اِفسِیوں 3:2 - پنجابی نواں عہد نامہ نظرثانی شدہ چھپائی

² شاید تُساں خُدا دے فضل دا ناں سُنیا ہوئے گا۔ جیہڑا تُہاڈے لئی مَینُوں مِلیا۔

اِفسِیوں 3:2 ပူးပေါင်းရင်းမြစ်များ

اعمال 13:2

جد ایہہ خُداوند دی سیوا پئے کر دے سن۔ تے روزے رکھدے سن تَد پاک رُوح آکھیا میرے لئی برنباس تے ساؤُل نُوں وکھرا کرو اوس کمّ واسطے جِہدے لئی مَیں اوہناں نُوں سدّیا اے۔

اعمال 13:46

تَد پَولُس تے برنباس دلیر ہو کے بول اُٹھے۔ ضرُور چاہیدا سی پئی خُدا دا کلام پہلے تُہانوں سُنایا جاندا۔ پر جدوں تُسی اوہنوں رَدّ کر دے ہو۔ تے اپنے آپ نُوں سدا دی زِندگی دے لائق نئیں سمجھدے ہو تے ویکھو اسی غیر قوماں ولّ جانے آں۔

اعمال 22:21

تَد اوس مَینُوں آکھیا۔ ٹُرپَو۔ کیوں جو مَیں تینُوں دُراڈے سارے غیر قوماں ولّ گھلاں گا۔

اعمال 9:15

پر خُداوند اوہنوں آکھیا تُوں جا۔ کیوں جو اوہ غیر قوماں تے بادشاہاں تے بنی اِسرائیل دے اگّے میرا ناں پُہنچان نُوں میرا چُنیا ہویا وسیلہ اے۔

رُومِیوں 1:5

جِہدی راہِیں سانُوں فضل تے رسالت مِلی۔ تاں جو اوہدے ناں واسطے سارِیاں قوماں وِچوں لوک اِیمان دے تابعیاں ہون۔

رُومِیوں 11:13

پر مَیں تُساں غیر قوماں نال گلّ کرنا آں۔ سو جِس حال وِچ مَیں غیر قوماں دا رسُول آں مَیں اپنی خِدمت نُوں وڈیاناں آں۔

رُومِیوں 12:3

کیوں جو اوس فضل نال جیہڑا مَینُوں بخشیا گیا اے۔ مَیں تُہاڈے وِچوں ہر اِک نُوں آکھنا آں۔ پئی جیہڑا اپنی بابت تُہانوں خیال کرنا چاہیدا اے۔ اوہدے توں وَدّھ نا کرو۔ پر سُرت نال اوسے طرح خیال کرو۔ جیویں خُدا نے ہر اِک نُوں اِیمان دا حِصّہ ونڈ دِتّا۔

۱-کُرِنتھِیوں 4:1

بندہ سانُوں اجیہا جانے پئی اسی مسِیح دے سیوائے تے خُدا دے بھیتاں دے مُختِیار آں۔

گلتِیوں 1:13

ایس لئی پئی یہُودی طریقے وِچ جیہڑا میرا حال سی۔ تُساں سُن ای لیا اے۔ مَیں خُدا دی کلِیسیا نُوں حدّوں وَدّھ کے ستاؤندا تے برباد کر دا ساں۔

اِفسِیوں 1:10

تاں جو زمانیاں دے پُورا ہون دا اِنج بندوبست ہوئے۔ پئی مسِیح وِچ سارِیاں شیواں اکٹّھیاں ہو جان۔ بھانویں اسمان دِیاں ہون بھانویں زمین دِیاں۔

اِفسِیوں 3:7

تے خُدا دے فضل دی بخشِش نال جیہڑا قُدرت دے اثر نال میرے اُتّے ہویا مَیں ایس خُوشخبری دا نوکر بنیا۔

اِفسِیوں 3:8

میرے اُتّے جیہڑا ساریاں پاک لوکاں وِچ حِقیر توں حِقیر ساں ایہہ فضل ہویا۔ پئی مَیں غیر قوماں نُوں مسِیح دی بے انت دَولت دی خُوشخبری دیاں۔

اِفسِیوں 3:9

تے ساریاں نُوں اِک گلّ دس دیاں۔ پئی جیہڑا بھیت مُڈھوں سارِیاں شیواں دے پَیدا کرن والے خُدا وِچ چُھپیا رہیا۔ اوہدا کِیہ بندوبست اے۔

اِفسِیوں 4:21

سگوں تُساں اوس سچیائی دے سببّوں جیہڑی یِسُوع وِچ اے اوسے دی سُنی تے اوسے دی ایہہ تعلِیم سِکھی۔

اِفسِیوں 4:7

تے ساڈے وِچوں ہر اِک اُتّے مسِیح دی بخشِش دے اندازے دے سببّوں فضل ہویا اے۔

کُلُسِّیوں 1:4

کیوں جو اساں سُنیا اے۔ پئی تُساں مسِیح یِسُوع اُتّے اِیمان لیاندا اے۔ تے سارے پاک لوکاں نال پیار کر دے ہو۔

کُلُسِّیوں 1:6

جیہڑا تُہاڈے کول اَپڑیا اے۔ تے سارے جہان وِچ پَھلدا اے۔ تے وَدھدا جاندا اے۔ تُہاڈے وِچ وی جد توں تُساں خُدا دے فضل نُوں سُنیا تے اوہنوں سَچ کر کے جانیا اے۔ اینج ای کر دا اے۔

۱-تِیمُتِھیُس 1:11

ایہہ مُبارک خُدا دے جلال دی اوس خُوشخبری دے سببّوں اے۔ جیہڑی میرے سپُرد ہوئی اے۔

۱-تِیمُتِھیُس 1:4

تے اوہناں کہانِیاں تے بے انت شجریاں دا خیال نا کرن۔ جیہڑے جھگڑے دا سبّب ہوندے نیں۔ تے اوس خُدائی۔ بندوبست دے سببّوں نئیں جیہڑا اِیمان اُتّے بنیا ہویا اے۔ اوسے طرح مَیں ہُن وی کرنا آں۔

۱-تِیمُتِھیُس 2:7

مَیں سَچ آکھناں آں تے جُھوٹھ نئیں آکھدا۔ پئی مَیں ایسے مطلب نال منادی کرن والا تے رسُول تے غیر قوماں نُوں اِیمان تے سچیائی دِیاں گلّاں سکھان والا لگّا آں۔

۲-تِیمُتِھیُس 1:11

جِہدے لئی مَیں مَنّاد تے رسُول تے اُستاد بنیا آں۔