اِفسِیوں 2:10 - پنجابی نواں عہد نامہ نظرثانی شدہ چھپائی

¹⁰ کیوں جو اسی اوسے دی کاریگری آں تے مسِیح یِسُوع وِچ اوہناں نیک کمّاں دے واسطے پَیدا کِیتے گئے ساں جیہڑے خُدا مُڈھوں ای ساڈے کرن لئی تیار کِیتے سن۔

اِفسِیوں 2:10 ပူးပေါင်းရင်းမြစ်များ

متّی 5:16

ایسے طرح تُہاڈا چانن بندیاں دے سامھنے چمکے۔ تاں جو اوہ تُہاڈے بھلے کمّاں نُوں ویکھن تے تُہاڈے باپ دی جیہڑا اسمان وِچ اے وڈیائی کرن۔

یُوحنّا 3:21

پر اوہ جیہڑا حق کر دا اے چانن دے کول ایس لئی آؤندا اے پئی اوہدے کمّ ظاہر ہون پئی خُدا وِچ کِیتے گئے نیں۔

اعمال 9:31

تَد سارے یہُودیہ تے گلِیل تے سامریہ وِچ کلِیسیا سُکھ پایا۔ تے ترقی کر دی جاندی سی۔ تے خُداوند دے خَوف تے پاک رُوح دی تسلّی اُتّے چَلدی تے وَدّھدِی جاندی سی۔

اعمال 9:36

تے یافا وِچ اِک شاگِردنی سی جِہدا ناں تبِیتا سی جِہدا مطلب ہرنی اے۔ اوہ نیک کمّاں تے خَیرات کرن وِچ رُدھی رہندی سی۔

رُومِیوں 8:1

سو ہُن اوہناں اُتّے کُجھ وی سزا دا حُکم نئیں۔ جیہڑے مسِیح یِسُوع وِچ نیں۔

رُومِیوں 8:29

کیوں جو جِنہاں نُوں اوس پہلے توں جانیا۔ اوہناں نُوں اگّے توں مُقرّر وی کِیتا پئی اوہدے پُتر دی شکل بنن۔ تاں جو اوہ بتھیرے بھراواں وِچ پلیٹھا ہوئے۔

۱-کُرِنتھِیوں 3:9

کیوں جو اسی خُدا دے نال کمّ کرن والے آں۔ تے تُسی خُدا دی پَیلی اوہ۔ تے خُدا دی عمارت۔

۲-کُرِنتھِیوں 5:17

ایس لئی جے کوئی مسِیح وِچ اے۔ تے اوہ نواں مخلُوق اے پرانیاں شیواں جاندِیاں رہیاں۔ ویکھو اوہ نَوِیاں ہوگِئیاں۔

۲-کُرِنتھِیوں 5:5

تے جِس سانُوں ایس گلّ واسطے تیار کِیتا سو خُدا اے تے اوسے سانُوں رُوح سائی وِچ دِتّا۔

۲-کُرِنتھِیوں 9:8

تے خُدا تُہاڈے اُتّے ہر طرح دا فضل بُہتا کر سکدا اے۔ تاں جو تُہانوں سدا ہر شے وادُھو مِلیا کرے۔ تے ہر نیک کمّ لئی تُہاڈے کول بُہت کُجھ موجُود رہیا کرے۔

گلتِیوں 6:15

کیوں جو نا تے سُنتی بہنا ای کوئی شے اے۔ تے نا سُنتی نا بہنا۔ پر نَوِیں سِریوں جمّنا۔

اِفسِیوں 1:1

پَولُس ولّوں جیہڑا خُدا دی مرضی نال مسِیح یِسُوع دا رسُول اے۔ اِفِسُس دے پاک لوکاں دے ناں جیہڑے مسِیح یِسُوع وِچ اِیماندار نیں۔

اِفسِیوں 1:4

تے اوس سانُوں دُنیا دے مُڈھ توں پہلاں اوہدے وِچ ایس لئی چُن لیا پئی اسی اوہدے سامھنے مُحبّت وِچ پاک تے بے نُقص ہوئے۔

