اِفسِیوں 3:7 - پنجابی نواں عہد نامہ نظرثانی شدہ چھپائی

⁷ تے خُدا دے فضل دی بخشِش نال جیہڑا قُدرت دے اثر نال میرے اُتّے ہویا مَیں ایس خُوشخبری دا نوکر بنیا۔

اِفسِیوں 3:7 ပူးပေါင်းရင်းမြစ်များ

اعمال 9:15

پر خُداوند اوہنوں آکھیا تُوں جا۔ کیوں جو اوہ غیر قوماں تے بادشاہاں تے بنی اِسرائیل دے اگّے میرا ناں پُہنچان نُوں میرا چُنیا ہویا وسیلہ اے۔

رُومِیوں 1:5

جِہدی راہِیں سانُوں فضل تے رسالت مِلی۔ تاں جو اوہدے ناں واسطے سارِیاں قوماں وِچوں لوک اِیمان دے تابعیاں ہون۔

رُومِیوں 12:3

کیوں جو اوس فضل نال جیہڑا مَینُوں بخشیا گیا اے۔ مَیں تُہاڈے وِچوں ہر اِک نُوں آکھنا آں۔ پئی جیہڑا اپنی بابت تُہانوں خیال کرنا چاہیدا اے۔ اوہدے توں وَدّھ نا کرو۔ پر سُرت نال اوسے طرح خیال کرو۔ جیویں خُدا نے ہر اِک نُوں اِیمان دا حِصّہ ونڈ دِتّا۔

رُومِیوں 15:16

پئی مَیں خُدا دی خُوشخبری دی سیوا کاہِن وانگر کر کے غیر قوماں دے لئی مسِیح یِسُوع دا سیوک ہوواں۔ تاں جو غیر قوماں دا چڑھاوا پاک رُوح توں پاک ہو کے منظُور کِیتا جاوے۔

۱-کُرِنتھِیوں 15:10

پر جو کُجھ آں خُدا دے فضل توں آں۔ تے اوہدا فضل جیہڑا میرے اُتّے ہویا بے فائدہ نا ہویا۔ سگوں مَیں اوہناں ساریاں نالوں وَدّھ محنت کِیتی۔ تے ایہہ میرے ولّوں نئیں ہوئی سگوں خُدا دے فضل توں جیہڑا میرے اُتّے سی۔

۱-کُرِنتھِیوں 3:5

اُپلّوس کِیہ شے اے؟ تے پَولُس کِیہ اے؟ سیوائے جِنہاں دی راہِیں تُساں اِیمان لیاندا۔ تے ہر اِک دا اوناں ای درجہ اے۔ جِنّاں خُداوند دِتّا اے

۲-کُرِنتھِیوں 3:6

جِس سانُوں نَوِیں عہد دے خادم ہون جوگیاں وی کِیتا۔ لفظاں دے خادم نئیں سگوں رُوح دے کیوں جو لفظ مار سُٹّدے نیں پر رُوح جوالدی اے۔

۲-کُرِنتھِیوں 4:1

سو جد ساڈے اُتّے اجیہا رَحم ہویا پئی سانُوں ایہہ خِدمت مِلی۔ تاں اسی ہِمّت نئیں ہار دے۔

گلتِیوں 2:8

(کیوں جو جِس سُنتِیاں دی رسالت لئی پطرس وِچ اثر کِیتا اوسے ای غیر قوماں لئی میرے وِچ اثر کِیتا۔)

اِفسِیوں 1:19

تے ساڈے اِیمان لیاؤن والیاں واسطے اوہدی قُدرت کیڈی وڈّی اے اوہدی اوس وڈّی قُوّت دے اثر دے سببّوں۔

اِفسِیوں 3:2

شاید تُساں خُدا دے فضل دا ناں سُنیا ہوئے گا۔ جیہڑا تُہاڈے لئی مَینُوں مِلیا۔

اِفسِیوں 3:20

ہُن جیہڑا اِنج قُدرت والا اے۔ پئی اوس قُدرت دے سببّوں جیہڑی ساڈے وِچ اثر کر دی اے۔ ساڈی درخواست تے خیال توں بُہت وَدّھ کر سکدا اے۔

اِفسِیوں 3:8

میرے اُتّے جیہڑا ساریاں پاک لوکاں وِچ حِقیر توں حِقیر ساں ایہہ فضل ہویا۔ پئی مَیں غیر قوماں نُوں مسِیح دی بے انت دَولت دی خُوشخبری دیاں۔

اِفسِیوں 4:16

جِہدے توں سارا تَن اِک اِک جوڑ دی مدد نال جوڑیا تے گنڈھیا جاندا اے تے اِک اِک انگ دے ولّ کمّ کرن نال مُحبّت وِچ اپنے آپ نُوں اُسارن لئی تَن دا وادھا ہوندا اے۔

کُلُسِّیوں 1:29

تے ایسے لئی مَیں اوہدی اوس قُوّت دے سببّوں دِل توڑ کے محنت کرنا آں۔ جیہڑی میرے وِچ زور نال اثر کر دی اے۔

۱-تھِسّلُنِیکوں 2:13

ایس لئی اسی وی ہر ویلے خُدا دا شُکر کرنے آں پئی جدوں تُساں خُدا دے سنیہے دا کلام ساڈی راہِیں سُنیاں تدوں تُساں اوہنوں بندیاں دا کلام سمجھ کے نئیں پر (جو اوہ سَچ مُچ ہے وی۔) خُدا دا کلام جان کے قبول کِیتا تے اوہ تُہاڈے اِیمان لیاؤن والیاں وِچ کمّ وی پیا کر دا اے۔

عِبرانیوں 13:21

تُہانوں ساریاں نیک کمّاں وِچ پُوریاں کرے تاں جو اوہدی مرضی پُوری کرو۔ تاں جو کُجھ اوہنوں پسند آؤندا اے۔ یِسُوع مسِیح دی راہِیں ساڈے سبھناں وِچ پَیدا کرے۔ جِہدی وڈیائی سدا تِیکر ہوئے۔ آمِین۔