اِفسِیوں 1:19 - پنجابی نواں عہد نامہ نظرثانی شدہ چھپائی

¹⁹ تے ساڈے اِیمان لیاؤن والیاں واسطے اوہدی قُدرت کیڈی وڈّی اے اوہدی اوس وڈّی قُوّت دے اثر دے سببّوں۔

اِفسِیوں 1:19 ပူးပေါင်းရင်းမြစ်များ

یُوحنّا 3:6

جیہڑا جِسم توں جمّیا اوہ جِسم اے تے جیہڑا رُوح توں جمّیا اوہ رُوح اے۔

اعمال 26:18

پئی تُوں اوہناں دِیاں اَکھّیاں کھولیں۔ تاں جو اوہ ہنیریوں چانن ولّ۔ تے شیطان دے وَس توں خُدا ولّ مُڑن پئی گُناہاں دی مُعافی لین۔ تے اوہناں لوکاں وِچ جیہڑے میرے اُتّے اِیمان رکھن نال پاک ہوئے نیں وِرثہ لین۔

رُومِیوں 1:16

کیوں جو مَیں اِنجِیل توں شرماں دا نئیں۔ ایس کر کے پئی اوہ ہر اِک دی نجات دے لئی۔ جیہڑا اِیمان لیاؤندا اے۔ پہلاں یہُودی تے فیر یُونانی دے لئی خُدا دی قُدرت اے۔

۲-کُرِنتھِیوں 4:7

پر ساڈے کول ایہہ خزانہ مِٹّی دیاں بھانڈیاں وِچ رکھیا ہویا اے۔ تاں جو اوہ حدّوں وَدّھ قُدرت ساڈے ولّوں نئیں سگوں خُدا ولّوں معلُوم ہوئے۔

۲-کُرِنتھِیوں 5:17

ایس لئی جے کوئی مسِیح وِچ اے۔ تے اوہ نواں مخلُوق اے پرانیاں شیواں جاندِیاں رہیاں۔ ویکھو اوہ نَوِیاں ہوگِئیاں۔

اِفسِیوں 2:10

کیوں جو اسی اوسے دی کاریگری آں تے مسِیح یِسُوع وِچ اوہناں نیک کمّاں دے واسطے پَیدا کِیتے گئے ساں جیہڑے خُدا مُڈھوں ای ساڈے کرن لئی تیار کِیتے سن۔

اِفسِیوں 3:20

ہُن جیہڑا اِنج قُدرت والا اے۔ پئی اوس قُدرت دے سببّوں جیہڑی ساڈے وِچ اثر کر دی اے۔ ساڈی درخواست تے خیال توں بُہت وَدّھ کر سکدا اے۔

اِفسِیوں 3:7

تے خُدا دے فضل دی بخشِش نال جیہڑا قُدرت دے اثر نال میرے اُتّے ہویا مَیں ایس خُوشخبری دا نوکر بنیا۔

اِفسِیوں 6:10

باقی خُداوند تے اوہدی بڑی قُوّت دی طاقت وِچ تگڑے رہو۔

فِلِپّیوں 2:13

کیوں جو جیہڑا تُہاڈے وِچ نِیّت تے عمل دوہاں نُوں اپنا نیک اِرادہ پُورا کرن لئی پَیدا کر دا اے سو خُدا ای اے۔

فِلِپّیوں 3:21

اوہ اپنی اوس قُدرت دے اثر دے سببّوں جِہدے توں سارِیاں شیواں اپنے تابعیاں وِچ کر سکدا اے۔ ساڈے نِکھد بدن دی شکل بدل کے اپنے جلالی بدن دی صُورت اُتّے بنائے گا۔

کُلُسِّیوں 1:29

تے ایسے لئی مَیں اوہدی اوس قُوّت دے سببّوں دِل توڑ کے محنت کرنا آں۔ جیہڑی میرے وِچ زور نال اثر کر دی اے۔

کُلُسِّیوں 2:12

تے اوہدے ای نال بپتِسمے وِچ دبّے گئے تے اوسے وِچ خُدا دی قُوّت اُتّے اِیمان لیا کے اوہدے نال جی وی اُٹھے۔ جِس اوہنوں مُردیاں وِچوں جوالیا۔

۱-تھِسّلُنِیکوں 1:5

ایس لئی پئی ساڈی خُوشخبری تُہاڈے کول نِریاں گلّاں نال نئیں پر زور تے پاک رُوح تے پُورے اعتقاد نال اَپڑی جیویں تُہانوں پتا اے۔ پئی اساں تُہاڈی خاطر تُہاڈے وِچ کیہو جِہیا بن وکھایا۔

۲-تھِسّلُنِیکوں 1:11

ایس لئی اسی تُہاڈے لئی ہر ویلے دُعا وی منگدے رہنے آں پئی ساڈا خُدا تُہانوں ایس بُلاوے دے قابل جانے تے نیکی دی ہر خواہش تے اِیمان دے ہر کمّ نُوں قُدرت نال پُوریاں کرے۔

یعقُوب 1:18

اوس اپنی مرضی نال سَچّے کلام دی راہِیں سانُوں پَیدا کِیتا تاں جو اوہدی خلقت وِچوں اِک طرح دے پہلے پَھل ہوئیے۔

۱-پطرس 4:11

جے کوئی کُجھ آکھے تے اجیہا آکھے جیویں خُدا دا کلام اے۔ جے کوئی سیوا کرے تے اونہی طاقت نال کرے۔ جِنّی خُدا دیندا اے۔ تاں جو سارِیاں گلّاں وِچ یِسُوع مسِیح دی راہِیں خُدا دا جلال ظاہر ہوئے۔ جلال تے سلطنت ہمیشہ تِیکر اوہدی ای اے۔ آمِین۔