اِفسِیوں 2:13

پر تُسی جیہڑے پہلاں دُراڈے سو ہُن مسِیح یِسُوع وِچ مسِیح دے خُون دے سببّوں نیڑے ہوگئے ہو۔

اِفسِیوں 2:15

تے اوس اپنے جِسم دی راہِیں وَیر نُوں یعنی اوس شریعت نُوں جِہدے حُکم ضابطے نال سن۔ مَوقُوف کر دِتّا۔ تاں جو اپنے وِچ دوہاں توں اِک نواں اِنسان پَیدا کر کے صُلح کرا وے۔

اِفسِیوں 2:2

جِنہاں وِچ تُسی پہلاں ایس دُنیا دی چال اُتّے ٹُر دے سو۔ وَا دے پتّے دے حاکم یعنی اوس رُوح دے مگر مگر ٹُردے سو۔ جیہڑی ہُن نافرمان لوکاں وِچ اثر کر دی اے۔

اِفسِیوں 2:6

تے مسِیح یِسُوع وِچ رَلا کے اوہدے نال جوالیا تے اسمانی تھانواں اُتّے اوہدے نال بٹھایا۔

اِفسِیوں 4:1

سو مَیں جیہڑا خُداوند دے سببّوں قیدی آں تُہاڈے اگّے عرض کرنا آں پئی جیویں سَدّے گئے سو۔ اوسے طرح چلّو۔

اِفسِیوں 4:24

تے نَوِیں اِنسانِیّت نُوں پاؤ جیہڑی خُدا دے سببّوں اوس سچیائی دی راستبازی تے پاکیزگی وِچ پَیدا کِیتی گئی اے۔

فِلِپّیوں 1:6

تے مَینُوں یقِین اے پئی جِس تُہاڈے وِچ نیک کمّ شُروع کِیتا اے۔ اوہ اوہنوں یِسُوع مسِیح دے دِن تِیکر پُورا کر دے گا۔

فِلِپّیوں 2:13

کیوں جو جیہڑا تُہاڈے وِچ نِیّت تے عمل دوہاں نُوں اپنا نیک اِرادہ پُورا کرن لئی پَیدا کر دا اے سو خُدا ای اے۔

کُلُسِّیوں 1:10

تاں جو تُہاڈا چال چَلّن خُدا دے لائق ہوئے تے تُسی اوہنوں سارِیاں گلّاں وِچ خُوش کرو۔ تے تُہاڈے ساریاں نیک کمّاں وِچ پَھل لگّے۔ تے تُسی خُدا دی پچھان وِچ وَدھدے جاؤ۔

کُلُسِّیوں 3:10

تے نَوِیں اِنسانِیّت نُوں پالیا اے۔ جیہڑی خُدا دے عِلم لئی اپنے پَیدا کرن والے دی صُورت اُتّے نَوِیں بندی جاندی اے۔

۲-تھِسّلُنِیکوں 2:17

تُہاڈے دِلاں نُوں تسلّی دے تے ہر نیک کمّ تے گلّ وِچ پَکیّاں کرے۔

۱-تِیمُتِھیُس 2:10

سگوں جیویں خُدا دِیاں مَنّن والیاں نُوں پھبدا اے پئی اپنے آپ نُوں چنگے کمّاں نال سنگارن۔

۱-تِیمُتِھیُس 5:10

تے چَنگیاں کمّاں وِچ مشہُور ہوئے۔ بچّیاں نُوں پا لیا ہوئے تے پردیسیاں دی سیوا کِیتی ہوئے تے پاک لوکاں دے پَیر دھوتے ہون۔ تے خستہ حال والیاں دی مدد کِیتی ہوئے تے سارے نیک کمّ کرن وِچ لگّی رہی ہوئے۔

۱-تِیمُتِھیُس 5:25

ایسے طرح بُہتے چنگے کمّ وی ظاہر ہو جاندے نیں تے جیہڑے ہوری طرح دے نیں اوہ وی چُھپ نئیں سکدے۔

