اِفسِیوں 3:13 - پنجابی نواں عہد نامہ نظرثانی شدہ چھپائی

¹³ سو مَیں درخواست کرنا آں پئی تُسی میرِیاں اوہناں تنگِیاں دے سببّوں جیہڑیاں تُہاڈی خاطر سہنا آں ہِمّت نا ہارو۔ اوہ تُہاڈا ٹھاٹھ نیں۔

اِفسِیوں 3:13 ပူးပေါင်းရင်းမြစ်များ

اعمال 14:22

تے شاگِرداں دے دِلاں نُوں تگڑیاں کر دے سن تے نصِیحت دیندے سن۔ پئی اِیمان اُتّے قیم رہو۔ تے آکھیا پئی ایہہ ضرُور اے۔ پئی بُہت مُصِیبتاں سہہ کے اسی خُدا دی بادشاہی وِچ داخل ہو جائیے۔

۲-کُرِنتھِیوں 1:6

جے ساڈے اُتّے مُصِیبت آؤندی اے تے تُہاڈی تسلّی تے نجات لئی۔ تے جے سانُوں تسلّی مِلدی اے۔ تے تُہاڈی تسلّی دے لئی جِہدے اثر نال تُسی صبر کر کے اوہناں دُکھاں نُوں سہہ لَیندے ہو۔ جیہڑے اسی وی سہنے آں۔

۲-کُرِنتھِیوں 4:1

سو جد ساڈے اُتّے اجیہا رَحم ہویا پئی سانُوں ایہہ خِدمت مِلی۔ تاں اسی ہِمّت نئیں ہار دے۔

گلتِیوں 6:9

نیک کمّ کرن وِچ ہِمّت نئیں ہارنی چاہیدی۔ کیوں جو جے اسی نا گھابرِئیے تے ٹھیک ویلے سِر وَڈّھاں گے۔

اِفسِیوں 3:1

ایسے واسطے مَیں پَولُس جیہڑا تُساں غیر قوم والیاں دی خاطر مسِیح یِسُوع دا قیدی آں۔

فِلِپّیوں 2:18

تُسی وی ایسے طرح خُوش ہوؤ۔ تے میرے نال خُوشی کرو۔

کُلُسِّیوں 1:24

ہُن مَیں اوہناں دُکھاں توں خُوش آں۔ جیہڑے تُہاڈے لئی سہنا آں۔ تے مسِیح دے دُکھاں دا گھاٹا اوہدے بدن یعنی کلِیسیا دی خاطر اپنے جِسم وِچ پُورا کرنا آں۔

۲-تھِسّلُنِیکوں 3:13

تے تُسی بھراؤ! نیک کمّ کرن وِچ تھک نا جاؤ۔