اِفسِیوں 4:12 - پنجابی نواں عہد نامہ نظرثانی شدہ چھپائی

¹² تاں جو پاک لوک کامِل بنن تے سیوا دا کمّ کِیتا جائے۔ تے مسِیح دا جِسم وَدھے۔

اِفسِیوں 4:12 ပူးပေါင်းရင်းမြစ်များ

لُوقا 22:32

پر مَیں تیرے لئی دُعا کِیتی۔ پئی تیرا اِیمان جاندا نا رہے۔ تے جد تُوں مُڑ پئیں تے اپنے بھراواں نُوں تگڑیاں کریں۔

اعمال 1:17

کیوں جو اوہ ساڈے وِچ گِنیا گیا۔ تے اوہنوں ایس خِدمت دا حِصّہ مِلیا سی۔

اعمال 1:25

پئی اوہنوں تھاں مِلے اوس خِدمت تے رسالت دے کمّ وِچ جِہنُوں یہُوداہ چھڈ کے اپنے تھاں گیا۔

اعمال 11:23

جد اوہ اَپڑیا تے خُدا دا فضل ویکھیا۔ تَد خُوش ہویا۔ تے اوس اوہناں سبھناں نُوں نصِیحت کِیتی پئی دِل لا کے خُداوند نال مِلے رہن۔

اعمال 20:24

پر مَیں اپنی جان دا خیال بالکل نئیں کر دا۔ پئی اوہ مَینُوں پیاری لگدی اے۔ تاں جو مَیں اپنی دَوڑ نُوں تے اوس خِدمت نُوں جیہڑی خُداوند یِسُوع توں مَینُوں سپُرد ہوئی۔ پُورا کراں۔ تے خُدا دے کرم دی خُوشخبری اُتّے گواہی دیاں۔

اعمال 20:28

تُسی اپنی اوس سارے اِجّڑ دی خبرداری کرو۔ جِہدا پاک رُوح نے تُہانوں نِگہبان بنایا۔ پئی خُدا دی کلِیسیا نُوں چارو جِہنُوں اوس اپنے ای لہو نال مُل لیا۔

اعمال 9:31

تَد سارے یہُودیہ تے گلِیل تے سامریہ وِچ کلِیسیا سُکھ پایا۔ تے ترقی کر دی جاندی سی۔ تے خُداوند دے خَوف تے پاک رُوح دی تسلّی اُتّے چَلدی تے وَدّھدِی جاندی سی۔

رُومِیوں 12:5

اوسے طرح اسی جیہڑے بتھیرے آں پر مسِیح وِچ اِک بدن آں۔ تے اِک اِک کر کے اِک دُوجے دے انگ آں۔

رُومِیوں 12:7

جے خِدمت اے تے خِدمت وِچ لگّے رہیئے۔ جے کوئی سکھان والا ہوئے تے سکھان وِچ۔

رُومِیوں 14:19

سو آؤ اسی اوہناں گلّاں دا پِچھّا کریئے۔ جِنہاں توں میل ملاپ تے اِک دُوجے دی ترقی ہوئے۔

رُومِیوں 15:14

تے میرے بھراؤ! مَیں آپ تُہاڈی بابت ایہہ یقِین رکھنا آں پئی تُسی آپ نیکی نال بھرپُور تے ساری دانائی نال بھرے ہوئے ہو تے اِک دُوجے نُوں سمجھان جوگے اوہ۔

رُومِیوں 15:2

ساڈے وِچوں ہر کوئی آپو اپنے گواہنڈی نُوں اوہدی بھلیائی لئی خُوش کرے۔ پئی اوہدی ترقی ہوئے۔

رُومِیوں 15:29

تے مَیں جاننا آں پئی جدوں تُہاڈے کول آواں گا۔ تدوں مسِیح دی پُوری برکت لے کے آواں گا۔

۱-کُرِنتھِیوں 12:27

ایویں تُسی مِل کے مسِیح دا بدن ہو تے وکھرے وکھرے انگ ہو۔

۱-کُرِنتھِیوں 12:7

پر ہر کِسے وِچ رُوح دا ظاہر ہونا فائدہ پُچان لئی ہوندا اے۔

۱-کُرِنتھِیوں 14:12

سو جد رُوحانی نِعمتاں دی چاہ رکھدے ہو تاں ایہہ کوشش کرو پئی تُہاڈیاں نِعمتاں دے وَدھن نال کلِیسیا دی ترقی ہوئے۔

۱-کُرِنتھِیوں 14:14

سو جے مَیں کِسے اوپری بولی وِچ دُعا منگاں تے میری رُوح تے منگدی اے۔ پر میری عقل نکمّی اے۔

۱-کُرِنتھِیوں 14:26

سو بھراؤ! کِیہ کرنا چاہیدا اے؟ جد تُسی اکٹّھے ہوندے ہو تے ہر اِک دے دِل وِچ زبُور یا تعلِیم یا مُکاشفہ یا اوپری زبان یا ترجمہ ہوندا اے۔ سبھ کُجھ رُوحانی ترقی دے لئی ہونا چاہیدا اے۔

۲-کُرِنتھِیوں 12:19

تُسی اجے تِیکر ایہو ای سمجھدے ہوؤگے پئی اسی تُہاڈے اگّے عُذر کرنے آں۔ اسی تے خُدا نُوں حاضر جان کے مسِیح وِچ سَچ بولنے آں۔ تے پیاریو! ایہہ سبھ کُجھ تُہاڈی ترقی دے لئی اے۔

