اِفسِیوں 4:14 - پنجابی نواں عہد نامہ نظرثانی شدہ چھپائی

¹⁴ پئی اسی اگّے نُوں بچّے نا رہیئے۔ یعنی بندیاں دے فریب تے مکر دے سبّب اوہناں دی بھڑکان والی چالاکی پِچّھے ہر اِک تعلِیم دی وَا نال ڈولدے نا پِھریئے۔

اِفسِیوں 4:14 ပူးပေါင်းရင်းမြစ်များ

متّی 11:7

تے جد اوہ ٹُر گئے یِسُوع یُوحنّا دی بابت لوکاں نُوں آکھن لگّا پئی تُسی بیابان وِچ کِیہ ویکھن گئے سو؟ اِک وَا نال ہِلدے کانے نُوں؟

متّی 24:11

تے بُہت جُھوٹھے نبی اُٹھن گے تے بتھیریاں نُوں بد راہ کر دین گے۔

متّی 24:24

کیوں جو جُھوٹھے مسِیح تے جُھوٹھے پیغمبر اُٹھن گے۔ تے بھارے نِشان تے کراماتاں وکھان گے۔ اجیہے پئی جے ہو سکے تے اوہ چُنیاں ہویاں نُوں وی گُمراہ کر لین۔

اعمال 23:21

پر تُوں اوہناں دی نا مَنّیں۔ کیوں جو اوہناں وِچوں چاھلیاں توں وَدّھ بندے اوہدی چھیہہ وِچ لگّے ہوئے نیں جِنہاں اپنے اُتّے سَونہہ دی مار پائی اے۔ پئی جِنّاں چِر اوہنوں نا مار سُٹّیئے اسی نا کھاواں گے نا پِیاں گے۔ تے ہُن اوہ تیار ای نیں۔ تے اوہناں نُوں تیرے اِقرار دی اوڈِیک اے۔

۱-کُرِنتھِیوں 12:2

تُسی جان دے ہو پئی جد تُسی غیر قوم سو۔ تے گُونگے بُتاں دے پِچّھے جیویں کوئی لے جاندا سی اوسے طرح جاندے سو۔

۱-کُرِنتھِیوں 14:20

بھراؤ! تُسی سمجھ وِچ بچّے نا بنو۔ بُریائی وِچ تے بچّے رہو پر سمجھ وِچ جوان بنو۔

۱-کُرِنتھِیوں 3:19

کیوں جو دُنیا دی حِکمت خُدا دے بھانے مُورکھ اے۔ جیویں لِکھیا ہویا اے پئی اوہ سیانیاں نُوں اوہناں دی چالاکی وِچ پھسا دیندا اے۔

۲-کُرِنتھِیوں 2:17

کیوں جو اسی اوہناں بتھیریاں لوکاں وانگر نئیں جیہڑے خُدا دے کلام وِچ مِلاوٹ کر دے نیں۔ سگوں دِل دی صفائی نال تے خُدا ولّوں خُدا نُوں حاضر جان کے مسِیح وِچ بولنے آں۔

۲-کُرِنتھِیوں 4:2

سگوں اساں شرم دِیاں لُکِیاں ہویاں گلّاں نُوں چھڈ دِتّا۔ تے مکّاری دی چال نئیں چلدے۔ نا خُدا دے کلام وِچ کُجھ رَلا دینے آں۔ سگوں سچیائی ظاہر کر کے خُدا دے اگّے ہر اِک بندے دے دِل وِچ اپنی نیکی بٹھالنے آں۔

گلتِیوں 3:1

اَے مُورکھ گلِتیو! کِس تُہاڈے اُتّے ٹُونا کِیتا اے؟ جِنہاں دِیاں اَکھّیاں سامھنے یِسُوع مسِیح سُولی چاہڑیا ہویا وکھالی دِتّا۔

اِفسِیوں 6:11

خُداوند دے سارے ہتّھیار لا لوؤ۔ پئی تُسی ابلیس دِیاں چالاکیاں اگّے کھلون جوگے ہوؤ۔

۱-تِیمُتِھیُس 3:6

نواں مُرید نا ہوئے متے فخر کر کے ابلیس دی سزا پائے۔

۲-تِیمُتِھیُس 1:15

تے تُوں ایہہ جاننا ایں پئی آسِیہ دے سارے لوک میرے ولّوں پھر گئے جِنہاں وِچوں فُوگلُس تے ہرمُگِنیُس نیں۔

