اِفسِیوں 3:1 - پنجابی نواں عہد نامہ نظرثانی شدہ چھپائی

¹ ایسے واسطے مَیں پَولُس جیہڑا تُساں غیر قوم والیاں دی خاطر مسِیح یِسُوع دا قیدی آں۔

اِفسِیوں 3:1 ပူးပေါင်းရင်းမြစ်များ

لُوقا 21:12

پر ایہناں سارِیاں گلّاں توں پہلاں لوک تُہاڈے اُتّے میرے ناں دی خاطر ہتّھ پان گے۔ تے تُہانوں دُکھ دین گے۔ تے عبادت خانیاں دی عدالت دے حوالے کرن گے تے قید کرن گے تے بادشاہاں تے حاکماں کول دھرُون گے۔

اعمال 21:33

تَد سردار نیڑے آیا۔ تے اوہنوں پھڑ کے حُکم دِتّا پئی دو سنگلاں نال بَنّھ لین تے پُچھیا۔ پئی ایہہ کون اے۔ تے ایس کِیتا کِیہ اے؟

اعمال 23:18

سو اوہ اوہنوں نال لے کے سردار کول ٹُر گیا۔ تے آکھیا پئی پَولُس قیدی مَینُوں سَدّ کے مِنّت کِیتی پئی ایس جوان نُوں تیرے کول لیاواں کیوں جو ایس تیرے نال کوئی گلّ کرنی اے۔

اعمال 26:29

پَولُس آکھیا مَیں تے خُدا توں چاہناں آں پئی بھانویں تھوڑی نصِیحت نال بھانویں بُہتی نصِیحت نال نا نِرا تُوں سگوں جِنّے اَج میری پئے سُندے نیں ایہناں بیڑیاں نُوں چھڈ کے میرے جیہے ہو جان۔

اعمال 9:15

پر خُداوند اوہنوں آکھیا تُوں جا۔ کیوں جو اوہ غیر قوماں تے بادشاہاں تے بنی اِسرائیل دے اگّے میرا ناں پُہنچان نُوں میرا چُنیا ہویا وسیلہ اے۔

۲-کُرِنتھِیوں 1:6

جے ساڈے اُتّے مُصِیبت آؤندی اے تے تُہاڈی تسلّی تے نجات لئی۔ تے جے سانُوں تسلّی مِلدی اے۔ تے تُہاڈی تسلّی دے لئی جِہدے اثر نال تُسی صبر کر کے اوہناں دُکھاں نُوں سہہ لَیندے ہو۔ جیہڑے اسی وی سہنے آں۔

۲-کُرِنتھِیوں 10:1

مَیں پَولُس جیہڑا تُہاڈے سامھنے عاجز تے پِٹھ پِچّھے تُہاڈے اُتّے دلیر آں۔ مسِیح دی حلِیمی تے نرمی یاد دوا کے آپ تُہاڈے اگّے عرض کرنا آں۔

۲-کُرِنتھِیوں 11:23

اوہ مسِیح دے خادم نیں؟ (میرا ایہہ آکھنا نادانی اے) مَیں وَدّھ آں۔ محِنتاں وِچ وَدّھ کے۔ قید وِچ وَدّھ کے کولڑے کھان وِچ حدّوں وَدّھ۔ کئی واری مَوت دے خطریاں وِچ رہیا آں۔

گلتِیوں 5:11

تے بھراؤ مَیں جے اجے تِیکر سُنتی بہن دی منادی کرنا آں تے ہُن تِیکر ستایا کیوں جانا آں؟ تے صلِیب دی ٹھوکر تے جاندی رہی۔

گلتِیوں 5:2

ویکھو مَیں پَولُس تُہانوں آکھنا آں پئی جے تُسی سُنتی بَہو گے۔ تے مسِیح توں تُہانوں کُجھ فائدہ نا ہوئے گا۔

گلتِیوں 5:24

تے جیہڑے مسِیح یِسُوع دے نیں۔ اوہناں جِسم نُوں اوہدیاں چاہواں تے خواہشاں سَنے سُولی چاڑھ دِتّا اے۔

