اِفسِیوں 1:1 - پنجابی نواں عہد نامہ نظرثانی شدہ چھپائی

¹ پَولُس ولّوں جیہڑا خُدا دی مرضی نال مسِیح یِسُوع دا رسُول اے۔ اِفِسُس دے پاک لوکاں دے ناں جیہڑے مسِیح یِسُوع وِچ اِیماندار نیں۔

اِفسِیوں 1:1 ပူးပေါင်းရင်းမြစ်များ

لُوقا 16:10

جیہڑا ساریاں نالوں نِکّیاں گلّاں وِچ وفادار اے اوہ بُہتے وِچ وی وفادار اے تے جیہڑا ساریاں نالوں نِکّیاں گلّاں وِچ بے اِیمان اے۔ اوہ بُہتے وِچ وی بے اِیمان اے۔

اعمال 16:15

تے جد اوس اپنے ٹبّر سَنے بپتِسمہ لیا۔ تَد مِنّتاں کرن لگّی۔ پئی جے تُسی مَینُوں خُداوند دی اِیمان دار سمجھدے ہو۔ تاں میرے گھر وِچ آ کے رہو تے سانُوں مجبُور کر کے لے گئی۔

اعمال 18:19

تے اِفِسُس وِچ اَپڑ کے اوس اوہناں نُوں اوتھے چھڈیا تے آپی عبادت خانے وِچ جا کے یہُودِیاں نال بحث کرن لگّا۔

اعمال 18:21

سگوں ایہہ آکھ کے۔ پئی جے خُدا چاہے تُہاڈے کول مُڑ آواں گا۔ تے اوہ اوہناں توں وِداع ہویا۔ تے جہاز اُتّے چڑھ کے اِفِسُس توں ٹُر پیا۔

اعمال 9:13

حننیاہ جواب دِتّا پئی اے خُداوند مَیں بتھیریاں لوکاں کولوں ایس بندے دے بارے سُنیا اے پئی اوس یرُوشلِیم وِچ تیرے پاک لوکاں نال کِنیاں خرابیاں کِیتیاں۔

رُومِیوں 1:1

پَولُس ولّوں جیہڑا یِسُوع مسِیح دا غلام سدّیا ہویا رسُول تے خُدا دی خُوشخبری لئی وَکھ کِیتا گیا۔

رُومِیوں 1:7

اوہناں ساریاں دے ناں جیہڑے رُومہ وِچ خُدا دے پیارے پاک ہون لئی سَدّے گئے نیں۔ ساڈے باپ خُدا تے خُداوند یِسُوع مسِیح ولّوں تُہانوں فضل تے سلامتی مِلدی رئے۔

رُومِیوں 8:1

سو ہُن اوہناں اُتّے کُجھ وی سزا دا حُکم نئیں۔ جیہڑے مسِیح یِسُوع وِچ نیں۔

۱-کُرِنتھِیوں 4:12

تے اپنے ہتّھاں نال محنت کرنے آں لوک بُرا آکھدے نیں اسی دُعا دینے آں۔ اوہ دُکھ دیندے نیں اسی سہنے آں۔

۱-کُرِنتھِیوں 4:17

ایس لئی مَیں تِیمُتِھیُس نُوں تُہاڈے کول گھلّیا۔ اوہ خُداوند وِچ میرا پیارا تے دیانتدار پُتر اے۔ تے میرے اوہناں مسِیحی طریقیاں دا تُہانوں چیتا کراوے گا۔ جِنہاں دی مَیں ہر تھاں دی کلِیسیا وِچ تعلِیم دینا آں۔

۲-کُرِنتھِیوں 1:1

پَولُس ولّوں جیہڑا خُدا دی مرضی نال مسِیح یِسُوع دا رسُول اے۔ تے بھرا تِیمُتِھیُس ولّوں خُدا دی اوس کلِیسیا دے ناں جیہڑی کُرِنتِھس وِچ اے۔ تے کُل اَخیہ دے ساریاں پاک لوکاں دے ناں۔

