اِفسِیوں 1:17 - پنجابی نواں عہد نامہ نظرثانی شدہ چھپائی

¹⁷ پئی ساڈے خُداوند یِسُوع مسِیح دا خُدا جیہڑا جلال دا باپ اے۔ تُہانوں اپنی پچھان لئی حِکمت تے اِلہام دی رُوح دیوے۔

اِفسِیوں 1:17 ပူးပေါင်းရင်းမြစ်များ

متّی 11:25

اوس ویلے یِسُوع نے جواب وِچ آکھیا۔ اَے باپ اسمان تے زمین دے خُداوند مَیں تیری وڈیائی کرنا آں پئی تُوں ایہناں گلّاں نُوں داناواں تے سیانیاں توں لُکایا۔ تے اَنجانیاں اُتّے ظاہر کِیتا۔

متّی 11:27

سارِیاں شیواں میرے باپ توں مَینُوں سونپِیاں گِیئاں۔ تے کوئی پُتر نُوں نئیں جان دا پر باپ۔ تے نا باپ نُوں کوئی جان دا اے پر پُتر۔ تے اوہ جِہدے اُتّے پُتر اوہنوں ظاہر کرنا چاہے۔

متّی 16:17

یِسُوع اوہنوں جواب دے کے آکھیا دھنّ ایں تُوں شمعُون یُوناہ دے پُتر کیوں جو جِسم تے لہو ایہہ گلّ تینُوں نئیں دسی پر میرے باپ جیہٹرا اسماناں وِچ اے۔

متّی 20:33

اوہ اوہنوں آکھن لگّے خُداوندا ساڈیاں اَکھّیاں کُھل جان۔

متّی 6:13

تے سانُوں ازمایش وِچ نا لیا۔ سگوں بُریائی توں بچا [کیوں جو بادشاہی تے قُدرت تے جلال ہمیشہ تِیکر تیرے ای نیں۔ آمِین۔]

لُوقا 12:12

کیوں جو پاک رُوح اوسے گھڑی تُہانوں سکھالے گا۔ پئی کِیہ آکھنا چاہیدا اے۔

لُوقا 2:14

پئی اسماناں اُتّے خُدا دی وڈیائی تے زمین اُتّے اوہناں لوکاں وِچ صُلح جِنہاں نال اوہ راضی اے۔

لُوقا 21:15

ایس لئی پئی مَیں تُہانوں اجیہی زبان تے حِکمت دیاں گا جِہدے اگّے تُہاڈے وَیری نا بول سکن نا کھلو سکن۔

یُوحنّا 14:17

یعنی سچیائی دا رُوح جِہنُوں دُنیا نئیں پا سکدی کیوں جو اوہ نا اوہنوں ویکھدی اے تے نا اوہنوں جاندی اے۔ تُسی اوہنوں جان دے ہو کیوں جو اوہ تُہاڈے نال رہندا اے تے تُہاڈے وِچ ہوئے گا۔

یُوحنّا 14:26

پر مددگار جیہڑا پاک رُوح اے جِہنُوں باپ میرے ناں اُتّے گھلّے گا اوہو تُہانوں سبھ کُجھ سکھالے گا۔ تے جو کُجھ مَیں تُہانوں آکھیا اے تُہانوں یاد کرا دے گا۔

یُوحنّا 16:3

اوہ ایس واسطے ایہہ کرن گے کیوں جو نا اوہناں باپ نُوں جانیا اے نا مَینُوں۔

یُوحنّا 17:3

تے سدا دی زِندگی ایہہ اے پئی اوہ تینُوں جانن جیہڑا اکلّا سَچّا خُدا ایں تے نالے یِسُوع مسِیح نُوں جِہنُوں تُوں گھلّیا اے۔

یُوحنّا 20:17

یِسُوع اوہنوں آکھیا مَینُوں نا چُھو کیوں جو اجے مَیں باپ کول اُتانہہ نئیں گیا آں۔ پر میرے بھراواں دے کول جا۔ تے اوہناں نُوں آکھ پئی مَیں اپنے باپ تے تُہاڈے باپ کول تے اپنے خُدا تے تُہاڈے خُدا کول اُتانہہ جانا آں۔

اعمال 6:10

تے اوہ اوس دانائی تے رُوح اگّے جِہدے نال اوہ بولدا سی کھلو نا سکے۔

اعمال 7:2

اوہ آکھن لگّا۔ بھراؤ تے بزُرگو سُنو! ساڈے پئیو ابرہام نُوں جدوں مسوپتامِیہ وِچ سی اوہدے حاران وِچ وَسّن توں پہلاں جلال دے خُدا نے وکھالی دِتّی۔

رُومِیوں 1:28

تے جدوں خُدا نُوں اپنی پِچھّاں وِچ رکھناں اوہناں نُوں چَنگا نا لگّا تَد خُدا وی اوہناں نُوں بیواقوفی وِچ چھڈ دِتّا۔ پئی نالائق کمّ کرن۔