۲-تِیمُتِھیُس 3:13

تے بُرے تے دھوکھے باز بندے فریب دیندے تے فریب کھاندے وِگڑدے لگے جان گے۔

۲-تِیمُتِھیُس 4:3

کیوں جو اجیہا ویلا آوے گا۔ پئی لوک صحِیح تعلِیم دی برداشت نا کرن گے۔ سگوں کنّاں دی جلُون دے سببّوں اپنیاں اپنیاں خواہشاں دے سببّوں بتھیرے اُستاد کرن گے۔

عِبرانیوں 13:9

وَکھو وَکھ تے اوپریاں تعلِیماں پِچّھے بُھلّے نا پِھرو۔ کیوں جو ایہہ چَنگا اے۔ پئی فضل نال دِل تگڑا رہے اوہناں خُوراکاں نال نئیں جِنہاں دے ورتن والیاں نُوں کُجھ فائدہ نئیں ہویا۔

یعقُوب 1:6

پر اِیمان نال منگے تے کُجھ شک نا کرے کیوں جو شکی سمُندر دی ٹَھل وانگر ہوندا اے جیہڑی وَا نال دھکی جاندی اے تے چھالاں مار دی اے۔

یعقُوب 3:4

ویکھو جہاز وی بھانویں وڈّے وڈّے ہوندے نیں تے تیز وَا نال ٹورے جاندے نیں تَد وی اِک نِکّی جِہی پتوار دی راہِیں ملّاح دی مرضی نال پھرائے جاندے نیں۔

۲-پطرس 2:18

اوہ مغرُوری دِیاں واہیات گلّاں بَک بَک کے لُچ پُنے دی راہِیں اوہناں لوکاں نُوں جِسمانی خواہشاں وِچ پھساندے نیں جیہڑے بدراہاں وِچوں مَساں مَساں پئے نِکلدے نیں۔

۱-یُوحنّا 2:19

نِکلے تے اوہ ساڈے وِچوں ای سن۔ پر ساڈے نئیں سن۔ ایس لئی پئی جے اوہ ساڈے ہوندے تے ساڈے نال رہندے پر ایس لئی نِکل گئے تاں جو پَتا لگ جائے۔ پئی اوہ سارے ساڈے نئیں۔

۱-یُوحنّا 2:26

مَیں ایہہ گلّاں تُہانوں اوہناں لوکاں دی بابت لِکھیاں نیں جیہڑے تُہانوں فریب دیندے نیں۔

۱-یُوحنّا 4:1

پیاریو۔ سارِیاں رُوحاں نُوں نا مَنّو۔ سگوں رُوحاں نُوں پر کھو پئی خُدا ولّوں نیں کہ نئیں۔ کیوں جو بتھیرے جُھوٹھے نبی دُنیا وِچ نِکل گئے نیں۔

یہُوداہ 1:12

جد اوہ تُہاڈیاں مُحبّت دِیاں ضِیافتاں وِچ تُہاڈے نال کھان پِین دے ویلے اینج سن جیویں دریا وِچ لُکِیاں چٹاناں۔ تے اجیہے ایّالی جیہڑے بے ڈر ہو کے ڈِھڈ بھردے نیں۔ بِناں پانیوں بدّل نیں جِنہاں نُوں وَا اُڈا کے لے جاندی اے۔ پچّھیترے پتجھڑ دے بے پَھل بُوٹے۔ دُوں وِری مرے ہوئے۔ جڑوں پُٹے ہوئے۔

مُکاشفہ 19:20

تے اوہ پشُو تے اوہدے نال اوہ جُھوٹھا نبی پھڑیا گیا۔ جِس اوہدے سامھنے ایہو جئے نِشان وکھائے سن جِنہاں نال اوس پشُو دا ٹھپّہ لین والیاں تے اوہدے بُت دی پُوجا کرن والیاں نُوں بدراہ کر دِتّا سی۔ اوہ دونویں اَگ دی اوس جِھیل وِچ جِیوندے سُٹّے گئے۔ جیہڑی گندھک نال بَلدی اے۔