گلتِیوں 1:1

پَولُس ولّوں جیہڑا نا بندیاں ولّوں تے نا بندیاں دی راہِیں پر یِسُوع مسِیح تے خُدا باپ ولّوں جِس اوہنوں مُردیاں وِچوں جوالیا رسُول اے۔

گلتِیوں 3:26

کیوں جو تُسی سارے اوس اِیمان دی راہِیں جیہڑا مسِیح یِسُوع اُتّے اے خُدا دے پُتر ہو۔

گلتِیوں 3:28

نا کوئی یہُودی رہیا نا یُونانی۔ نا کوئی غلام نا اَزاد نا کوئی جَنا نا زنانی۔ کیوں جو تُسی سارے مسِیح یِسُوع وِچ اِک ہو۔

گلتِیوں 3:9

ایس لئی جیہڑے اِیمان والے نیں اوہ اِیماندار ابرہام نال برکت پاندے نیں۔

اِفسِیوں 1:15

ایس واسطے مَیں وی تُہاڈے اوس اِیمان دا جیہڑا خُداوند یِسُوع اُتّے اے تے اوس مُحبّت دا جیہڑی ساریاں پاک لوکاں نال اے حال سُن کے۔

اِفسِیوں 2:10

کیوں جو اسی اوسے دی کاریگری آں تے مسِیح یِسُوع وِچ اوہناں نیک کمّاں دے واسطے پَیدا کِیتے گئے ساں جیہڑے خُدا مُڈھوں ای ساڈے کرن لئی تیار کِیتے سن۔

اِفسِیوں 2:13

پر تُسی جیہڑے پہلاں دُراڈے سو ہُن مسِیح یِسُوع وِچ مسِیح دے خُون دے سببّوں نیڑے ہوگئے ہو۔

اِفسِیوں 2:6

تے مسِیح یِسُوع وِچ رَلا کے اوہدے نال جوالیا تے اسمانی تھانواں اُتّے اوہدے نال بٹھایا۔

اِفسِیوں 6:21

تے تُخِکس جیہڑا پیارا بھرا تے خُداوند دا دیانتدار نوکر اے تُہانوں میرِیاں سارِیاں گلّاں دسے گا۔ تاں جو تُسی جانو پئی مَیں کِیہ کرنا آں۔

کُلُسِّیوں 1:2

اوہناں پاک لوکاں یعنی مسِیح وِچ اِیماندار بھراواں دے نال جیہڑے کُلُسِّے وِچ نیں۔ ساڈے باپ خُدا ولّوں تُہانوں فضل تے تسلّی مِلدی رہے۔

مُکاشفہ 17:14

اوہ لیلے نال لڑن گے تے لیلا اوہناں نُوں جِت لے گا۔ کیوں جو اوہ خُداونداں دا خُداوند تے بادشاہاں دا بادشاہ اے۔ تے جیہڑے سَدّے ہوئے تے چُنے ہوئے تے وفادار اوہدے نال نیں اوہ وی جتن گے۔

مُکاشفہ 2:10

جیہڑے دُکھ تینُوں جَھلّنے پَین گے۔ اوہناں توں نا ڈر۔ ویکھو ابلیس تُہاڈے وِچوں کُجھ نُوں قید وِچ پان نُوں تیار اے۔ پئی تُسی ازمائے جاؤ تے دَس دِناں تِیکر مُصِیبت پاؤ گے۔ جان دین تِیکر وی وفادار رہو تے مَیں تینُوں زِندگی دا تاج دیاں گا۔

مُکاشفہ 2:13

مَیں ایہہ تے جاننا آں پئی تُوں شیطان دے تخت دے تھاں وِچ رہنا ایں۔ تے میرے ناں اُتّے قیم رہنا ایں۔ تے جِنہاں دِناں وِچ میرا وفادار گواہ اِنتپاس تُہاڈے وِچ اوس تھاں قتل ہویا سی جِتّھے شیطان رہندا اے اوہناں دِناں وِچ وی تُوں میرے اُتّے اِیمان رکھن توں اِنکار نا کِیتا۔