رُومِیوں 15:6

تاں جو تُسی اِک دِل ہو کے اِک مُنھ نال خُدا تے ساڈے خُداوند یِسُوع مسِیح دے باپ دی وڈیائی کرو۔

۱-کُرِنتھِیوں 12:8

کیوں جو اِک نُوں رُوح دی راہِیں حِکمت دا کلام مِلدا اے تے دُوجے نُوں اوسے رُوح دی مرضی نال عِلم دا کلام۔

۱-کُرِنتھِیوں 14:6

سو بھراؤ جے مَیں تُہاڈے کول آ کے اوپری زبان وِچ گلّاں کراں تے اِلہام یا عِلم یا نبُوّت یا تعلِیم دِیاں گلّاں نا کراں تے تُہانوں مَیتھوں کِیہ فائدہ ہوئے گا؟

۱-کُرِنتھِیوں 2:10

پر ساڈے اُتّے خُدا اوہناں نُوں رُوح دی راہِیں ظاہر کِیتا۔ کیوں جو رُوح سارِیاں گلّاں سگوں خُدا دِیاں ڈُوہنِگیاں گلّاں وی بھال کر لَیندا اے۔

۱-کُرِنتھِیوں 2:8

تے اوہنوں ایس جہان دے سرداراں وِچوں کِسے نا سہاتا کیوں جو جے سمجھدے تے جلال دے خُداوند نُوں صلِیب نا دیندے۔

۲-کُرِنتھِیوں 12:1

مَینُوں فخر کرنا ضرُور ہویا بھانویں فائدہ مند نئیں۔ سو جیہڑے رویا تے اِلہام مَینُوں خُداوند ولّوں مِلے۔ مَیں اوہناں دا بیان کرنا آں۔

اِفسِیوں 1:3

ساڈے خُداوند یِسُوع مسِیح دے خُدا تے باپ دی وڈیائی ہوئے۔ جِس سانُوں مسِیح وِچ اسمانی تھانواں اُتّے ہر طرح دی رُوحانی برکت دِتّی۔

اِفسِیوں 3:5

جیہڑا ہورناں زمانیاں وِچ بنی آدم نُوں ایس طرح معلُوم نئیں سی ہویا۔ جیویں اوہدے پاک رسُولاں تے نبیاں اُتّے رُوح نال ہُن ظاہر ہویا اے۔

اِفسِیوں 4:13

جدوں تِیکر اسی سارے خُدا دے پُتر تے اِیمان تے اوہدی پچھان وِچ اِک نا ہو جائیے تے پُورے اِنسان یعنی مسِیح دے پُورے قد جیڈے نا ہو جائیے۔

فِلِپّیوں 3:15

سو جِنّے ساڈے وِچوں کامِل نیں ایسے طرح ای سمجھن۔ تے جے کِسے گلّ وِچ تُہاڈا ہور خیال ہوئے تے تاں خُدا اوہ وی تُہاڈے اُتّے ظاہر کر دے گا۔

۲-تِیمُتِھیُس 2:25

تے مخالفت کرن والیاں نُوں حلِیمی نال تعلِیم دے۔ شاید خُدا اوہناں نُوں تَوبہ دی طاقت بخشے پئی اوہ سچیائی نُوں جانن۔

طِطُس 1:1

پَولُس ولّوں جیہڑا خُدا دا غلام تے یِسُوع مسِیح دا رسُول اے خُدا دے چُنیاں ہویاں دے اِیمان تے اوس سچیائی دی پچھان لئی جیہڑی دِینداری سیتی اے۔

یعقُوب 2:1

میرے بھراؤ ساڈے جلالی خُداوند یِسُوع مسِیح دا اِیمان تُہاڈے وِچ رَئی نال نا ہوئے۔

۲-پطرس 1:3

کیوں جو اوہدی اِلہٰی قُدرت نے اوہ سارِیاں شیواں جیہڑیاں زِندگی تے دِینداری دِیاں ہوندیاں نیں سانُوں اوہدی پہچان دی راہِیں دِتّیاں۔ جِس سانُوں اپنے خاص جلال تے نیکی دی راہِیں سدّیا۔

۲-پطرس 3:18

سگوں ساڈے خُداوند تے نجات دین والے یِسُوع مسِیح دے فضل تے پہچان وِچ وَدھدے جاؤ۔ اوسے دا جلال ہُن وی ہوئے۔ تے سدا تِیکر رہے۔ آمِین۔

مُکاشفہ 7:12

آکھیا آمِین وڈیائی تے جلال تے حِکمت تے شُکر تے عِزّت تے قُدرت تے طاقت ہمیشہ تِیکر ساڈے خُدا دی ہوئے آمِین۔