاڈا وی میل کرایا۔

۱-تھِسّلُنِیکوں 4:5

نا شہوت دے جوش نال اوہناں قوماں وانگر جیہڑیاں خُدا نُوں نئیں جان دِیاں۔

عِبرانیوں 5:2

تے اوہ ناداناں تے بدراہاں نال نرمی دا سلُوک کرن جوگا ہوندا اے۔ ایس لئی پئی اوہ آپ وی اپنی کمزوری تھلے رہندا اے۔

عِبرانیوں 9:7

پر دُوجے وِچ وَڈا سردار کاہِن ای ورھے پِچّھوں اِکّو وار جاندا اے تے خُون بِناں نئیں جاندا۔ جِہنُوں اپنی تے اُمّت دی بُھل چُک دے لئی نذر چاہڑدا اے۔

یعقُوب 4:4

زنا کرن والیو! تُسی نئیں جاندِیاں پئی دُنیا دی یاری خُدا دا وَیر اے؟ سو جیہڑا دُنیا دا یار بننا چاہندا اے اوہ اپنے آپ نُوں خُدا دا وَیری بناندا اے۔

۱-پطرس 1:14

تے تابعدار بچّیاں وانگر اپنے آپ نُوں اپنی بیواقوفی دِیاں پرانیاں خواہشاں اُتّے نا ڈولو۔

۱-یُوحنّا 2:11

پر جیہڑا اپنے بھرا نال وَیر رکھدا اے اوہ ہنیرے وِچ ای اے۔ تے ہنیرے وِچ ٹُردا اے۔ تے اوہنوں پتا نئیں پئی مَیں کِتّھے لگا جاناں آں کیوں جو ہنیرے اوہدیاں اَکھّیاں اَنھیاں کر چھڈیاں نیں۔