۲-کُرِنتھِیوں 13:11

سو بھراؤ! خُوش رہو۔ کامِل بنو۔ خاطرجمع رکھو۔ اِک دِل رہو۔ میل ملاپ رکھو۔ تے خُدا مُحبّت تے تسلّی دا سرچشمہ تُہاڈے نال ہوئے گا۔

۲-کُرِنتھِیوں 13:9

جدوں اسی کمزور آں تے تُسی زوراور تَد اسی خُوش آں تے ایہہ دُعا وی منگنے آں۔ پئی تُسی کامِل بنو۔

۲-کُرِنتھِیوں 3:8

تے رُوح دا عہد تے ضرُور ای جلال والا ہوئے گا۔

۲-کُرِنتھِیوں 4:1

سو جد ساڈے اُتّے اجیہا رَحم ہویا پئی سانُوں ایہہ خِدمت مِلی۔ تاں اسی ہِمّت نئیں ہار دے۔

۲-کُرِنتھِیوں 5:18

تے سارِیاں شیواں خُدا ولّوں نیں۔ جِس مسِیح دی راہِیں اپنے نال ساڈا میل کر لیا تے میل دی خِدمت ساڈے سپُرد کِیتی۔

۲-کُرِنتھِیوں 6:3

اسی کِسے گلّ وِچ ٹھوکر کھان دا کوئی موقع نئیں دیندے تاں جو ساڈی خِدمت اُتّے حرف نا آوے۔

۲-کُرِنتھِیوں 7:1

سو اَے عزِیزو! ایس کر کے پئی ساڈے نال اجیہے وعدے کِیتے گئے۔ تے آؤ اپنے آپ نُوں ہر طرح دی جِسمانی تے رُوحانی گندگی توں پاک کریئے تے خُدا دے خَوف نال پاکیزگی نُوں کمال تِیکر پُچایئے۔

اِفسِیوں 1:23

ایہہ اوہدا بدن اے تے اوسے نال رچی ہوئی اے۔ جیہڑا سبھنیں پلِّیں سبھناں دا بھرن والا اے۔

اِفسِیوں 4:16

جِہدے توں سارا تَن اِک اِک جوڑ دی مدد نال جوڑیا تے گنڈھیا جاندا اے تے اِک اِک انگ دے ولّ کمّ کرن نال مُحبّت وِچ اپنے آپ نُوں اُسارن لئی تَن دا وادھا ہوندا اے۔

اِفسِیوں 4:29

کوئی گندی گلّ تُہاڈے مُنھ توں نا نِکلے۔ سگوں اوہو جیہڑی ویلے سر فائدہ دیوے۔ تاں جو اوہدے توں سُنن والیاں اُتّے فضل ہوئے۔

اِفسِیوں 4:4

اِکّو ای بدن اے تے اِکّو ای رُوح اے۔ جیویں تُہانوں وی جیہڑے سَدّے گئے سو تُہاڈے سَدّے جان توں آس وی اِکّو ای اے۔

کُلُسِّیوں 1:24

ہُن مَیں اوہناں دُکھاں توں خُوش آں۔ جیہڑے تُہاڈے لئی سہنا آں۔ تے مسِیح دے دُکھاں دا گھاٹا اوہدے بدن یعنی کلِیسیا دی خاطر اپنے جِسم وِچ پُورا کرنا آں۔

کُلُسِّیوں 1:28

جِہدی منادی کر کے اسی ہر اِک بندے نُوں نصِیحت کرنے آں۔ تے ہر اِک نُوں پُوری دانائی نال تعلِیم دینے آں۔ تاں جو اسی ہر اِک بندے نُوں مسِیح وِچ کامِل کر کے پیش کریئے۔

کُلُسِّیوں 4:17

تے خط جیہڑا لَودِیکیہ وِچوں آوے پڑھ لوؤ۔ تے ارخِپُّس نُوں آکھنا پئی جیہڑی خِدمت تینُوں خُداوند ولّوں مِلی اے۔ اوہنوں ہوش نال سمبھالِیں۔

۱-تِیمُتِھیُس 1:12

مَیں اپنے طاقت دِین والے مسِیح یِسُوع دا ایس لئی شُکر کرنا آں۔ پئی اوس مَینُوں دیانتدار جان کے اپنی سیوا لئی مُقرّر کِیتا۔

۲-تِیمُتِھیُس 4:11

اِکّو لُوقا میرے نال اے۔ مرقس نُوں نال لے کے آجا کیوں جو خِدمت لئی اوہ میرے کمّ دا اے۔

۲-تِیمُتِھیُس 4:5

پر تُوں سارِیاں گلّاں وِچ ہُشیار رہ۔ دُکھ سہہ۔ اِنجِیل دا کمّ کر۔ اپنی خِدمت نُوں پُوریاں کر۔

عِبرانیوں 13:17

اپنے راہبراں دے آکھے لگو تے تابعیاں رہو کیوں جو اوہ تُہاڈیاں جاناں دے فائدے لئی اوہناں وانگر جاگدے رہندے نیں۔ جِنہاں نُوں حِساب دینا پَوے گا تاں جو اوہ خُوشی نال ایہہ کمّ کرن نا دُکھ نال کیوں جو ایس گلّ توں تُہانوں کُجھ فائدہ نئیں۔

عِبرانیوں 6:1

سو مسِیح دی تعلِیم دِیاں مُڈھ والِیاں گلّاں چھڈ کے تے کمال ولّ وَدِھیئے۔ تے مُردہ کمّاں توں تَوبہ کرن تے خُداوند اُتّے اِیمان لے آؤن۔