اِفسِیوں 3:11

اوس ازلی اِرادے دے سببّوں جیہڑا اوس ساڈے خُداوند مسِیح یِسُوع وِچ کِیتا سی۔

اِفسِیوں 3:13

سو مَیں درخواست کرنا آں پئی تُسی میرِیاں اوہناں تنگِیاں دے سببّوں جیہڑیاں تُہاڈی خاطر سہنا آں ہِمّت نا ہارو۔ اوہ تُہاڈا ٹھاٹھ نیں۔

اِفسِیوں 3:8

میرے اُتّے جیہڑا ساریاں پاک لوکاں وِچ حِقیر توں حِقیر ساں ایہہ فضل ہویا۔ پئی مَیں غیر قوماں نُوں مسِیح دی بے انت دَولت دی خُوشخبری دیاں۔

اِفسِیوں 4:1

سو مَیں جیہڑا خُداوند دے سببّوں قیدی آں تُہاڈے اگّے عرض کرنا آں پئی جیویں سَدّے گئے سو۔ اوسے طرح چلّو۔

اِفسِیوں 6:20

جِہدے واسطے سنگلی نال بَدّھا ہویا ایلچی آں۔ تے اوہنوں دلیری نال بیان کراں جیویں چاہیدا اے۔

فِلِپّیوں 1:7

تے چاہیدا وی اے پئی مَیں تُہاڈے سبھناں دی بابت اجیہا ای خیال کراں کیوں جو تُسی میرے دِل وِچ وَسدے اوہ۔ ایس لئی میری قید تے خُوشخبری دے جواب دین تے ثابت کرن وِچ تُسی سارے میرے نال فضل وِچ سنگی ہو۔

کُلُسِّیوں 1:24

ہُن مَیں اوہناں دُکھاں توں خُوش آں۔ جیہڑے تُہاڈے لئی سہنا آں۔ تے مسِیح دے دُکھاں دا گھاٹا اوہدے بدن یعنی کلِیسیا دی خاطر اپنے جِسم وِچ پُورا کرنا آں۔

کُلُسِّیوں 4:18

میرا پَولُس دا اپنی ہتّھِیں سلام۔ میرِیاں بیڑیاں نُوں چیتے رکھو۔ تُہاڈے اُتّے فضل ہوندا رہے۔

کُلُسِّیوں 4:3

تے نال نال ساڈے لئی وی دُعا منگیا کرو پئی خُدا ساڈے اُتّے کلام دا بُوہا کھولے۔ تاں جو مَیں مسِیح دا اوہ بھیت بیان کراں جِہدے سببّوں بَدّھا ہویا آں۔

۲-تِیمُتِھیُس 1:16

خُداوند اُنیسِفرُس دے ٹبّر اُتّے رَحم کرے۔ کیوں جو اوس بُہتی واری مَینُوں تازیاں کِیتا تے میری قید تُوں شرمندہ نا ہویا۔

۲-تِیمُتِھیُس 1:8

سو ساڈے خُداوند دی گواہی توں تے میرے کولوں جیہڑا اوہدا قیدی آں شرم نا کر۔ سگوں اوس خُدا دی قُدرت نال خُوشخبری دی خاطر میرے نال دُکھ سہہ۔

فلِیمون 1:1

پَولُس ولّوں جیہڑا مسِیح یِسُوع دا قیدی اے۔ تے بھرا تِیمُتِھیُس ولّوں ساڈے پیارے تے جوٹی دار فلِیمون۔

فلِیمون 1:23

اِپَفراس جیہڑا مسِیح یِسُوع وِچ میرے نال قید اے۔

فلِیمون 1:9

تے وی مَینُوں ایہہ بُہتا چَنگا لگدا اے۔ پئی مَیں بُڈّھا پَولُس سگوں ایس ویلے مسِیح یِسُوع دا قیدی ہو کے پیار نال مِنّتاں کراں۔

مُکاشفہ 2:10

جیہڑے دُکھ تینُوں جَھلّنے پَین گے۔ اوہناں توں نا ڈر۔ ویکھو ابلیس تُہاڈے وِچوں کُجھ نُوں قید وِچ پان نُوں تیار اے۔ پئی تُسی ازمائے جاؤ تے دَس دِناں تِیکر مُصِیبت پاؤ گے۔ جان دین تِیکر وی وفادار رہو تے مَیں تینُوں زِندگی دا تاج دیاں گا۔