اِفسِیوں 4:17 - پنجابی نواں عہد نامہ نظرثانی شدہ چھپائی

¹⁷ ایس لئی مَیں ایہہ آکھنا آں تے خُدا ولّوں ایہہ دس دینا آں پئی جِیکن غیر قوماں اپنے واہیات خیالاں وِچ ٹُردیاں نیں۔ تُسی اوس طرح نا ٹُرناں۔

اِفسِیوں 4:17 ပူးပေါင်းရင်းမြစ်များ

لُوقا 16:28

کیوں جو میرے پنج بھرا نیں۔ تاں جو اوہناں دے اگّے اوہ گواہی دیوے۔ اجیہا نا ہوئے پئی اوہ وی ایس عذاب والے تھاں وِچ آؤن۔

اعمال 14:15

اَے بندیو! تُسی ایہہ کِیہ کر دے ہو؟ اسی وی تُہاڈے جیہے دُکھ سُکھ سہن والے بندے آں تے تُہانوں خُوشخبری دینے آں پئی ایہناں واہیات گلّاں توں لانبھے ہو کے زِندہ خُدا ولّ پِھرو۔ اوسے ای اسمان تے زمین۔ تے سمُندر نُوں۔ تے سبھ کُجھ جو اوہناں دے وِچ اے بنایا اے؟

اعمال 18:5

تے جد سِیلاس تے تِیمُتِھیُس مَکِدُنیہ توں آگئے تَد پَولُس کلام سُنان دے جوش نال مجبُور ہو کے یہُودِیاں اگّے گواہی پیا دیندا سی۔ پئی یِسُوع ای مسِیح اے۔

اعمال 2:40

تے ہور بتھیریاں گلّاں نال پَکّ کر کے اوس اوہناں نُوں نصِیحت کِیتی۔ پئی ایس پُٹھی قوم توں اپنا آپ بچاؤ۔

اعمال 20:21

تے مَیں یہُودِیاں تے یُونانِیاں دے اگّے گواہی دیندا رہیا پئی خُدا اگّے تَوبہ کرن۔ تے ساڈے خُداوند یِسُوع مسِیح اُتّے اِیمان لیاؤن۔

رُومِیوں 1:21

کیوں جو اوہناں بھانویں خُدا نُوں پچھانیاں تے وی اوہدی خُدائی دے لائق اوہدی وڈیائی نا کِیتی۔ تے نا اوہدا شُکر کِیتا۔ سگوں اپنے بَھرماں وِچ نکمّے ہوگئے۔ نالے اوہناں دے بے سمجھ دِل ہنیرے ہوگئے۔

۱-کُرِنتھِیوں 1:12

میرا مطلب ایہہ اے پئی تُہاڈے وِچوں کوئی تے اپنے آپ نُوں پَولُس دا آکھدا اے۔ کوئی اُپلّوس دا کوئی کیفا دا۔ کوئی مسِیح دا۔

۱-کُرِنتھِیوں 15:50

بھراؤ! مَیں ایہہ آکھنا آں۔ پئی ماس تے لہو خُدا دی بادشاہی دے وارث نئیں ہوسکدے نا ناس ہون والا بقا دا وارث ہوسکدا اے۔

۲-کُرِنتھِیوں 9:6

پر گلّ ایہہ اے پئی جیہڑا تھوڑا بِیجدا اے۔ اوہ تھوڑا وَڈّھے گا تے جیہڑا بُہتا بِیجدا اے اوہ بُہتا وَڈّھے گا۔

گلتِیوں 3:17

میرا ایہہ مطلب اے۔ پئی جیہڑا عہد خُدا پہلاں توں کِیتا سی۔ اوہنوں شریعت چار سَو ترِیہاں ورھیاں پِچھّوں آ کے جُھوٹھا نئیں کر سکدی۔ پئی اوہ وعدہ ایویں جائے۔

گلتِیوں 5:3

سگوں مَیں ہر اِک سُنتی بہن والے اگّے فیر گواہی دینا آں۔ پئی ساری شریعت اُتّے عمل کرنا اوہدا فرض اے۔

اِفسِیوں 1:22

تے سبھ کُجھ اوہدے پیراں ہیٹھ کر دِتّا۔ تے اوہنوں سارِیاں شیواں دا سردار بنا کے کلِیسیا نُوں دے دِتّا۔

اِفسِیوں 4:22

پئی تُسی اپنے اگلے چال چَلّن دی اوس پرانی اِنسانِیّت نُوں لاہ چھڈو۔ جیہڑی فریب دین والِیاں شہوتاں پِچّھے خراب ہوندی جاندی اے۔

کُلُسِّیوں 2:18

کوئی بندہ عاجزی یا فرِشتیاں دی بندگی نُوں پسند کر کے تُہاڈا دَوڑ والا اِنعام نا کھو لَئے۔ اجیہا بندے اپنے جِسم دی عقل اُتّے بے فائدہ شیخی مار کے ویکھیاں ہویاں شیواں وِچ لگّا رہندا اے۔

کُلُسِّیوں 2:4

ایہہ مَیں ایس لئی آکھنا آں پئی کوئی جَنا مِٹّھیاں گلّاں نال تُہانوں دھوکھا نا دیوے۔

۱-تھِسّلُنِیکوں 4:6

تے کوئی بندہ اپنے بھرا نال ایس گلّ وِچ وادھا تے دَغا نا کرے۔ کیوں جو خُدا ایہناں ساریاں کمّاں دا بدلہ دین والا اے۔ جیویں اساں پہلاں تُہانوں صاف صاف دس چھڈیا۔

۱-تِیمُتِھیُس 5:21

خُدا تے خُداوند یِسُوع مسِیح تے چُنیاں ہویاں فرِشتیاں دے سامھنے مَیں تینُوں آکھ دینا آں پئی ایہناں گلّاں اُتّے انصاف نال عمل کریں تے کوئی کمّ رَئی نال نا کریں۔

۱-تِیمُتِھیُس 6:13

مَیں اوس خُدا نُوں جیہڑا سارِیاں شیواں نُوں جوالدا اے۔ تے مسِیح یِسُوع نُوں جِس پُنطِیُس پِیلاطُس دے اگّے چَنگا اِقرار کِیتا سی گواہ کر کے تینُوں پَکّی کرنا آں۔

۲-تِیمُتِھیُس 4:1

خُدا تے مسِیح یِسُوع نُوں جیہڑا جِیوندیاں تے مویاں ہویاں دی عدالت کرے گا۔ گواہ کر کے تے اوہدے ظاہر ہون توں بادشاہی نُوں یاد دوا کے مَیں تینُوں آکھنا آں۔

۱-پطرس 1:18

کیوں جو تُسی جان دے ہو پئی تُہاڈا نکمّا چال چَلّن جیہڑا پئیو دادیاں توں لگا آؤندا سی۔ اوہدے توں تُہاڈی خلاصی ناس ہون والِیاں شیواں یعنی سونے چاندی نال نئیں ہوئی۔

۲-پطرس 2:18

اوہ مغرُوری دِیاں واہیات گلّاں بَک بَک کے لُچ پُنے دی راہِیں اوہناں لوکاں نُوں جِسمانی خواہشاں وِچ پھساندے نیں جیہڑے بدراہاں وِچوں مَساں مَساں پئے نِکلدے نیں۔