اِفسِیوں 4:13 - پنجابی نواں عہد نامہ نظرثانی شدہ چھپائی

¹³ جدوں تِیکر اسی سارے خُدا دے پُتر تے اِیمان تے اوہدی پچھان وِچ اِک نا ہو جائیے تے پُورے اِنسان یعنی مسِیح دے پُورے قد جیڈے نا ہو جائیے۔

اِفسِیوں 4:13 ပူးပေါင်းရင်းမြစ်များ

متّی 11:27

سارِیاں شیواں میرے باپ توں مَینُوں سونپِیاں گِیئاں۔ تے کوئی پُتر نُوں نئیں جان دا پر باپ۔ تے نا باپ نُوں کوئی جان دا اے پر پُتر۔ تے اوہ جِہدے اُتّے پُتر اوہنوں ظاہر کرنا چاہے۔

یُوحنّا 1:16

تے اوہدی بھرپُوری وِچوں اساں سبھناں نُوں مِلیا یعنی فضل اُتّے فضل۔

یُوحنّا 16:3

اوہ ایس واسطے ایہہ کرن گے کیوں جو نا اوہناں باپ نُوں جانیا اے نا مَینُوں۔

یُوحنّا 17:21

تاں جو سبھ اِک ہون پئی جیویں اَے باپ تُوں میرے وِچ تے مَیں تیرے وِچ آں اوہ وی ساڈے وِچ ہون تاں جو دُنیا اِیمان لیاوے پئی تُوں مَینُوں گھلّیا۔

یُوحنّا 17:3

تے سدا دی زِندگی ایہہ اے پئی اوہ تینُوں جانن جیہڑا اکلّا سَچّا خُدا ایں تے نالے یِسُوع مسِیح نُوں جِہنُوں تُوں گھلّیا اے۔

یُوحنّا 6:69

اسی اِیمان لیائے تے جان گئے آں پئی خُدا دا قُدُّوس تُوں ای ایں۔

اعمال 4:32

تے اِیمانداراں دی جماعت اِک دِل تے اِک جان سی۔ تے کوئی اپنے مال وِچوں کِسے شے نُوں اپنا نئیں سی آکھدا پر اوہ سبھ کُجھ سانجھا رکھدے سن۔

۱-کُرِنتھِیوں 1:10

ہُن بھراؤ! مَیں یِسُوع مسِیح دا جیہڑا ساڈا خُداوند اے ناں یاد دوا کے تُہاڈے اگّے مِنّت کرنا آں۔ پئی اِکّو جِہی گلّ آکھو تے تُہاڈے وِچ دُوجا پن نا ہوئے۔ سگوں آپو وِچ اِک دِل تے اِک صلاح ہو کے کامِل بنے رہو۔

۱-کُرِنتھِیوں 14:20

بھراؤ! تُسی سمجھ وِچ بچّے نا بنو۔ بُریائی وِچ تے بچّے رہو پر سمجھ وِچ جوان بنو۔

۱-کُرِنتھِیوں 2:6

فیر وی سیانیاں وِچ اسی حِکمت دِیاں گلّاں کرنے آں۔ پر ایس دُنیا دی تے ایس جہان دے ناس ہون والیاں سرداراں دی حِکمت نئیں۔

۲-کُرِنتھِیوں 4:6

ایس لئی پئی خُدا ای اے جِس آکھیا پئی ہنیرے وِچوں نُور چمکے تے اوہو ای ساڈیاں دِلاں وِچ چمکیا۔ تاں جو خُدا دے جلال دی پچھان دا نُور یِسُوع مسِیح دے چِہرے توں چمکارا مارے۔

گلتِیوں 4:19

میرے بالو! تُہاڈے ولّوں مَینُوں نَوِیں سِریوں جمّن دِیاں پِیڑاں لگِیاں نیں۔ جدوں تِیکر مسِیح تُہاڈے وِچ صُورت نا پھڑ لَئے۔

اِفسِیوں 1:17

پئی ساڈے خُداوند یِسُوع مسِیح دا خُدا جیہڑا جلال دا باپ اے۔ تُہانوں اپنی پچھان لئی حِکمت تے اِلہام دی رُوح دیوے۔