۱-تِیمُتِھیُس 6:18

تے نیکی کرن تے چنگے کمّاں وِچ دَولتمند بنن تے سخی ہون نُوں تیار تے مدد کرن اُتّے قیم ہون۔

۲-تِیمُتِھیُس 2:21

سو جیہڑا اوہناں توں وکھرا ہو کے اپنے آپ نُوں پاک کرے گا اوہ عِزّت دا بھانڈا ہوئے گا تے پاک بنے گا۔ تے مالک دے کمّ دے لائق تے ہر اِک نیک کمّ دے لئی تیار ہوئے گا۔

۲-تِیمُتِھیُس 3:17

تاں جو خُداوند دا بندہ کامِل بنے تے ہر اِک نیک کمّ دے واسطے بالکل تیار ہوئے۔

طِطُس 2:14

جِس اپنے آپ نُوں ساڈے لئی دے دِتّا۔ پئی سانُوں ساری بیدینی توں ڈنڈ بھرکے چھڈائے تے پاک کر کے اپنے خاص وِرثہ لئی اِک اُمّت بنائے۔ جیہڑی نیک کمّاں وِچ سرگرم ہوئے۔

طِطُس 2:7

سارِیاں گلّاں وِچ اپنے آپ نُوں نیک گلّاں دا نمونہ بنا۔ تیری تعلِیم وِچ صفائی تے سنجِیدگی ہوئے۔

طِطُس 3:1

اوہناں نُوں یاد دوا پئی حاکماں تے اختیار والیاں دے تابعیاں رہن اوہناں دا حُکم مَنّن تے سارے نیک کمّاں لئی تیار رہن۔

طِطُس 3:14

تے ساڈے لوک ضرُورتاں پُوریاں کرن لئی چَنگیاں کمّاں وِچ لگِیاں رہنا سِکھّن۔ تاں جو اوہ اپّھل نا ہون۔

طِطُس 3:8

ایہہ گلّ سَچ اے۔ تے مَیں چاہناں آں پئی تُوں ایہہ گلّاں بڑا پَکّ کر کے دسیں۔ تاں جو جِنہاں خُدا نُوں مَنّیا اے۔ اوہ چنگے کمّاں وِچ لگّے رہن دا خیال رکھن۔ ایہہ گلّاں بندیاں لئی چَنگیاں تے فائدے والِیاں نیں۔

عِبرانیوں 10:24

تے مُحبّت تے نیک کمّاں ولّ اُکسان لئی اِک دُوجے دا خیال رکھیے۔

عِبرانیوں 13:21

تُہانوں ساریاں نیک کمّاں وِچ پُوریاں کرے تاں جو اوہدی مرضی پُوری کرو۔ تاں جو کُجھ اوہنوں پسند آؤندا اے۔ یِسُوع مسِیح دی راہِیں ساڈے سبھناں وِچ پَیدا کرے۔ جِہدی وڈیائی سدا تِیکر ہوئے۔ آمِین۔

۱-پطرس 2:12

تے غیر قوماں وِچ اپنا چال چَلّن نیک رکھو۔ تاں جو جیہڑیاں گلّاں وِچ اوہ تُہانوں بدکار جان کے تُہاڈے اُتّے عیب لاندے نیں تُہاڈے نیک کمّاں نُوں ویکھ کے اوہناں دے سببّوں پڑتال دے دِہاڑے خُدا دی وڈیائی کرن۔

۱-یُوحنّا 1:7

پر جے اسی چانن وِچ ٹُر نیں آں۔ جیویں اوہ چانن وِچ اے تے ساڈی آپو وِچ سنگت اے تے اوہدے پُتر یِسُوع مسِیح دا لہو سانُوں ساریاں گُناہاں توں پاک کر دا اے۔

۱-یُوحنّا 2:6

جیہڑا ایہہ آکھدا اے۔ پئی مَیں اوہدے وِچ رہنا آں۔ تے اوہنوں اوسے طرح ٹُرناں چاہیدا اے۔ جیویں اوہ ٹُردا ہوندا سی۔