اِفسِیوں 1:7 - پنجابی نواں عہد نامہ نظرثانی شدہ چھپائی

⁷ اسی اوہدے وِچ اوہدے خُون دی راہِیں رہائی یعنی قصوراں دی مُعافی پانے آں۔ اوہدے اوس فضل دی دَولت دے سببّوں۔

اِفسِیوں 1:7 ပူးပေါင်းရင်းမြစ်များ

متّی 20:28

جیویں اِبنِ آدم سیوا کران نئیں سگوں سیوا کرن تے بتھیریاں دے تھاں ڈنڈ بھرن نُوں اپنی جان دین آیا اے۔

متّی 26:28

کیوں جو عہد دا ایہہ میرا اوہ لہو اے۔ جیہڑا بتھیریاں دی خاطر گُناہاں دی مُعافی لئی وگایا جاندا اے۔

متّی 6:12

تے ساڈیاں قصوراں نُوں بخش دے جیویں اساں اپنے قصورواراں نُوں بخش دِتّا اے۔

مرقس 14:24

تے اوس اوہناں نُوں آکھیا۔ ایہہ میرا عہد دا لہو اے۔ جیہڑا بتھیریاں لئی وگایا جاندا اے۔

لُوقا 1:77

تاں جو اوہدے لوکاں نُوں نجات دا عِلم دیویں۔ جیہڑی اوہناں نُوں گُناہ دی مُعافی توں مِلے۔

لُوقا 24:47

تے یرُوشلِیم توں شُروع کر کے سارِیاں قوماں وِچ تَوبہ تے گُناہاں دی مُعافی دی منادی اوہدے ناں اُتّے کِیتی جائے گی۔

یُوحنّا 20:23

جِنہاں دے گُناہاں نُوں تُسی بخشو اوہناں دے بخشے گئے نیں تے جِنہاں دے تُسی قیم رکھو اوہناں دے قیم رکھّے گئے نیں۔

اعمال 10:43

سارے نبی اوہدے اُتّے گواہی دیندے نیں۔ پئی جو کوئی اوہدے اُتّے اِیمان لیاوے۔ اوہدے ناں اُتّے اپنے گُناہاں دی مُعافی پاوے گا۔

اعمال 2:38

تَد پطرس اوہناں نُوں آکھیا۔ تَوبہ کرو۔ تے تُہاڈے وِچوں ہر اِک اپنے گُناہاں دی مُعافی لئی یِسُوع مسِیح دے ناں اُتّے بپتِسمہ لے لَئے۔ تاں پاک رُوح تُہانوں اِنعام وِچ مِلے گا۔

اعمال 20:28

تُسی اپنی اوس سارے اِجّڑ دی خبرداری کرو۔ جِہدا پاک رُوح نے تُہانوں نِگہبان بنایا۔ پئی خُدا دی کلِیسیا نُوں چارو جِہنُوں اوس اپنے ای لہو نال مُل لیا۔

اعمال 3:19

سو تَوبہ کرو تے پِھرو تاں جو تُہاڈے گُناہ مٹائے جان۔ تے جد خُداوند دی درگاہوں خُوشحالی دے دِن آؤن۔

رُومِیوں 2:4

یا تُوں اوہدی مِہربانی تے تحمّل تے صبر دی دَولت نُوں ماڑا جاننا ایں۔ تے نئیں سمجھدا پئی خُدا دی مِہربانی تینُوں تَوبہ دے راہ پاندی اے؟

رُومِیوں 3:24

پر اوہدے فضل توں اوس چُھٹکارے دے سبّب جیہڑا مسِیح یِسُوع وِچ ہوندا اے۔ مُفت راستباز گِنے جاندے نیں۔

رُومِیوں 3:25

اوہنوں خُدا نے مُقرّر کِیتا۔ پئی اوہدے لہو اُتّے اِیمان لیاؤن نال کفّارہ ہوئے۔ تاں جو اوہدی راستبازی دِکھائی جاوے۔ کیوں جو خُدا صبر کر کے پِچّھلے گُناہاں نُوں چھڈ دِتّا۔