اِفسِیوں 1:23

ایہہ اوہدا بدن اے تے اوسے نال رچی ہوئی اے۔ جیہڑا سبھنیں پلِّیں سبھناں دا بھرن والا اے۔

اِفسِیوں 2:15

تے اوس اپنے جِسم دی راہِیں وَیر نُوں یعنی اوس شریعت نُوں جِہدے حُکم ضابطے نال سن۔ مَوقُوف کر دِتّا۔ تاں جو اپنے وِچ دوہاں توں اِک نواں اِنسان پَیدا کر کے صُلح کرا وے۔

اِفسِیوں 4:12

تاں جو پاک لوک کامِل بنن تے سیوا دا کمّ کِیتا جائے۔ تے مسِیح دا جِسم وَدھے۔

اِفسِیوں 4:3

تے ایہو ای کوشش کر دے رہو۔ پئی رُوح دی اِکتائی صُلح دے بند نال بَدّھی رہے۔

اِفسِیوں 4:5

اِکّو ای خُداوند اے۔ اِکّو ای اِیمان۔ اِکّو ای بپتِسمہ۔

فِلِپّیوں 3:10

تے مَیں اوہنوں تے اوہدے جِیو اُٹھن دی قُدرت نُوں تے اوہدے نال دُکھاں وِچ شریک ہون نُوں معلُوم کراں۔ تے اوہدی مَوت ورگا ہو جاواں۔

فِلِپّیوں 3:8

سگوں مَیں اپنے خُداوند یِسُوع مسِیح دی پہچان دی بُہتی خُوبی دے سبّب سارِیاں شیواں نُوں گھاٹا سمجھنا آں۔ جِہدے لئی مَیں ساریاں شیواں دا گھاٹا جھلیا تے اوہناں نُوں کُوڑا سمجھنا آں پئی مسِیح نُوں کھٹ لَواں۔

کُلُسِّیوں 1:28

جِہدی منادی کر کے اسی ہر اِک بندے نُوں نصِیحت کرنے آں۔ تے ہر اِک نُوں پُوری دانائی نال تعلِیم دینے آں۔ تاں جو اسی ہر اِک بندے نُوں مسِیح وِچ کامِل کر کے پیش کریئے۔

کُلُسِّیوں 2:2

تاں جو اوہناں دے دِلاں نُوں تسلّی ہوئے۔ تے اوہ آپو وِچ مُحبّت نال گنڈھے رہن۔ تے پُوری سمجھ دی ساری دَولت لے لین۔ تے خُدا دے یعنی مسِیح دے بھیت نُوں پچھانن۔

عِبرانیوں 5:14

تے ڈاہڈی خُوراک پُوری عُمر دیاں لئی ہوندی اے۔ جِنہاں دی عقل کمّ کر دیاں کر دیاں نیکی بدی نُوں چنگی طرح نال پچھان سکدی اے۔

۲-پطرس 1:4

تے اوہناں دی راہِیں اوس ساڈے نال قِیمتی تے بتھیرے وڈّے وعدے کِیتے۔ تاں جو اوہناں دی راہِیں تُسی اوس خرابی توں چُھٹ کے جیہڑی دُنیا وِچ بُری خواہش دے سببّوں اے۔ اوہناں دی راہِیں ذاتِ اِلہٰی وِچ سنگی ہو جاؤ۔

۲-پطرس 3:18

سگوں ساڈے خُداوند تے نجات دین والے یِسُوع مسِیح دے فضل تے پہچان وِچ وَدھدے جاؤ۔ اوسے دا جلال ہُن وی ہوئے۔ تے سدا تِیکر رہے۔ آمِین۔

۱-یُوحنّا 5:20

تے ایہہ وی جاننے آں پئی خُدا دا پُتر آگیا اے۔ تے اوس سانُوں سمجھ دِتّی اے۔ تاں جو اوہنوں جیہڑا اصلی اے جانئے۔ تے اسی اوہدے وِچ۔ جیہڑا اصلی اے یعنی اوہدے پُتر یِسُوع مسِیح وِچ آں۔ اصلی خُدا تے ہمیشہ دی زِندگی ایہی اے۔