اِفسِیوں 2:14 - پنجابی نواں عہد نامہ نظرثانی شدہ چھپائی

¹⁴ کیوں جو اوہ ای ساڈی صُلح اے۔ جِس دوہاں نُوں اِک کر لیا۔ تے جُدائی دی کندھ نُوں جیہڑی وِچکار سی ڈھا دِتّا۔

اِفسِیوں 2:14 ပူးပေါင်းရင်းမြစ်များ

لُوقا 1:79

تاں جو اوہناں نُوں چانن دیوے جیہڑے ہنیرے تے مَوت دے پر چھاویں وِچ بَیٹھے ہوئے نیں۔ تے ساڈے قدماں نُوں سلامتی دی راہ پائے۔

لُوقا 2:14

پئی اسماناں اُتّے خُدا دی وڈیائی تے زمین اُتّے اوہناں لوکاں وِچ صُلح جِنہاں نال اوہ راضی اے۔

یُوحنّا 10:16

میرِیاں ہور وی بھیڈاں نیں جیہڑیاں ایس واڑے دِیاں نئیں۔ اوہناں نُوں وی مَیں لیاؤنا اے تے اوہ میری اواز سُنن گِیاں تے اوہ اِک اِجّڑ تے اِک ایّالی ہو جان گِیاں۔

یُوحنّا 11:52

تے صرف اوس قوم دے بدلے نئیں۔ پر ایس گلّے وی پئی خُدا دے پُتراں نُوں جیہڑے کھِلّرے پُلّرے نیں اکٹّھیاں کر کے اِک بنا دے۔

یُوحنّا 16:33

ایہہ گلّاں مَیں تُہانوں آکھیاں نیں تاں جو تُہانوں میرے وِچ سُکھ مِلے۔ دُنیا وِچ تُہانوں دُکھ اے پر تگڑے رہو کیوں جو مَیں دُنیا نُوں جِت لیا اے۔

اعمال 10:28

تے اوہناں نُوں آکھیا تُسی آپ جان دے اوہ پئی دُوجی قوم والے نال سنگت کرنی یا اوہدے گھر وِچ جانا۔ یہُودی نُوں روا نئیں۔ پر خُدا مَینُوں وکھا لیا اے۔ پئی مَیں کِسے نُوں ناپاک یا پلِیت نا آکھاں۔

اعمال 10:36

اوہ کلام جیہڑا اوس یِسُوع مسِیح دی راہِیں (جیہڑا سبھناں دا خُداوند اے۔) بنی اِسرائیل دے کول صُلح دی خُوشخبری سُنا کے گھلّیا۔

رُومِیوں 5:1

سو جد اسی اِیمان توں راستباز ٹھہرائے گئے تے اسی اپنے خُداوند یِسُوع مسِیح دی راہِیں خُدا نال صُلح رکھیے۔

گلتِیوں 3:28

نا کوئی یہُودی رہیا نا یُونانی۔ نا کوئی غلام نا اَزاد نا کوئی جَنا نا زنانی۔ کیوں جو تُسی سارے مسِیح یِسُوع وِچ اِک ہو۔

اِفسِیوں 2:15

تے اوس اپنے جِسم دی راہِیں وَیر نُوں یعنی اوس شریعت نُوں جِہدے حُکم ضابطے نال سن۔ مَوقُوف کر دِتّا۔ تاں جو اپنے وِچ دوہاں توں اِک نواں اِنسان پَیدا کر کے صُلح کرا وے۔

اِفسِیوں 2:17

تے اوس آ کے خُوشخبری دِتّی۔ تُہاڈے لئی جیہڑے دُراڈے سو صُلح تے اوہناں لئی وی جیہڑے نیڑے سن صُلح دی خُوشخبری دِتّی۔

اِفسِیوں 3:15

جِہدے ناں اُتّے زمین تے اسمان دِیاں سارِیاں ٹابریاں اکھواؤندیاں نیں۔

اِفسِیوں 4:16

جِہدے توں سارا تَن اِک اِک جوڑ دی مدد نال جوڑیا تے گنڈھیا جاندا اے تے اِک اِک انگ دے ولّ کمّ کرن نال مُحبّت وِچ اپنے آپ نُوں اُسارن لئی تَن دا وادھا ہوندا اے۔

کُلُسِّیوں 1:20

تے اوہدے لہو دے سببّوں جیہڑا صلِیب اُتّے وَگیا۔ صُلح کر کے سارِیاں شیواں دا اوہدی راہِیں اپنے نال میل کرائے بھانویں اوہ زمین دِیاں ہون بھانویں اسمان دِیاں۔

کُلُسِّیوں 2:20

جد تُسی مسِیح نال دُنیا دِیاں مُڈھ والِیاں گلّاں ولّوں مر گئے۔ تے فیر اوہناں وانگر جیہڑے دُنیا وِچ جِیوندے نیں بندیاں دے حُکماں تے تعلِیماں وِچوں اجیہاں رسماں نُوں کیوں مَن دے ہو۔

کُلُسِّیوں 3:11

اوتھے نا یُونانی رہیا نا یہُودی نا سُنتی بَیٹھے ہوئے نا بَیٹھے ہوئے نا وحشی نا سکُوتی نا غلام نا اَزاد نِرا مسِیح سبھ کُجھ تے ساریاں وِچ اے۔

کُلُسِّیوں 3:15

تے مسِیح دی تسلّی جِہدے لئی تُسی اِک تَن ہو کے سَدّے گئے سو۔ تُہاڈے دِلاں وِچ حکُومت کرے تے نالے تُسی شُکر کرو۔

عِبرانیوں 13:20

ہُن تسلّی دا خُدا جِس بھیڈاں دے وڈّے ایّالی یعنی ساڈے خُداوند یِسُوع نُوں ہمیشہ دے عہد دے لہو دے سبّب مُردیاں وِچوں جوال کے آندا۔

عِبرانیوں 7:2

اوہنوں ای ابرہام سارِیاں شیواں دا دسوواں حِصّہ دِتّا۔ تے ایہہ پہلاں تے اپنے ناں دے معنے دے سببّوں نیکی دا بادشاہ اے تے فیر سالِم پئی صُلح دا بادشاہ۔