رُومِیوں 9:23

تاں جو رَحم دے بھانڈیاں نُوں اپنے جلال دی دَولت معلُوم کراوے۔ جِنہاں نُوں اوس اگّے توں جلال لئی تیار کِیتا۔

۱-کُرِنتھِیوں 1:30

پر تُسی اوہدے ولّوں یِسُوع مسِیح وِچ ہو جیہڑا ساڈے لئی خُدا ولّوں حِکمت ہویا یعنی راستبازی تے پاکیزگی تے مُکتی۔

۲-کُرِنتھِیوں 8:9

کیوں جو تُسی ساڈے خُداوند یِسُوع مسِیح دے فضل نُوں جان دے اوہ۔ پئی اوہ بھانویں دَولتمند سی پر تُہاڈی خاطر غرِیب بن گیا۔ تاں جو تُسی اوہدی غرِیبی دے سبّب دَولت مند بن جاؤ۔

اِفسِیوں 1:14

اوہ ای خُدا دی ملکیّت دی رہائی واسطے ساڈے وِرثے دی سائی اے۔ تاں جو اوہدے جلال دی وڈیائی ہوئے۔

اِفسِیوں 1:18

تے تُہاڈے دِل دِیاں اَکھّیاں سوجاکھِیاں ہو جان۔ تاں جو تُہانوں پتا لگّے۔ پئی اوہدے سَدّن توں کیہو جیہی آس اے۔ تے اوہدی میراث دے جلال دی دَولت پاک لوکاں وِچ کیڈی کُو اے۔

اِفسِیوں 1:6

تاں جو اوہدے اوس فضل دے جلال دی وڈیائی ہوئے جیہڑا اوس سانُوں اوس پیارے وِچ مُفت دِتّا۔

اِفسِیوں 1:8

جیہڑا اوس سانُوں ساری حِکمت تے دانائی دے نال چوکھا دِتّا۔

اِفسِیوں 2:4

پر خُدا اپنے رَحم دی دَولت نال اوس وڈّی مُحبّت دے سببّوں جیہڑی اوس ساڈے نال کِیتی۔

اِفسِیوں 2:7

ایس کر کے پئی اوہ آؤن والیاں زمانیاں وِچ اپنے فضل دی باہلی دَولت وکھائے جیہڑا مسِیح یِسُوع وِچ ساڈے اُتّے مِہربانی نال ہویا سی۔

اِفسِیوں 3:16

پئی اوہ اپنے جلال دی دَولت دے سببّوں تُہانوں ایہہ بخشے پئی تُسی اوہدی رُوح توں اپنی اندرلی اِنسانِیّت وِچ چوکھے تگڑے ہو جاؤ۔

اِفسِیوں 3:8

میرے اُتّے جیہڑا ساریاں پاک لوکاں وِچ حِقیر توں حِقیر ساں ایہہ فضل ہویا۔ پئی مَیں غیر قوماں نُوں مسِیح دی بے انت دَولت دی خُوشخبری دیاں۔

فِلِپّیوں 4:19

میرا خُدا اپنی دَولت دے سببّوں مسِیح یِسُوع وِچ تُہاڈی ہر اِک تُھڑ اپنے جلال نال پُوری کرے گا۔

کُلُسِّیوں 1:14

جِہدے توں سانُوں رہائی یعنی گُناہ دی مُعافی مِلی۔

کُلُسِّیوں 1:27

جِنہاں اُتّے خُدا ظاہر کرنا چاہندا سی۔ پئی غیر قوماں وِچ اوس بھیت دے جلال دی دَولت کیہو جیہی اے۔ تے اوہ ایہہ اے۔ پئی مسِیح جیہڑا جلال دی آس اے۔ تُہاڈے وِچ رہندا اے۔

کُلُسِّیوں 2:13

تے اوس تُہانوں وی جیہڑے اپنے قصوراں تے جِسم دی نا سُنتی دے سببّوں موئے ہوئے سو اوہدے نال جوالیا تے سارے ساڈے قصور بخش دِتّے۔

