اِفسِیوں 2:8 - پنجابی نواں عہد نامہ نظرثانی شدہ چھپائی

⁸ کیوں جو تُہانوں اِیمان دی راہِیں فضل نال ای نجات مِلی اے۔ تے ایہہ ساڈے ولّوں نئیں پر خُدا دی بخشِش اے۔

اِفسِیوں 2:8 ပူးပေါင်းရင်းမြစ်များ

متّی 16:17

یِسُوع اوہنوں جواب دے کے آکھیا دھنّ ایں تُوں شمعُون یُوناہ دے پُتر کیوں جو جِسم تے لہو ایہہ گلّ تینُوں نئیں دسی پر میرے باپ جیہٹرا اسماناں وِچ اے۔

متّی 20:9

تے جد اوہ آئے جیہڑے گھنیٹا دِن رہندیاں کمّ لگّے سن۔ اوہناں نُوں اِک اِک دینار مِلیا۔

مرقس 16:16

جیہڑا اِیمان لیاؤندا تے بپتِسمہ پاندا اے۔ سو ای نجات پاوے گا۔ تے جیہڑا اِیمان نئیں لیاؤندا۔ اوہ مُجرم کِیتا جاوے گا۔

لُوقا 7:50

پر اوہنے زنانی نُوں آکھیا تیرے اِیمان تینُوں بچایا اے۔ سلامتی نال ٹُر جا۔

یُوحنّا 3:36

جیہڑا پُتر اُتّے اِیمان لیاؤندا اے سدا دی زِندگی اوہدی اے۔ پر جیہڑا پُتر نُوں نئیں مَندا اوہ تے زِندگی نئیں ویکھے گا سگوں خُدا دا قَہر اوہدے اُتّے رہندا اے۔

یُوحنّا 4:10

یِسُوع اوہنوں آکھیا جے تُوں خُدا دی بخشِش نُوں جان دِیوں تے ایہہ وی جان دِیوں پئی اوہ کون اے جیہڑا تینُوں آکھدا اے پئی مَینُوں پانی پیا تاں تُوں اوہدے کولوں مَنگدِیوں تے اوہ تینُوں جیون دا پانی دیندا۔

یُوحنّا 5:24

مَیں تُہانوں سَچ سَچ آکھنا آں پئی اوہ جیہڑا میرا کلام سُندا اے تے اوہدے اُتّے جِس مَینُوں گھلّیا اے اِیمان لیاؤندا اے سدا دی زِندگی اوہدی اے۔ تے اوہ عدالت وِچ نئیں آؤندا سگوں مَوت توں لنگھ کے اوہ زِندگی وِچ جا اَپڑیا اے۔

یُوحنّا 6:35

یِسُوع اوہناں نُوں آکھیا زِندگی دی روٹی مَیں آں جیہڑا میرے کول آؤندا اے بُھکھا نا ہوئے گا۔ تے جیہڑا میرے اُتّے اِیمان لیاؤندا اے کدی وی تریہایا نا ہوئے گا۔

یُوحنّا 6:37

سبھ کُجھ جو باپ مَینُوں دیندا اے میرے ولّ آوے گا تے جیہڑا میرے کول آؤندا اے اوہنوں مَیں کَدے وی باہر نا کڈھاں گا۔

یُوحنّا 6:40

کیوں جو میرے باپ دی ایہہ مرضی اے پئی جیہڑا پُتر نُوں ویکھدا اے تے اوہدے اُتّے اِیمان لیاؤندا اے سدا دی زِندگی اوہنوں مِلے۔ تے اخِیری دِن مَیں اوہنوں فیر زِندہ کراں گا۔

یُوحنّا 6:44

میرے کول کوئی نئیں آسکدا جے باپ جِس مَینُوں گھلّیا اے اوہنوں نا کھِچّے۔ تے اخِیری دِن مَیں اوہنوں فیر زِندہ کراں گا۔

یُوحنّا 6:65

تے اوس آکھیا مَیں ایس ای واسطے تُہانوں ایہہ گلّ آکھی اے پئی کوئی میرے کول نئیں آسکدا۔ جے باپ توں اوہنوں بخشیا نا گیا ہوئے۔

اعمال 13:39

تے اوسے دی راہِیں ہر اِک اِیماندار سارِیاں گلّاں توں بَری ہوندا اے۔ جِنہاں گلّاں توں مُوسیٰ دی شریعت نال تُسی بَری نئیں ہو سکدے سو۔

اعمال 14:27

تے اوتھے اَپڑ کے کلِیسیا نُوں اکٹّھا کِیتا۔ تے اوہناں نُوں خبر دِتّی۔ پئی خُدا نے ساڈی راہِیں کِیہ کِیہ کمّ کِیتے۔ تے غیر قوماں دے اگّے اِیمان دا بُوہا کھول دِتّا۔

اعمال 15:11

سگوں سانُوں یقِین اے۔ پئی جیویں اوہناں نُوں اوسے طرح سانُوں وی خُداوند یِسُوع دے فضل نال نجات مِلے گی۔

