کُلُسِّیوں 4:3 - پنجابی نواں عہد نامہ نظرثانی شدہ چھپائی

³ تے نال نال ساڈے لئی وی دُعا منگیا کرو پئی خُدا ساڈے اُتّے کلام دا بُوہا کھولے۔ تاں جو مَیں مسِیح دا اوہ بھیت بیان کراں جِہدے سببّوں بَدّھا ہویا آں۔

کُلُسِّیوں 4:3 ပူးပေါင်းရင်းမြစ်များ

متّی 13:11

اوس اوہناں نُوں جواب دِتّا تے آکھیا۔ اسمان دی بادشاہی دے بھیتاں نُوں جان لینا تُہانوں بخشیا گیا اے۔ پر ایہناں نُوں ایہہ بخشیا نئیں گیا۔

اعمال 14:27

تے اوتھے اَپڑ کے کلِیسیا نُوں اکٹّھا کِیتا۔ تے اوہناں نُوں خبر دِتّی۔ پئی خُدا نے ساڈی راہِیں کِیہ کِیہ کمّ کِیتے۔ تے غیر قوماں دے اگّے اِیمان دا بُوہا کھول دِتّا۔

رُومِیوں 16:25

ہُن اوہدی جِہدی قُدرت اے۔ پئی میری خُوشخبری تے یِسُوع مسِیح دے ناں دی منادی دے سببّوں تُہانوں قیم رکھّے۔ اوس بھید دے ظاہر ہون دے سببّوں جیہڑا مُڈھوں ای چُھپیا رہیا۔

۱-کُرِنتھِیوں 16:9

کیوں جو میرے لئی اِک وَڈا سارے کمّ دا بُوہا لتّھا اے۔ تے وَیری بتھیرے نیں۔

۱-کُرِنتھِیوں 4:1

بندہ سانُوں اجیہا جانے پئی اسی مسِیح دے سیوائے تے خُدا دے بھیتاں دے مُختِیار آں۔

۲-کُرِنتھِیوں 2:12

تے جد مَیں مسِیح دی خُوشخبری دین لئی تروآس وِچ آیا۔ تے خُداوند وِچ میرے لئی بُوہا کُھل گیا۔

اِفسِیوں 3:1

ایسے واسطے مَیں پَولُس جیہڑا تُساں غیر قوم والیاں دی خاطر مسِیح یِسُوع دا قیدی آں۔

اِفسِیوں 3:3

یعنی ایہہ پئی اوہ بھیت مَینُوں اِلہام نال معلُوم ہویا تے نالے مَیں پہلاں اوہدا تھوڑا جیہا حال لِکھیا سی۔

اِفسِیوں 3:4

جِہنُوں پڑھ کے تُسی معلُوم کر سکدے ہو۔ پئی مَیں مسِیح دا اوہ بھیت کِتّھوں تِیکر سمجھنا آں۔

اِفسِیوں 3:9

تے ساریاں نُوں اِک گلّ دس دیاں۔ پئی جیہڑا بھیت مُڈھوں سارِیاں شیواں دے پَیدا کرن والے خُدا وِچ چُھپیا رہیا۔ اوہدا کِیہ بندوبست اے۔

اِفسِیوں 4:1

سو مَیں جیہڑا خُداوند دے سببّوں قیدی آں تُہاڈے اگّے عرض کرنا آں پئی جیویں سَدّے گئے سو۔ اوسے طرح چلّو۔

فِلِپّیوں 1:19

کیوں جو مَیں جاننا آں پئی تُہاڈی دُعا تے یِسُوع مسِیح دے رُوح دے اِنعام توں ایہدا انت میری نجات ہوئے گا۔

فِلِپّیوں 1:7

تے چاہیدا وی اے پئی مَیں تُہاڈے سبھناں دی بابت اجیہا ای خیال کراں کیوں جو تُسی میرے دِل وِچ وَسدے اوہ۔ ایس لئی میری قید تے خُوشخبری دے جواب دین تے ثابت کرن وِچ تُسی سارے میرے نال فضل وِچ سنگی ہو۔

کُلُسِّیوں 1:26

یعنی اوس بھیت دی جیہڑا ساریاں زمانیاں تے پِیڑھیاں وِچ چُھپیا رہیا تے ہُن اوہدے ایہناں پاک لوکاں اُتّے ظاہر ہویا۔

کُلُسِّیوں 4:18

میرا پَولُس دا اپنی ہتّھِیں سلام۔ میرِیاں بیڑیاں نُوں چیتے رکھو۔ تُہاڈے اُتّے فضل ہوندا رہے۔

۱-تھِسّلُنِیکوں 5:25

بھراؤ! ساڈے لئی دُعا منگو۔

۲-تِیمُتِھیُس 1:16

خُداوند اُنیسِفرُس دے ٹبّر اُتّے رَحم کرے۔ کیوں جو اوس بُہتی واری مَینُوں تازیاں کِیتا تے میری قید تُوں شرمندہ نا ہویا۔

۲-تِیمُتِھیُس 2:9

جِہدے لئی مَیں بدکار وانگر دُکھ سہناں آں۔ ایتھوں تِیکر پئی قید آں۔ پر خُدا دا کلام قید نئیں۔

۲-تِیمُتِھیُس 4:2

پئی تُوں کلام دی منادی کر۔ ویلے کویلے تیار رہ۔ تے ہر طرح دے صبر تے تعلِیم دے نال الزام دے۔ تے ملامت تے نصِیحت کر۔

فلِیمون 1:22

نالے میرے لئی رہن دا تھاں بنائِیں۔ کیوں جو مَینُوں آس اے پئی تُہاڈیاں دُعاواں دی راہِیں مَیں تُہانوں بخشیا جاواں گا۔