اِفسِیوں 1:3 - پنجابی نواں عہد نامہ نظرثانی شدہ چھپائی

³ ساڈے خُداوند یِسُوع مسِیح دے خُدا تے باپ دی وڈیائی ہوئے۔ جِس سانُوں مسِیح وِچ اسمانی تھانواں اُتّے ہر طرح دی رُوحانی برکت دِتّی۔

اِفسِیوں 1:3 ပူးပေါင်းရင်းမြစ်များ

لُوقا 2:28

تَد اوس اوہنوں اپنے ہتّھاں اُتّے چُک لیا تے خُدا دی وڈیائی کر کے آکھیا۔

یُوحنّا 14:20

اوس دِن تُسی جانو گے پئی مَیں اپنے باپ وِچ آں تے تُسی میرے وِچ تے مَیں تُہاڈے وِچ۔

یُوحنّا 17:21

تاں جو سبھ اِک ہون پئی جیویں اَے باپ تُوں میرے وِچ تے مَیں تیرے وِچ آں اوہ وی ساڈے وِچ ہون تاں جو دُنیا اِیمان لیاوے پئی تُوں مَینُوں گھلّیا۔

یُوحنّا 20:17

یِسُوع اوہنوں آکھیا مَینُوں نا چُھو کیوں جو اجے مَیں باپ کول اُتانہہ نئیں گیا آں۔ پر میرے بھراواں دے کول جا۔ تے اوہناں نُوں آکھ پئی مَیں اپنے باپ تے تُہاڈے باپ کول تے اپنے خُدا تے تُہاڈے خُدا کول اُتانہہ جانا آں۔

رُومِیوں 12:5

اوسے طرح اسی جیہڑے بتھیرے آں پر مسِیح وِچ اِک بدن آں۔ تے اِک اِک کر کے اِک دُوجے دے انگ آں۔

رُومِیوں 15:6

تاں جو تُسی اِک دِل ہو کے اِک مُنھ نال خُدا تے ساڈے خُداوند یِسُوع مسِیح دے باپ دی وڈیائی کرو۔

۱-کُرِنتھِیوں 1:30

پر تُسی اوہدے ولّوں یِسُوع مسِیح وِچ ہو جیہڑا ساڈے لئی خُدا ولّوں حِکمت ہویا یعنی راستبازی تے پاکیزگی تے مُکتی۔

۱-کُرِنتھِیوں 12:12

کیوں جو جیویں جِسم اِک اے تے اوہدے انگ بتھیرے نیں۔ تے جِسم دے سارے انگ بھانویں بتھیرے نیں پر آپو وِچ رَل کے اِکّوئی جِسم نے۔ ایسے طرح مسِیح وی اے۔

۲-کُرِنتھِیوں 1:3

ساڈے خُداوند یِسُوع مسِیح دے خُدا تے باپ دی وڈیائی ہوئے جیہڑا رحمتاں دا باپ تے ہر طرح دی تسلّی دا خُدا اے۔

۲-کُرِنتھِیوں 11:31

خُداوند یِسُوع دا خُدا تے باپ جِہدی سدا تِیکر حمد ہوئے۔ جان دا اے۔ پئی مَیں جُھوٹھ نئیں آکھدا۔

۲-کُرِنتھِیوں 5:17

ایس لئی جے کوئی مسِیح وِچ اے۔ تے اوہ نواں مخلُوق اے پرانیاں شیواں جاندِیاں رہیاں۔ ویکھو اوہ نَوِیاں ہوگِئیاں۔

۲-کُرِنتھِیوں 5:21

جیہڑا گُناہ توں واقف نئیں سی اوسے نُوں اوس ساڈے لئی گُناہ ٹھہرایا۔ تاں جو اسی اوہدے وِچ ہو کے خُدا دی راست بازی ہو جائیے۔

گلتِیوں 3:9

ایس لئی جیہڑے اِیمان والے نیں اوہ اِیماندار ابرہام نال برکت پاندے نیں۔

اِفسِیوں 1:10

تاں جو زمانیاں دے پُورا ہون دا اِنج بندوبست ہوئے۔ پئی مسِیح وِچ سارِیاں شیواں اکٹّھیاں ہو جان۔ بھانویں اسمان دِیاں ہون بھانویں زمین دِیاں۔

اِفسِیوں 1:17

پئی ساڈے خُداوند یِسُوع مسِیح دا خُدا جیہڑا جلال دا باپ اے۔ تُہانوں اپنی پچھان لئی حِکمت تے اِلہام دی رُوح دیوے۔

اِفسِیوں 1:20

جیہڑا اوس مسِیح وِچ اوس ویلے کِیتا جدوں اوہنوں مُردیاں وِچوں جوا کے اپنے سَجّے پاسے اسمانی تھانواں اُتّے بہایا۔

اِفسِیوں 2:6

تے مسِیح یِسُوع وِچ رَلا کے اوہدے نال جوالیا تے اسمانی تھانواں اُتّے اوہدے نال بٹھایا۔

اِفسِیوں 3:10

تاں جو ہُن کلِیسیا دی راہِیں خُدا دی طرح طرح دی حِکمت اوہناں حکُومت تے اختیار والیاں نُوں معلُوم ہو جائے۔ جیہڑے اسمانی تھانواں وِچ نیں۔

اِفسِیوں 6:12

کیوں جو اساں لہو تے جِسم نال نئیں سگوں اساں حکُومت تے اختیار والیاں تے ایس دُنیا دے ہنیرے دِیاں حاکماں تے شرارت دِیاں رُوحانی فَوجاں نال گُھلنا اے۔ جیہڑیاں اسمانی تھانواں وِچ نیں۔

فِلِپّیوں 2:11

تے خُدا باپ دے جلال دے لئی ہر اِک زبان مَن لَئے پئی یِسُوع مسِیح خُداوند اے۔

عِبرانیوں 8:5

ایہہ اسمان دِیاں شیواں دی نقل تے پرچھانویں دی سیوا کر دے نے جِیکُوں مُوسیٰ وی جد تنبُو بنان نُوں تیار سی تے اوہنوں ایہہ ہدایت ہوئی پئی ویکھ جیہڑا نمونہ پہاڑ اُتّے وکھایا گیا سی اوہدے وانگر سارِیاں شیواں بنائِیاں۔

عِبرانیوں 9:23

ایس لئی ضرُوری سی پئی اسمانی شیواں دِیاں نقلاں ایہناں دی راہِیں پاک کِیتیاں جاندِیاں پر آپ اسمانی شیواں ایہناں نالوں چَنگیاں قُربانِیاں دی راہِیں۔

۱-پطرس 1:3

ساڈے خُداوند یِسُوع مسِیح دے خُدا تے باپ دی وڈیائی ہوئے۔ جِس یِسُوع مسِیح دے مُردیاں وِچوں جی اُٹھن دا سبّب اپنی بڑی رحمت نال سانُوں زِندہ آس دین لئی نَوِیں سِریوں پَیدا کِیتا۔