کُلُسِّیوں 2:2

تاں جو اوہناں دے دِلاں نُوں تسلّی ہوئے۔ تے اوہ آپو وِچ مُحبّت نال گنڈھے رہن۔ تے پُوری سمجھ دی ساری دَولت لے لین۔ تے خُدا دے یعنی مسِیح دے بھیت نُوں پچھانن۔

۱-تِیمُتِھیُس 2:6

جِس سبھناں دی تھانویں ڈنڈ بھرن لئی اپنا آپ دے دِتّا۔ پئی ویلیاں سِر اوہدی گواہی دِتّی جاوے۔

طِطُس 2:14

جِس اپنے آپ نُوں ساڈے لئی دے دِتّا۔ پئی سانُوں ساری بیدینی توں ڈنڈ بھرکے چھڈائے تے پاک کر کے اپنے خاص وِرثہ لئی اِک اُمّت بنائے۔ جیہڑی نیک کمّاں وِچ سرگرم ہوئے۔

طِطُس 3:6

جِہنُوں اوس ساڈے نجات دین والے یِسُوع مسِیح دی راہِیں ساڈے اُتّے چوکھا ڈوہلیا۔

عِبرانیوں 9:22

تے قریبن سارِیاں شیواں شریعت دے سببّوں لہو نال پاک کِیتیاں جاندِیاں نیں تے لہو وَگیاں بِناں مُعافی نئیں ہوندی۔

۱-پطرس 2:24

اوہ آپ ساڈے گُناہ نُوں اپنے بدن اُتّے چُک کے صلِیب اُتّے چڑھ گیا۔ تاں جو اسی گُناہ ولّوں مر کے راستبازی ولّوں جِیوئیے۔ تے اوہدے مار کھان نال تُسی چنگے کِیتے گئے۔

۱-پطرس 3:18

ایس لئی پئی مسِیح وی راستباز ناراستاں دے لئی اِکّو وار دُکھ اُٹھایا۔ تاں جو سانُوں خُدا دے کول اَپڑائے۔ اوہ جِسم ولّوں ماریا گیا پر رُوح ولّوں جوالیا گیا۔

۱-یُوحنّا 2:12

بچّیو! مَیں تُہانوں ایس کر کے لِکھنا آں۔ پئی اوہدے ناں سببّوں تُہاڈے گُناہ مُعاف ہوئے ہوئے نیں۔

۱-یُوحنّا 2:2

تے اوہ ساڈے گُناہاں دا کفّارہ اے۔ تے نِرے ساڈیاں دا ای نئیں سگوں ساری دُنیا دا وی۔

۱-یُوحنّا 4:10

مُحبّت ایہدے وِچ نئیں۔ پئی اساں خُدا نال مُحبّت کِیتی سگوں ایہدے وِچ اے پئی اوس ساڈے نال مُحبّت کِیتی تے ساڈے گُناہاں دے کفّارے لئی اپنے پُتر نُوں گھلّیا۔

مُکاشفہ 14:4

ایہہ اوہ نیں جیہڑے زنانِیاں نال پلید نئیں ہوئے تے سگوں کوارے نیں ایہہ اوہ نیں جیہڑے لیلے دے پِچّھے پِچّھے جِتّھے اوہ جاندا اے ٹُردے نیں۔ ایہہ خُدا تے لیلے دے لئی پہلے پَھل ہون لئی بندیاں وِچوں مُل لَئے گئے نیں۔

مُکاشفہ 5:9

تے اوہ نواں گِیت گاؤن لگّے پئی تُوں ای اوس کتاب دے لین تے اوہدیاں مُہراں توڑن دے لائق ایں۔ کیوں جو تُوں ہلال ہو کے اپنے خُون توں ساریاں گھرانیاں تے زبان والیاں تے اُمّتاں تے قوماں وِچوں خُدا دے لئی لوکاں نُوں مُل لیا۔