اعمال 16:14

تے تھواتِیرہ شہر دی اِک زنانی۔ خُدا دی عبادت کرن والی لُدِیہ کر کے جامنو رنگ ویچن والی وی سُندی سی۔ اوہدا دِل خُداوند کھو لیا پئی پَولُس دِیاں گلّاں اُتّے دِل لاوے۔

اعمال 16:31

اوہناں آکھیا۔ خُداوند یِسُوع اُتّے اِیمان لیا۔ تاں تُوں تے تیرا ٹبّر بچ جائے گا۔

رُومِیوں 10:14

فیر جِہدے اُتّے اِیمان نئیں لیائے۔ اوہ اوہدا ناں کِیویں لین گے؟ تے جِہدی بابت اوہناں سُنیا ای نئیں۔ اوہدے اُتّے کِیویں اِیمان لیاؤن؟ تے منادی کرن والے باہجوں کِیویں سُنن۔

رُومِیوں 10:17

سو اِیمان سُنن توں۔ تے سُننا مسِیح دے کلام دی راہِیں آؤندا اے۔

رُومِیوں 4:16

ایس کر کے اوہ وِرثہ اِیمان توں اے۔ تاں جو فضل وانگُوں ہوئے تے ایہہ وعدہ کُل نسل لئی قیم رہے نا نِرا اوس نسل لئی جیہڑی شریعت والی اے۔ سگوں اوس لئی وی جیہڑی ابرہام وانگر اِیمان والی اے۔ جیہڑا ساڈے سبھناں دا پئیو اے۔

رُومِیوں 4:5

پر جیہڑا کمّ نئیں کر دا سگوں گُنہگار نُوں راستباز ٹھہران والے اُتّے اِیمان لیاؤندا اے۔ اوہدے لئی اوہدا اِیمان راستبازی گِنیا جاندا اے۔

رُومِیوں 9:16

سو ایہہ تے نا چاہن والے توں تے نا دَوڑ بھج کرن والے توں پر خُدا توں حُکم اے جیہڑا رَحم کر دا اے۔

گلتِیوں 3:14

ایس کر کے پئی مسِیح یِسُوع وِچ ابرہام دی برکت غیر قوماں تِیکر وی اَپڑے۔ تے اسی اِیمان دی راہِیں اوس رُوح نُوں حاصِل کریئے جِہدا وعدہ ہویا اے۔

گلتِیوں 3:22

پر پاک کتاب ساریاں نُوں گُناہ دے ہیٹھ کر دِتّا۔ ایس کر کے پئی اوہ وعدہ جیہڑا یِسُوع مسِیح نُوں مَنّن دے سببّوں اے اِیمانداراں دے حق وِچ پُورا کِیتا جاوے۔

اِفسِیوں 1:19

تے ساڈے اِیمان لیاؤن والیاں واسطے اوہدی قُدرت کیڈی وڈّی اے اوہدی اوس وڈّی قُوّت دے اثر دے سببّوں۔

اِفسِیوں 2:10

کیوں جو اسی اوسے دی کاریگری آں تے مسِیح یِسُوع وِچ اوہناں نیک کمّاں دے واسطے پَیدا کِیتے گئے ساں جیہڑے خُدا مُڈھوں ای ساڈے کرن لئی تیار کِیتے سن۔

اِفسِیوں 2:5

جدوں قصوراں دے سببّوں موئے ہوئے ساں تدوں سانُوں مسِیح دے نال زِندہ کِیتا (تُہانوں فضل نال ای نجات مِلی اے۔)

فِلِپّیوں 1:29

کیوں جو مسِیح دی خاطر تُہاڈے اُتّے ایہہ فضل ہویا۔ پئی نا نِرے اوہدے اُتّے اِیمان لیاؤ سگوں اوہدی خاطر دُکھ وی سَہندے رہو۔

کُلُسِّیوں 2:12

تے اوہدے ای نال بپتِسمے وِچ دبّے گئے تے اوسے وِچ خُدا دی قُوّت اُتّے اِیمان لیا کے اوہدے نال جی وی اُٹھے۔ جِس اوہنوں مُردیاں وِچوں جوالیا۔

۲-تھِسّلُنِیکوں 1:9

اوہ خُداوند دے چِہرے تے اوہدی قُدرت دے جلال کولوں دُراڈے ہو کے سدا دی ہلاکت دی سزا پان گے۔

عِبرانیوں 6:4

ایس لئی پئی جِنہاں نُوں اِک واری لو لگ گئی تے اوہناں اسمانی بخشِش دا سواد لے لیا۔ تے پاک رُوح دے سنگی ہوئے۔

۱-پطرس 1:5

سگوں اسمان اُتّے تُہاڈے لئی رکھی ہوئی اے۔ تُہانوں مِل جائے۔ (جِنہاں دی راکھی خُدا دی قُدرت نال اِیمان دی راہِیں اوس نجات واسطے ہوندی اے جیہڑی چھیکڑلے ویلے ظاہر ہون والی اے۔)