کُلُسِّیوں 4:5 - پنجابی نواں عہد نامہ نظرثانی شدہ چھپائی

⁵ وقت نُوں قِیمتی جان کے باہر والیاں نال ہوش نال ورتو۔

کُلُسِّیوں 4:5 ပူးပေါင်းရင်းမြစ်များ

متّی 10:16

ویکھو مَیں تُہانوں ایس طرح گھلّنا آں جیہا بھیڈاں نُوں بگھیاڑاں دے وِچ۔ سو سپّاں وانگر ہُشیار ہوؤ تے کبُوتراں وانگر بھولے۔

مرقس 4:11

تے اوس اوہناں نُوں آکھیا۔ خُدا دی بادشاہی دا بھید تُہانوں دِتّا گیا اے پر اوہناں دے لئی جیہڑے باہر نیں سارِیاں گلّاں تمثِیلاں وِچ ہوندیاں نیں۔

رُومِیوں 16:19

کیوں جو تُہاڈی تابعداری ساریاں وِچ مشہُور ہوئی اے ایس کر کے مَیں تُہاڈے اُتّے خُوش آں پر مَیں چاہناں آں پئی تُسی بھلیائی وِچ سِیانے تے بُریائی وِچ نِیانے رہو۔

کُلُسِّیوں 3:16

مسِیح دے کلام نُوں پُوری دانائی نال اپنے دِل وِچ چنگی طرح وَسّن دیو۔ تے تُسی زبُوراں تے گِیتاں تے رُوحانی غزلاں نال آپو وِچ سکھاؤ تے نصِیحت کرو تے اپنے دِلاں وِچ فضل نال خُدا لئی گاؤ۔

۱-تھِسّلُنِیکوں 4:12

تاں جو باہر والے لوکاں نال بھلمانسی دے نال چلّو۔ تے کِسے شے دی لوڑ نا رکھو۔

۱-تِیمُتِھیُس 3:7

تے باہر والیاں وِچ نیک نام ہونا چاہیدا اے۔ تاں جو ملامت وِچ تے ابلیس دی پھاہی وِچ پَھس نا جائے۔

یعقُوب 1:5

پر جے تُہاڈے وِچ کِسے نُوں دانائی دا گھاٹا ہوئے تے اوہ خُدا کولوں منگے جیہڑا ساریاں نُوں بِناں جِھڑکیاں کُھلے دِل نال دیندا اے تے اوہنوں مِل جائے گی۔

یعقُوب 3:13

تُہاڈے وِچوں سیانا تے سمجھ والا کون اے؟ جیہڑا اجیہا ہوئے اوہ اپنے کمّاں نُوں نیک چال چَلّن دی راہِیں اوس حلِیمی نال ظاہر کرے جیہڑی حِکمت وِچوں پَیدا ہوندی اے۔

یعقُوب 3:17

پر جیہڑی دانائی اُتّوں آؤندی اے اوّل تے اوہ پاک ہوندی اے۔ فیر مِلاپڑی تے حلِیم تے مَت لین والی۔ رَحم تے چنگے پَھلاں نال لدّی ہوئی۔ تے رَئی تے مکر نئیں کر دی۔

۱-پطرس 3:1

زنانِیو! تُسی وی اپنے اپنے گھر والیاں دی تابعدار رہو۔